போலீஸ் டைரி...: செங்கல்பட்டு
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

பதிவு செய்த நாள்

27 ஜன
2022
02:31

'குடி' போதையில் இளைஞர் பலி


மறைமலை நகர்: மறைமலை நகர் அடுத்த, கலிவந்தப்பட்டு கிராமத்தைச் சேர்ந்தவர் கங்காதரன் மகன் வெங்கடேசன், 45. கூடுவாஞ்சேரி விஷ்ணுப்ரியா நகரில் வசித்து, சமையல் எரிவாயு சிலிண்டர் வினியோகம் செய்யும் வேலை பார்த்து வந்தார்.சொந்த ஊருக்கு வந்த வெங்கடேசன் மது அருந்தி, அருகில் உள்ள முத்துமாரியம்மன் கோவில் குளத்தில் குளித்தார். அப்போது நீரில் மூழ்கி இறந்தார். மறைமலை நகர் போலீசார் உடலை மீட்டு, செங்கல்பட்டு அரசு மருத்துவமனைக்கு பிரேத பரிசோதனைக்கு அனுப்பினர்.
பூ வியாபாரி தற்கொலை
சிங்கபெருமாள் கோவில்: சிங்கபெருமாள் கோவில் ரயில்வே ஸ்டேஷன் தெருவைச் சேர்ந்தவர் காசிநாதன் மகன் செந்தில்குமார் 36; அதே பகுதியில் பூக்கடை வைத்துள்ளார். இவருக்கு மனைவி சத்யா, ஒரு மகள் உள்ளார்.தம்பதி இடையே நேற்று முன்தினம் சண்டை நடந்துள்ளது. இதில் விரக்தியடைந்த செந்தில்குமார் வீட்டில் யாரும் இல்லாத நேரத்தில் தற்கொலை செய்து கொண்டதாக கூறப்படுகிறது.மறைமலை நகர் போலீசார், உடலை மீட்டு செங்கல்பட்டு அரசு மருத்துவமனைக்கு அனுப்பினர். அவர் இறப்பில் சந்தேகம் இருப்பதாக, உறவினர்கள் புகார் அளித்துள்ளனர்.
சாராயம் விற்றோருக்கு 'காப்பு'
செய்யூர்: செய்யூர் அருகே, ஓதியூர் கிராமத்தைச் சேர்ந்த கோபு, 35, குடியரசு தினமான நேற்று, மதுக்கடைகள் அடைக்கப்பட்டதால், அதிக விலையில் கள்ளச்சாராயம் விற்றார்.தகவலறிந்த செய்யூர் போலீசார், அப்பகுதிக்கு சென்று கள்ளச்சாராய விற்பனையில் ஈடுபட்டு வந்த கோபுவை கைது செய்தனர்; 10 லிட்டர் அளவு சாராயத்தை கைப்பற்றினர்.
பைக் திருடிய மூவர் கைது
சூணாம்பேடு: இடைக்கழிநாடு பேரூராட்சி, கடப்பாக்கம் கிராமத்தில் கிழக்கு கடற்கரை சாலை அருகே வசிப்பவர் சாமிக்கண்ணு மகன் குபேரன், 42.நேற்று முன்தினம் இரவு, இவர் வீட்டில் நிறுத்தியிருந்த 'பேஷன் ப்ரோ' இருசக்கர வாகனத்தை, மூன்று பேர் திருடிச் சென்றனர்.அவர்களை பிடிக்க முயன்று, முடியாத குபேரன் தகவல் அளித்தார். சூணாம்பேடு காவல் நிலையம் சார்பில், இரவு நேர பாதுகாப்பு பணியில் இருந்த போலீசார், பைக் திருடர்களை விரட்டி சென்று, பனையூர் அருகே மடக்கி பிடித்தனர்.
விசாரித்ததில் மூவரும், கூவத்துார் கதிர்வேல் 24, சூர்யா, 24, மற்றும் பாலா, 20, என்பதும், மூவரும் புதுச்சேரியில் மது அருந்தி, வீட்டிற்கு செல்லும் வழியில் பைக் திருட்டு முயற்சியில் ஈடுபட்டது தெரியவந்தது. மூவரையும் கைது செய்த போலீசார், இரண்டு இருசக்கர வாகனங்களை பறிமுதல் செய்தனர்.

 

Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X