Dinamalar

பதிவு செய்த நாள்

திருப்பூர்:திருப்பூர் ஐ.டி.ஐ., வளாகத்தை கொரோனா வார்டுக்கு தயார் படுத்தும் பணி துவங்கியது.தமிழகத்தில் கடந்த ஒரு மாதமாக கொரோனா தொற்று பரவல் நாளுக்கு நாள் அதிகரித்து வருகிறது.இதற்கு பாதுகாப்பு ஏற்பாடுகளாக தடுப்பூசி முகாம்கள், தொற்று பரவல் தடுப்பு நடவடிக்கைகளை சுகாதார துறையினர் வலியுறுத்தியும், விழிப்புணர்வு ஏற்படுத்தியும் கண்காணித்தும் வருகின்றனர்.திருப்பூர் மாவட்டத்தைப் பொறுத்தவரை கடந்த சில நாட்களாக தொற்று பாதிப்பு கணிசமாக அதிகரித்து வருகிறது. தொற்று பாதிப்பு காரணமாக மருத்துவமனையில் அனுமதித்து சிகிச்சை அளிக்க வேண்டிய நபர்களுக்கு அரசு மருத்துவ கல்லுாரி மருத்துவமனையில் சிறப்பு வார்டு அமைக்கப்பட்டு, மருத்துவர்கள் பணியாற்றி வருகின்றனர்.இது தவிர இரு தனியார் மருத்துவமனைகளிலும் கொரோனா சிகிச்சைக்கான சிறப்பு வார்டுகள் அமைக்கப்பட்டுள்ளன.இது தவிர மாநகராட்சி பகுதியில், மைய அலுவலகத்தில் கொரோனா கட்டுப்பாட்டு அறை 24 மணி நேரமும் செயல்படுகிறது.மேலும், 4 நான்கு மண்டலங்களிலும் தலா ஒரு வழிகாட்டுதல் மற்றும் தொற்று கண்டறியும் மையம் காலை முதல் மாலை வரை இயங்குகிறது.மேலும், திருப்பூர் சேவா சமிதி, நஞ்சப்பா பள்ளி, சிக்கண்ணா கல்லுாரி ஆகியன கொரோனா சிகிச்சை வார்டுகளாக, படுக்கை களுடன் தயார் நிலையில் உள்ளன.இந்நிலையில் கடந்த முறை கொரோனா பரவலின் போது, ஆக்கிஜன் வசதியுடைய படுக்கைகள், திருப்பூர் குமரன் மகளிர் கல்லுாரியில் ஏற்படுத்தப்பட்டன. தற்போது இம்மையம் அதே பயன்பாட்டுக்கு மீண்டும் தேர்வு செய்யப்பட்டுள்ளது. மையம் அமைப்பதற்கான முதல் கட்டப் பணிகள் துவங்கியுள்ளன.மேலும், தாராபுரம் ரோட்டில் உள்ள அரசு ஐ.டி.ஐ., வளாகமும் சிகிச்சை மையத்துக்கு தேர்வு செய்யப்பட்டுள்ளது.மாநகராட்சி கமிஷனர் கிராந்தி குமார், நகர் நல அலுவலர் பிரதீப் கிருஷ்ணகுமார் ஆகியோர் நேற்று ஐ.டி.ஐ., வளாகத்தில் சென்று மையம் அமைப்பதற்கான ஏற்பாடுகள் குறித்து ஆய்வு நடத்தினர்.தொற்று பாதிப்பு அதிகரித்து கூடுதல் படுக்கைகள் தேவைப்படும் நிலையில் இதை பயன்பாட்டுக்கு கொண்டு வர முடிவு செய்யப்பட்டுள்ளது.

• 1.'டெல்டா கால்வாய்கள் வரும் 31க்குள் தூர்வாரப்படும்'
• 2.மேட்டூர் அணை நீர் வீணாகும் அபாயம்: பன்னீர்செல்வம் எச்சரிக்கை
• 3.பதிவுத் துறையில் கட்டுரை போட்டி
• 4.சாத்தபுரம் கணபதி கோவில் பிரதிஷ்டை தின உற்சவம்
• 5.கொப்பரை மூட்டைகளுக்கு 'க்யூ.ஆர்., கோடு': முறைகேடு தவிர்க்க அறிமுகம்
• 6.பெங்களூரு ஸ்டைலில் மாறுகிறது கோவை! 'ஸ்மார்ட் ரோடு', 'பெய்டு பார்க்கிங்' எல்லாம் உண்டு
• 7.வாய்ப்புகளை பயன்படுத்தினால் வெற்றி நிச்சயம்!
• 8.ஐ.ஏ.எஸ்., -- ஐ.பி.எஸ்., தேர்வில் கடின உழைப்பே வெற்றி பெற வழி: முன்னாள் டி.ஜி.பி., ஜாங்கிட் அறிவுரை
• 9.ஆந்திராவுக்கு ரேஷன் அரிசி கடத்தல்: முதல்வருக்கு சந்திரபாபு கடிதம்
• 10.சென்னைக்கு கூடுதல் விமானங்கள் இயக்கம்: காலையில் சென்று அன்றே திரும்பலாம்