செய்திகள் சில வரிகளில்.,,
Added : ஏப் 01, 2022 | |
Advertisement
 
 
 
Advertisement
Advertisement
dinamalar advertisement tariff
 

மணி ஓசை எழுப்பி காங்., ஆர்ப்பாட்டம்

சேலம்: பெட்ரோல், டீசல், காஸ் சிலிண்டர் விலை உயர்வை கண்டித்து, காங்கிரஸ் சார்பில், நேற்று வீடு முன் நின்று மணி ஓசை எழுப்பி ஆர்ப்பாட்டம் நடத்தப்பட்டது.சேலம் மாநகர மாவட்ட காங்கிரஸ் சார்பில், அழகாபுரத்தில் மாவட்ட தலைவர் பாஸ்கர் தலைமையில், அவர் வீட்டின் முன், காஸ் சிலிண்டர், இரு சக்கர வாகனம் ஆகியவற்றுக்கு மாலை அணிவித்து, விலை உயர்வை கண்டித்து ஆர்ப்பாட்டம் நடத்தப்பட்டது. வர்த்தக பிரிவு மாவட்ட தலைவர் சுப்பரமணி, பொது செயலாளர் ராஜகணபதி ஆகியோர் பங்கேற்றனர். துணைமேயர் சாரதாதேவி, தன் வீட்டின் முன், சிலிண்டருக்கு மாலை அணிவித்து, மணி ஓசை எழுப்பி ஆர்ப்பாட்டம் நடத்தினார்.

கவுன்சிலர் தலைமையில் திடீர் மறியல்சேலம்: சாலை பணிகளை நிறுத்தும்படி, கவுன்சிலர் தலைமையில், திடீர் சாலைமறியல் போராட்டம் நடந்தது. சேலம் மாநகராட்சி, 31வது வார்டு, அபீத் தெரு, குண்டுபோடும் தெரு ஆகிய பகுதிகளில் சாலை அமைக்கும் பணி நடந்து வருகிறது. இப்பகுதிகளில், குடிநீர் குழாய் மற்றும் சாக்கடை கால்வாய் அமைத்துவிட்டு, பின் சாலை பணியை மேற்கொள்ள வேண்டும் என வலியுறுத்தி, 31வது வார்டு கவுன்சிலர் சையத் மூசா தலைமையில், 20க்கும் மேற்பட்டோர், கோட்டை அரசு மகளிர் பள்ளி முன் சாலை மறியலில் ஈடுபட்டனர். சேலம் டவுன் போலீசார் பேச்சுவார்த்தை நடத்தினர். இதன் முடிவில், சேலம் மாநகராட்சி கமிஷனர் கிறிஸ்துராஜை சந்தித்து, கோரிக்கை மனு அளித்தனர்.

கிளி விற்ற 2 பெண்களுக்கு அபராதம்சேலம்:‍ சேலம் குமாரசாமிப்பட்டி அருகே மாநகராட்சி தொங்கும் பூங்கா பகுதியில் நேற்று, 2 பேர் பச்சைகிளிகள் விற்பனை செய்வதாக சேர்வராயன் தெற்கு வனச்சரக அலுவலகத்திற்கு தகவல் கிடைத்தது. வனச்சரக அலுவலர் சின்னதம்பி உத்தரவின் படி, நாமக்கல் மாவட்டம் திருச்செங்கோடு பகுதியை சேர்ந்த பாண்டி மனைவி மீனா, 57, அண்ணாதுரை மனைவி இளவஞ்சி,38, ஆகியோரை வனத்துறையினர் பிடித்தனர். இருவரிடம் இருந்த, 15 பச்சைகிளிகள் வனத்திற்குள் விடப்பட்டன. பின்னர் அவர்களுக்கு மாவட்ட வன அலுவலர் கவுதம் தலா, 1,000 ரூபாய் அபராதம் விதித்து உத்தரவிட்டார்.

வாரச்சந்தையை சீரமைக்க தீர்மானம்வீரபாண்டி: சேலம் ஆட்டையாம்பட்டி டவுன் பஞ்சாயத்து முதல் கூட்டம், தலைவர் முருகபிரகாஷ் தலைமையில் நேற்று நடந்தது. செயல் அலுவலர் குணாளன், துணை தலைவர் கிருஷ்ணவேணி ஆகியோர் முன்னிலை வகித்தனர். டவுன் பஞ்சாயத்துக்கு சொந்தமான ஞாயிறு வாரச்சந்தை மற்றும் ஆட்டையாம்பட்டி பஸ் ஸ்டாண்டு ஆகியவற்றை முன்னுரிமை அடிப்படையில் சீரமைத்து மேம்படுத்த தேவையான நடவடிக்கை எடுப்பது உள்ளிட்ட பல்வேறு தீர்மானங்கள் நிறைவேற்றப்பட்டன.

நீரோடையில் ஆக்கிரமிப்பு நிலம் மீட்புஆத்துார்: ஆத்துார் அருகே, பழனியாபுரி கிராமத்தில், நீரோடை பகுதியில் உள்ள ஆக்கிரமிப்புகள் குறித்து நேற்று, ஆத்துார் தாசில்தார் மாணிக்கம் தலைமையிலான அலுவலர்கள் ஆய்வு செய்தனர். நீரோடை பகுதியை ஆக்கிரமிப்பு செய்திருந்த இருவரிடம், இரண்டு ஏக்கர் நிலத்தை மீட்டனர்.

ஏற்காட்டில் பூத்துக் குலுங்கும் காபி பூஏற்காடு: சேலம் மாவட்டம் ஏற்காட்டில் உள்ள காபி தோட்டங்களில் காபி செடிகளில் பூ பூக்கத் தொடங்கி உள்ளது. ஏற்காட்டில் காபி விவசாயம் பிரதான தொழிலாக உள்ளது. விவசாயம் செய்யப்பட்டு வரும் காபி செடிகளில் ஆண்டுதோறும் ஏப்ரல் மாதங்களில் பூ பூப்பது வழக்கம். தற்பொழுது இங்கு உள்ள காபி செடிகளில் பூ பூக்க தொடங்கி உள்ளது. பூ பூக்க தொடங்கியதால் காபி தோட்டம் முழுவதும் வெள்ளைப் போர்வை போர்த்தியது போல் காட்சியளிக்கிறது. ஏற்காடு வரும் சுற்றுலா பயணிகள் காபி பூக்களை கண்டு ரசித்து மகிழ்கின்றனர்.

'சைரன்' இல்லாத காரில் டி.ஜி.பி.,ஆத்துார்: தமிழக டி.ஜி.பி., சைலேந்திரபாபு நேற்று, மதியம், 3:10 மணியளவில், சென்னையில் இருந்து, தலைவாசல் சுங்கச்சாவடி வழியாக சேலம் சென்றார். அப்போது, 'ஹூண்டாய்' கறுப்பு நிற காரில் டி.ஜி.பி., சென்றபோதும், அந்த காரில், 'சைரன்' எதுவும் பொருத்தப்படவில்லை. தவிர, அந்த காருக்கு பின்னால் வேறு எந்த பாதுகாப்பு வாகனமும் வரவில்லை. சுங்கச்சாவடியில் இருந்து, ஆத்துார் டி.எஸ்.பி.,யின் 'பொலிரோ' கார் மட்டுமே சென்றது என்பது குறிப்பிடத்தக்கது.

டீசல் இருப்பு இல்லாததால் பங்க் மூடல்ஆத்துார்: சேலம் மாவட்டம், ஆத்துார், விநாயகபுரம், துலுக்கனுார், சம்பேரி உள்ளிட்ட பகுதி களில் ரிலையன்ஸ், நயரா பெட்ரோல் பங்குகள் உள்ளன. இந்த பங்குகளில், நேற்று, டீசல், பெட்ரோல் இருப்பு இல்லை என, அறிவிப்பு பலகை வைத்து பங்குகளை மூடினர்.இதுகுறித்து, தனியார் பெட்ரோல் பங்க் டீலர்கள் கூறுகையில், 'பெட்ரோல், டீசல் விலை உயர்வுக்கு பின், பங்கிற்கு குறைவான அளவுகளில் பெட்ரோல், டீசல் வழங்கப்பட்டது. தற்போது, டீலர்களுக்கு, பெட்ரோல், டீசல் அனுப்பாததால், பங்குகளில் இருப்பு இல்லை. பங்க் முன் இருப்பு இல்லை என, அறிவிப்பு பலகை வைத்து, தடுப்புகள் அமைத்து மூடி வைத்துள்ளோம்' என்றனர்.

நியமன குழு உறுப்பினர் தேர்வுமகுடஞ்சாவடி: இடங்கணசாலை நகராட்சியில் நியமன குழு உறுப்பினராக, பா.ம.க.,வை சேர்ந்த மாதேஸ், ஒப்பந்த குழு உறுப்பினராக, தி.மு.க.,வை சேர்ந்த இந்திராணி மற்றும் வரி விதிப்பு மேல் முறையீடு குழு உறுப்பினர்களாக, தி.மு.க.,வை சேர்ந்த சிவக்குமார், நாகராஜன், விஜயலட்சுமி, ரூபிகா ஆகியோர் தேர்ந்தெடுக்கப்பட்டனர்.

 

Advertisement
மேலும் சேலம் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X