Dinamalar

பதிவு செய்த நாள்

பொள்ளாச்சி:பொள்ளாச்சி மார்க்கெட் ரோடு பல இடங்களில் சிதைந்து கிடப்பதால், தமிழகம் - கேரளா போக்குவரத்து கடுமையாக பாதிக்கப்படுகிறது. விபத்து, நெரிசலும் அதிகரித்துள்ளது.பொள்ளாச்சி - பாலக்காடு ரோடு, தமிழகம் - கேரளாவுக்கான முக்கிய இணைப்பு ரோடாக உள்ளது. இந்த ரோட்டில், வடுகபாளையம் பிரிவு பகுதியில் ரயில்வே மேம்பாலம் கட்டப்படுவதால், போக்குவரத்து மார்க்கெட் ரோடு - மீன்கரை ரோடு வழித்தடத்தில் மாற்றி விடப்பட்டுள்ளது.இந்த வழித்தடம், ஏற்கனவே மீனாட்சிபுரம், கோவிந்தாபுரம் வழியே கேரளாவையும், ஆனைமலை பகுதிகளையும் இணைக்கும் ரோடு என்பதால், அதிக வாகன போக்குவரத்து மிக்க ரோடாக உள்ளது.இந்நிலையில், பாலக்காடு ரோட்டின் போக்குவரத்தும் இந்த வழித்தடத்தில் மாற்றி விடப்பட்டுள்ளதால், வாகனங்களின் எண்ணிக்கை பல மடங்கு அதிகரித்துள்ளது.இந்நிலையில், மார்க்கெட் ரோடு, திருவள்ளுவர் திடல் அருகே, காந்தி மார்க்கெட் நுழைவாயில் முன், மாட்டுச்சந்தை நுழைவாயில் எதிரே என பல இடங்களில் ரோடு மோசமாக சிதைந்து கிடக்கிறது.இதனால், இரு மாநில போக்குவரத்து கடுமையாக பாதிக்கப்படுவதுடன், விபத்து மற்றும் நெரிசல் ஏற்படுகிறது.இந்த சேதமான பகுதிகளை சீரமைக்க, அதிகாரிகள் எவ்வித அக்கறையும் காட்டாமல் இருப்பது, வியாபாரிகள், பொதுமக்களிடையே கடும் அதிருப்தியை ஏற்படுத்தியுள்ளது.நகர்ப்புற உள்ளாட்சி தேர்தல் வர இருக்கும் சூழலில், அதிகாரிகளின் இந்த அலட்சிய போக்கு, அதற்கான 'வெகுமதியை' பெற்றுத்தரும் என்பதை ஆளுங்கட்சியினர் உணர வேண்டியது அவசியம்.

• 1. நூல் விலை உயர்வை கண்டித்து ஆர்ப்பாட்டம்
• 2.நெடுஞ்சாலை பெண் ஆய்வாளர் கைது:ரூ. 5,000 லஞ்சம் வாங்கியபோது சிக்கினார்
• 3.நூற்பாலைகளில் நூல் பதுக்கல் இருக்கா? ஆய்வு செய்ய கலெக்டர்களுக்கு உத்தரவு
• 4.பருத்தி விற்பனைக்கு கட்டுப்பாடு அவசியம்: மத்திய அமைச்சரிடம் 'டாஸ்மா' வலியுறுத்தல்
• 5.கோவையில் 22ல் எஸ்.பி.பி., இசை விழா
• 6.தி.மு.க., பண பட்டுவாடா திட்டம்: வேலூர் இப்ராஹிம் குற்றச்சாட்டு
• 7.இன்டர்சிட்டி எக்ஸ்பிரஸ் ரயில்7 நாள் சென்னை செல்லாது
• 8.விசைத்தறி ஜவுளி உற்பத்தி நிறுத்தம்: ரூ.100 கோடி துணி தேக்கம்
• 9.கோவையில் மூன்று பேர் 'டிஸ்சார்ஜ்'
• 10.'ஏய்... மீச தொரை! உன்ன என்ன பண்றன்னு பாரு':வைரலான உ.பி.,களின் உரையாடல்