Dinamalar

கடலுார் : திருமணம் நடக்க இருந்த நிலையில் காதலனுடன் மாயமான இளம்பெண்ணை போலீசார் தேடி வருகின்றனர்.கடலுார் பகுதியை சேர்ந்த 19 வயது இளம்பெண்ணிற்கு வரும் 25ம் தேதி திருமணம் செய்து வைக்க பெற்றோர் ஏற்பாடு செய்திருந்தனர். நேற்று முன்தினம் அப்பெண் தனது குடும்பத்தினருடன் வீட்டில் துாங்கியுள்ளார். நேற்று காலை எழுந்து பார்த்த போது அவரை காணவில்லை. அதிர்ச்சியடைந்த பெற்றோர் மற்றும் உறவினர்கள் பல இடங்களில் தேடியும் கிடைக்கவில்லை.

இதுகுறித்து கடலுார், திருப்பாதிரிப்புலியூர் போலீசில் புகார் அளிக்கப்பட்டது. போலீசார் வழக்குப் பதிந்து விசாரணை நடத்தினர். இதில், இளம்பெண்ணுக்கும் அவருடன் பள்ளியில் படித்த வாலிபர் ஒருவருக்கும் இடையே பழக்கம் ஏற்பட்டு, காதலமாக மாறியது.இதற்கிடையே வேறொரு வாலிபருடன் திருமணம் செய்து வைக்க பெற்றோர் முடிவு செய்ததால் அந்தப் பெண் காதலனுடன் மாயமாகியது தெரியவந்தது.போலீசார் இருவரையும் தேடி வருகின்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE