கடத்திய 2 ஆயிரம் கிலோ ரேஷன் அரிசி பறிமுதல் | கோயம்புத்தூர் செய்திகள் | Dinamalar
கடத்திய 2 ஆயிரம் கிலோ ரேஷன் அரிசி பறிமுதல்
Added : ஜன 24, 2022 | |
Advertisement
 
Latest district News

பொள்ளாச்சி:பொள்ளாச்சி அருகே கேரளாவுக்கு கடத்த முயன்ற, 2 ஆயிரம் கிலோ ரேஷன் அரிசி பறிமுதல் செய்ததுடன், மூன்று பேரை, குடிமைப்பொருள் வழங்கல் குற்றப்புலனாய்வுத்துறை போலீசார் கைது செய்தனர்.பொள்ளாச்சி குடிமைப்பொருள் வழங்கல் குற்றபுலனாய்வுத்துறை இன்ஸ்பெக்டர் கோபிநாத்துக்கு, ரேஷன் அரிசி கடத்துவதாக ரகசிய தகவல் வந்தது. அதன் அடிப்படையில், பொள்ளாச்சி - நடுப்புனி செங்கணாம்பாளையம் பாலம் அருகே, போலீசார் வாகனச்சோதனை மேற்கொண்டனர். அப்போது அவ்வழியாக வந்த சரக்கு வானம், இருசக்கர வாகனத்தை நிறுத்தி, போலீசார் சோதனை செய்தனர்.இரண்டு வாகனங்களிலும், 50 கிலோ எடை கொண்ட, 40 வெள்ளை சாக்கு மூட்டைகளில், 2 ஆயிரம் கிலோ ரேஷன் அரிசி இருந்தது.சம்பந்தப்பட்ட நபரிடம் விசாரித்த போது, பொள்ளாச்சியை சேர்ந்த ராஜாமன்சூர், 38, மணிகண்டன், 35, சக்திவேல், 36 ஆகியோர் என்பதும்; பொள்ளாச்சியில் இருந்து கேரளாவுக்கு வாகனங்களில் ரேஷன் அரிசி கடத்துவதும் தெரிய வந்தது.இதனையடுத்து போலீசார், மூன்று பேரையும் கைது செய்து, 2 ஆயிரம் கிலோ ரேஷன் அரிசியை பறிமுதல் செய்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X