Dinamalar

கெங்கவல்லி: மொபட் - பைக் நேருக்கு நேர் மோதி விபத்துக்குள்ளானதில், இரு தொழிலாளிகள் உயிரிழந்தனர். கெங்கவல்லி, நடுவலூர், மோட்டூரை சேர்ந்தவர் ராமர், 46. இவர், கெங்கவல்லி பேரூராட்சி அலுவலகம் அருகே, தள்ளுவண்டியில் டிபன் கடை வைத்துள்ளார். நேற்று காலை, 9:00 மணிக்கு, மனைவியை கடையில் விட்டுவிட்டு, டி.வி.எஸ்., - எக்ஸ்.எல்., மொபட்டில் ராமர் வீட்டுக்கு சென்றுகொண்டிருந்தார். அதேநேரம், பெத்த நாயக்கன்பாளையம், திருமலைசமுத்திரத்தில் இருந்து கூலித்தொழிலாளி குமார், 45, 'பல்சர்' பைக்கில், கெங்கவல்லியில் உள்ள உறவினர் வீட்டுக்கு வந்து கொண்டிருந்தார். அரசு மருத்துவமனை வளைவு பகுதியில் வந்தபோது, மொபட் - பைக் நேருக்கு நேர் மோதியது. அதில் படுகாயமடைந்த ராமர், குமார், ஆத்தூர் அரசு மருத்துவமனையில் அனுமதிக்கப்பட்டனர். பின், மேல்சிகிச்சைக்கு சேலம் அரசு மருத்துவமனையில் சேர்க்கப்பட்டனர். அதில் இருவரும் உயிரிழந்தனர். கெங்கவல்லி போலீசார் விசாரிக்கின்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE