மாநில அரசு ஒத்துழைப்பு இல்லாததால்... தென்னை விவசாயிகள் கண்ணீர்!
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

மாற்றம் செய்த நாள்

21 ஜன
2022
10:56
பதிவு செய்த நாள்
ஜன 21,2022 10:51


பொள்ளாச்சி: பொள்ளாச்சி பகுதியின் முக்கிய, விவசாய உற்பத்தி பொருளான தேங்காய்க்கு உரிய விலை கிடைக்க, தமிழக அரசு ஆதரவு அளிக்க வேண்டும். கொப்பரைக்கான குறைந்தபட்ச ஆதார விலையில், மாநில அரசின் பங்களிப்புடன், கொள்முதலை உடனடியாக துவங்க வேண்டும், என்ற விவசாயிகளின் குரல் வலுத்துள்ளது.



பொள்ளாச்சி, ஆனைமலை, கிணத்துக்கடவு, உடுமலை பகுதியில், தென்னை சாகுபடி அதிகமுள்ளது. தென்னை பொருட்கள் சார்ந்த பொருட்கள் உற்பத்தி மற்றும் ஏற்றுமதி அதிகளவில் உள்ளது.

இந்நிலையில், தேங்காய்க்கு நிலையான விலையின்றி விவசாயிகள் கடும் பொருளாதார நெருக்கடிக்கு உள்ளாகின்றனர். தேங்காய் மற்றும் கொப்பரை வர்த்தகத்தில், இடைத்தரகர்கள், வியாபாரிகள் 'சிண்டிகேட்' அமைத்து, விலையை ஏற்றியும், இறக்கி வருகின்றனர். தங்கள் சுய லாபத்துக்காக, விவசாயிகளின் வருவாயை சுரண்டுவது பல ஆண்டுகளாக அரங்கேறுகிறது.

இதற்கு தீர்வாக, தேங்காய் விலையை நிர்ணயிக்கும் கொப்பரைக்கு அடிப்படை ஆதார விலையை அதிகரிக்க வேண்டும் என்ற கோரிக்கை கடந்த பல ஆண்டுகளாக எழுப்பப்படுகிறது. அதன் அடிப்படையில், மத்திய அரசு, எண்ணெய் கொப்பரை கிலோவுக்கு, 105.90 ரூபாய்; பந்து கொப்பரை கிலோவுக்கு, 110 ரூபாய் அடிப்படை ஆதார விலையாக நிர்ணயம் செய்துள்ளது.

இந்த நிலை தற்போதுள்ள பராமரிப்பு செலவுகளுக்கு கட்டுப்படியாகாது என்பதால், மாநில அரசு தன் பங்குக்கு ஒரு கிலோ கொப்பரைக்கு குறைந்தது, 15 ரூபாய் அடிப்படை ஆதார விலையாக வழங்க வேண்டும், என விவசாயிகள் வலியுறுத்துகின்றனர்.
ஏற்கனவே, வெள்ளை ஈ தாக்கம், கேரள வாடல் நோய், ஈரியோபைட் சிலந்தி தாக்கம் என பல்வேறு பிரச்னைகளால் தேங்காய் உற்பத்தி கடுமையாக பாதிக்கப்பட்டு, பராமரிப்பு செலவு கணிசமாக அதிகரித்துள்ள நிலையில், மாநில அரசின் இந்த ஆதரவு மிகவும் அத்தியாவசியம், என, விவசாயிகள் வலியுறுத்துகின்றனர்.

மேலும், மலேசிய நாட்டில் இருந்து இறக்குமதி செய்யப்படும் பாமாயில் எண்ணெய்க்கு மாநில அரசு மானியம் அளித்து, ரேஷன் கடைகளில் வினியோகம் செய்கிறது. வெளி சந்தையில் கிலோ, 122 ரூபாய் வரை விற்பனையாகும் பாமாயில், ரேஷன் கடைகளில், 25 ரூபாய்க்கு விற்கப்படுகிறது. இதற்காக, மாநில அரசு பல கோடி ரூபாய் மானியம் ஒதுக்குகிறது.

வெளிநாட்டு உற்பத்தி பொருளான பாமாயிலுக்கு மானியம் வழங்குவதற்கு பதில், உள்நாட்டில் உற்பத்தி செய்யப்படும் ஆரோக்கியம் மிகுந்த தேங்காய் எண்ணெயை மானியம் கொடுத்து வாங்கி, ரேஷனில் வினியோகித்தால், மக்களின் உடல் நலனும் பாதுகாக்கப்படும்; தென்னை விவசாயிகளும் நன்மை பெறுவர், என, தென்னை விவசாயிகள் தரப்பில் அரசுக்கு கோரிக்கை வைக்கப்படுகிறது.

கொப்பரை உற்பத்தியாளர்கள் கூறுகையில், 'காங்கேயம் மார்க்கெட்டில், ஒரு கிலோ கொப்பரைக்கு 90 - 92 ரூபாய் விலை கிடைக்கிறது. இதை அடிப்படையாக கொண்டு, தேங்காய் டன்னுக்கு, 27,500 முதல், 30 ஆயிரம் ரூபாய் வரை நிர்ணயிக்கப்படுகிறது.

'மத்திய அரசு ஆதார விலையாக கொப்பரை கிலோவுக்கு, 105.90 ரூபாய் நிர்ணயித்துள்ளது. வெளிமார்க்கெட்டில், கொப்பரை விலை சரிந்து வரும் நிலையில், உடனடியாக கொள்முதல் துவங்க வேண்டும். மாநில அரசும் பங்களிப்பு கொடுத்து, கிலோ, 120 ரூபாய்க்கு கொள்முதல் செய்ய வேண்டும்,' என்றனர்.


மாநில அரசுக்கு அழுத்தம்!


தென்னை வளர்ச்சி வாரிய உறுப்பினர் முத்துராமலிங்கம் கூறுகையில், ''தென்னை விவசாயத்தில் பல்வேறு பிரச்னைகள் நிலவும் நிலையில், தேங்காய், கொப்பரைக்கு கிடைக்கும் விலையே, விவசாயிகளுக்கு ஆறுதல் அளிக்கும்.தற்போது, வெளிமார்க்கெட்டில், கொப்பரை விலை சரிவில் சென்று கொண்டுள்ளது. மத்திய அரசு அறிவித்துள்ள, ஆதார விலையுடன், மாநில அரசும் பங்களிப்பு தொகையை சேர்த்து, தமிழகத்தில் உடனடியாக கொப்பரை கொள்முதலை துவங்க வேண்டும், என, தென்னை வளர்ச்சி வாரியம் சார்பில் வலியுறுத்தியுள்ளோம்,'' என்றார்.

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (13)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அப்புசாமி ஐ.ஏ.எஸ் (ஓய்வு) பொங்கல் பரிசுத் தொகுப்பில் தேங்காயும் வெச்சு குடுத்திருக்கலாமே... ஒரு தேங்காய் 30 ரூவான்னு கணக்கு காட்டி ஆட்டையப் போட்டிருக்கலாமே... சரி உடுங்க. அடுத்த வருஷம் தேங்காய், இஞ்சி, மஞ்சள், வெத்திலை, பாக்கு, பூ, பழம்னு சேத்துக் குடுத்து அசத்துங்க. போகி எரிக்க பழைய பாயும், எரித்தபின் ,புது பாயும் குடுக்கலாம். இப்போலேருந்து திட்டமிடுங்க. அதிகாரிகளை இப்பவே மாத்தி அவுங்களுக்கு நல்ல பயிற்சி குடுங்க.
Rate this:
Cancel
Soumya - Trichy,இந்தியா
21-ஜன-202218:55:18 IST Report Abuse
Soumya விடியா அரசின் உச்சக்கட்ட பழிவாங்கள்
Rate this:
Cancel
J.V. Iyer - Singapore,சிங்கப்பூர்
21-ஜன-202217:53:34 IST Report Abuse
J.V. Iyer விடியல் ஆட்சியில் முதலில் தண்ணீரில், இப்போது கண்ணீரில், எப்போதும் தண்ணியில்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X