காணாமல் போன மீன் வியாபாரி; அழுகிய நிலையில் உடல் மீட்பு; கொலையா என போலீஸ் விசாரணை
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

பதிவு செய்த நாள்

26 ஜன
2022
07:14


கண்டமங்கலம் : கண்டமங்கலம் அருகே காணாமல் போன பெண் மீன் வியாபாரி அழுகிய நிலையில் உடல் கண்டெடுக்கப்பட்டது. கொலை செய்யப்பட்டாரா என போலீசார் விசாரித்து வருகின்றனர்.விழுப்புரம் மாவட்டம், கண்டமங்கலம், துலுக்காநத்தம் காலனியைச் சேர்ந்தவர் அய்யாவு.

இவரது மனைவி முத்தம்மாள், 55; மீன் மற்றும் கருவாடு வியாபாரம் செய்து வந்தார். இவரை கடந்த 11ம் தேதி முதல் காணவில்லை. பல இடங்களில் தேடியும் கிடைக்கவில்லை.அவரது மகன் ராஜிவ்காந்தி, 34; அளித்த புகாரின் பேரில், போலீசார் வழக்குப் பதிந்து விசாரணை நடத்தி வந்தனர்.இந்நிலையில் நேற்று மாலை 3:30 மணியளவில் ராஜிவ்காந்தி பாக்கம் கிராமத்தில் இருந்து துலுக்காநத்தம் செல்லும் சாலையில் கரும்புத் தோட்டத்திற்கு சென்று பார்த்தபோது முத்தம்மாள் மீன் வியாபாரத்திற்கு பயன்படுத்தும் அன்னக்கூடை கிடப்பதைப் பார்த்துள்ளார்.அருகே சென்று பார்த்தபோது, முத்தம்மாள் அழுகிய நிலையில் கிடந்தது தெரியவந்தது.கண்டமங்கலம் இன்ஸ்பெக்டர், ரத்தினசபாபதி, சப் இன்ஸ்பெக்டர் பிரேம்குமார் மற்றும் போலீசார் சம்பவ இடத்திற்குச் சென்று முத்தம்மாள் உடலை மீட்டு பிரேத பரிசோதனைக்கு முண்டியம்பாக்கம் அரசு மருத்துவமனைக்கு அனுப்பி வைத்தனர்.

முத்தம்மாளுக்கு மீனா, 40; வெள்ளை யம்மாள், 38; பாப்பாத்தி, 32; என 3 மகள்களும், ராஜிவ்காந்தி, 34; என்ற மகனும் உள்ளனர். அனைவரும் திருமணம் ஆனவர்கள். கடந்த 2 ஆண்டுக்கு முன் ராஜிவ்காந்தி குழந்தைகளுக்கு காதணி விழா நடந்துள்ளது.அந்த விழாவில் முத்தம்மாளுக்கு 3 மகள்களும், மகனும் சேர்ந்து 5 சவரன் தாலி சரடு வாங்கிக் கொடுத்துள்ளனர். இது தவிர இரண்டரை சவரன் அளவிற்கு கம்மல், மூக்குத்தி மற்றும் 250 கிராம் வெள்ளிக்கொலுசும் அணிந்திருந்துள்ளார்.தாலிச் செயின் உட்பட அனைத்து நகைகளையும் சேர்த்து அவர் 3 லட்சம் ரூபாய் மதிப்பில் நகைகள் அணிந்திருந்துள்ளார்.

தினமும் அவர் வியாபாரத்திற்குச் சென்று மாலை அல்லது இரவு நேரங்களில் பைக்கில் வருபவர்களிடம் லிப்ட் கேட்டு வருவதை வழக்கமாக கொண்டாடிருந்தார்.அதுபோன்று வந்தபோது மர்ம நபர் நகைகளுக்காக கொலை செய்திருக்கலாம் என்ற கோணத்தில் போலீசார் விசாரணை நடத்தி வருகின்றனர்.

 

Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X