குடி போதையில் மகன் தகராறு கொலை செய்த பெற்றோர் கைது | மதுரை செய்திகள் | Dinamalar
குடி போதையில் மகன் தகராறு கொலை செய்த பெற்றோர் கைது
Added : ஜன 29, 2022 | |
Advertisement
 
Latest district News

மதுரை:குடிபோதையில் தகராறு செய்த மகனை, வயதான பெற்றோர் மண்ணெண்ணெய் ஊற்றி எரித்து கொலை செய்த சம்பவம், மதுரையில் பரபரப்பை ஏற்படுத்தி உள்ளது.
மதுரை, ஆரப்பாளையம் அருகே வைகையாற்றுக்குள் பாதி எரிந்த நிலையில் இளைஞர் உடல் கிடந்தது. கரிமேடு போலீசார், உடலை மீட்டு அரசு மருத்துவமனைக்கு அனுப்பினர். இறந்தது, ஆரப்பாளையத்தைச் சேர்ந்த மணிமாறன், 45, என தெரிந்தது.

கண்காணிப்பு கேமராக்களை ஆய்வு செய்த போது, மணிமாறனின் பெற்றோர் முருகேசன், 75, கிருஷ்ணவேணி, 65 ஒரு உடலை சாக்கில் வைத்து கட்டி, ரத்தம் சொட்ட சொட்ட சைக்கிளில் எடுத்துச் சென்றது தெரிந்தது.போலீசார் கூறியதாவது:

மணிமாறனுக்கு மூன்று குழந்தைகள் உள்ளனர். கருத்து வேறுபாடால் மனைவி பிரிந்து பெற்றோர் வீட்டில் வசித்தார். தினமும் குடித்து, பெற்றோரிடம் தகராறு செய்து வந்தார். நேற்று முன்தினம் இரவு போதையில் இருந்த அவர், பெற்றோருடன் வாக்குவாதம் செய்தார். ஆத்திரத்தில் விறகு கட்டையால் முருகேசன் அடித்ததில், மணிமாறன் மயங்கினார்.
அவர் மனைவியுடன், மகன் உடலை சைக்கிளில், காமராஜர் மேம்பாலம் அருகே வைகை ஆற்றுக்குள் வீசி, மண்ணெண்ணெய் ஊற்றி எரித்துள்ளார். இருவரிடமும் விசாரணை நடக்கிறது.இவ்வாறு அவர்கள் கூறினர்.மகனை பெற்றோரே எரித்துக் கொன்ற சம்பவம், மதுரையில் பரபரப்பை ஏற்படுத்தி உள்ளது.

 

Advertisement
மேலும் மதுரை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X