உள்ளாட்சி தேர்தலால் உற்சாகம்... கோவையில் பணம் கரை புரளும்!
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

மாற்றம் செய்த நாள்

29 ஜன
2022
07:38
பதிவு செய்த நாள்
ஜன 29,2022 07:35

ள்ளாட்சித் தேர்தல் அறிவிப்பால், கோவையிலுள்ள அனைத்து அரசியல் கட்சியினரும் பெரும் உற்சாகம் அடைந்துள்ளனர்; அதிலும் ஜெயித்தே ஆக வேண்டுமென்ற கட்டாயத்தில் ஆளும்கட்சி இருப்பதால், இந்தத் தேர்தலில் பணம் கரை புரளுமென எதிர்பார்க்கப்படுகிறது.


கோவையில், சட்டசபையில் அனைத்துத் தொகுதிகளையும் இழந்த நிலையில் இருக்கும் ஆளும்கட்சி, இந்த முறை எப்படியாவது கோவை மாநகராட்சியைக் கைப்பற்ற வேண்டுமென்று, அதிதீவிரமாக இருக்கிறது. ஆனால் பொங்கல் தொகுப்பு பொருட்களால் மக்களிடம் ஏற்பட்டுள்ள கோபம், கடந்த ஆண்டு போல ரொக்கம் கொடுக்காதது, நகருக்குள் ரோடுகள் படு மோசமாக இருப்பது போன்ற காரணங்களால், ஆளும்கட்சியின் மீது மக்களுக்கு கடும் அதிருப்தி நிலவி வருகிறது.

கடந்த பத்தாண்டுகளாக, தி.மு.க.,வினர் சம்பாதிக்க வழியில்லாததால், தேர்தலுக்குச் செலவழிக்க பணமின்றித் தவிக்கின்றனர்.சமீபத்தில் நடந்த டாஸ்மாக் 'பார்' ஏலத்திலும், ஆளும்கட்சியினருக்கு வாய்ப்பு தரப்படாததால், அவர்களும் கடும் விரக்தியில் உள்ளனர்.

இதற்கு நேர்மாறாக, அ.தி.மு.க.,வினர் செல்வத்தோடும், மக்களிடம் பெரும் செல்வாக்கோடும் வலம் வருகின்றனர்.இப்போதும் வசதி படைத்தவர்களுக்கே வாய்ப்பு தரப்படுவதால், அவர்களும் பணத்தை வாரியிறைக்கும் வாய்ப்பு அதிகமுள்ளது. அதனால், அவர்களை எப்படி எதிர்கொண்டு ஜெயிப்பது என்ற தயக்கமும், கலக்கமும் ஆளும்கட்சியினரிடம் காணப்படுகிறது.

இந்த காரணங்களால், தி.மு.க., - அ.தி.மு.க., இரண்டு தரப்பிலும் பணம் தண்ணீராய்ச் செலவழிக்கப்படும் என்றும், அடுத்த ஒரு மாதத்துக்கு கோவையில் பணம் கரை புரளுமென்றும் அரசியல் கட்சியினர் படு உற்சாகமாக உள்ளனர். அதே நேரத்தில், இவ்விரு கட்சிகளின் கூட்டணிக் கட்சியினரும், என்ன செய்வதென்று தெரியாமல் தவிக்கின்றனர்.

எப்படியும் மேயர் பதவியைக் கைப்பற்ற வேண்டுமெனில், பெரும்பான்மை கவுன்சிலர்களின் ஆதரவு வேண்டுமென்பதால், கூட்டணிக் கட்சியினருக்கும், இவ்விரு முக்கியக் கட்சிகளின் சார்பில் செலவிடப்படும் என்றும் எதிர்பார்க்கப்படுகிறது. ஆக மொத்தத்தில், இந்தத் தேர்தலின் வெற்றியை கூட்டணி பலம், வேட்பாளர் செல்வாக்கை விட பணமே தீர்மானிக்குமென்பது உறுதியாகத் தெரிகிறது.

-நமது நிருபர்-

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
John Miller - Hamilton,பெர்முடா
29-ஜன-202212:05:28 IST Report Abuse
John Miller மேயர் வேட்பாளர் தேர்தலில் அதிமுகவில் யாரும் ஏற்க தயாராக வில்லை என்ற செய்திகள் தான் அதிகம்.
Rate this:
Cancel
duruvasar - indraprastham,இந்தியா
29-ஜன-202208:14:06 IST Report Abuse
duruvasar எலிக்கு ஒரு காலம் வந்தால் அணிலுக்கும் ஒரு காலம் வரும் என்பார்கள். கால சக்ரம் சுழன்றுக்கொண்டேதான் இருக்கிறது. இது காலத்தின் கட்டாயம்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X