மாணவர்களின் கல்வி மேம்பாட்டுக்காக பிரமாண்ட நூலகம்:கூடுவாஞ்சேரி மாணவர்களுக்கு பயன்
Added : மே 17, 2022 | |
Advertisement
 
 
 
Advertisement
Advertisement
dinamalar advertisement tariff
 

கூடுவாஞ்சேரி:மாணவர்களின் கல்வி மேம்பாட்டுக்காக, நந்திவரம் - கூடுவாஞ்சேரியில் பிரமாண்ட நுாலகம் அமைய உள்ளது.நுாலகத்தில் லட்சக்கணக்கான புத்தகங்கள், அடிப்படை வசதிகள் மற்றும் கணினிகளுடன் கூடிய 'வைபை' வசதி ஏற்படுத்தப்பட்டு, அறிவுசார் பூங்கா மையம் துவங்க உள்ளது. மேலும், பொதுமக்களின் வசதிக்காக, நகராட்சிக்கென புதிய கட்டடம் கட்டப்பட உள்ளது.அறிவுசார் பூங்காநந்திவரம் - கூடுவாஞ்சேரி பேரூராட்சி, நகராட்சியாக தரம் உயர்த்தப்பட்டதை அடுத்து, தேவையான வசதிகளை உருவாக்கும் பணிகள் நடந்து வருகின்றன.
குறிப்பாக குடிநீர் உட்பட அடிப்படை தேவைகள், மாணவர்களுக்கு கல்வி சம்பந்தமான பணிகள், அதிக அளவில் நடந்து வருகின்றன.இந்நிலையில், மாணவர்களின் கல்வி தரத்தை மேம்படுத்துவதற்காக, அனைத்து நகராட்சி, மாநகராட்சிகளில் அறிவுசார் மையம் ஏற்படுத்த, அரசு உத்தரவிட்டுள்ளது. அதன்படி, நந்திவரம் - கூடுவாஞ்சேரியில் அறிவுசார் பூங்கா துவங்கப்பட உள்ளது.அதற்காக இடம் தேர்வு செய்யும் பணியில் வருவாய் துறை, நகராட்சி நிர்வாகம் ஈடுபட்டனர்.கூடுவாஞ்சேரி நகராட்சி அரசு ஆண்கள் மேல்நிலைப்பள்ளி எதிரில் கால்நடை மருத்துவமனை வளாகத்தில் அறிவுசார் பூங்கா அமைக்க இடம் தேர்வு செய்யப்பட்டுள்ளது.இரு நாட்களுக்கு முன், ஆராய்ச்சி நகரமைப்பு அலுவலர் செந்தில்குமார் செழியன் முன்னிலையில் வருவாய் துறையினர் நிலத்தை அளவிடும் பணியில் ஈடுபட்டனர். பூங்கா 1.51 கோடி ரூபாய் செலவில் அமைக்க முடிவு செய்யப்பட்டுள்ளது.அறிவுசார் பூங்கா, பெரிய அளவு நுாலகம் போல் செயல்படும். அரசு தேர்வு பயிற்சி பெறும் மாணவர்களின் கல்வி மேம்பாட்டுக்கும் மிகவும் பயனுள்ளதாக இருக்கும்.'டெண்டர்'நகராட்சி கமிஷனர் இளம்பரிதி கூறியதாவது:கலைஞர் நகர்ப்புற மேம்பாட்டு திட்டத்தில், அறிவுசார் பூங்கா அமைக்கப்படுகிறது.நந்திவரம் அரசு ஆண்கள் மேல்நிலைப் பள்ளி எதிரில் இப்பூங்கா அமைக்கப்பட உள்ளது. இதில் இளைஞர்கள், அரசு போட்டித் தேர்வுகளை எதிர்கொள்ளும் வகையில் பயிற்சி அளிக்கப்படும்.மேலும், போட்டித் தேர்வுக்கு தேவையான அனைத்து புத்தகமும், நுாலகத்தில் இடம்பெறும்.தொடுதிரை ஒளியமைப்பு கருவிகளுடன் கூடிய நுாலகம் அமைய உள்ளது. முதல் கட்டமாக நிலம் அளவிடும் பணி துவங்கப்பட்டுள்ளது. இப்பணி முடிந்ததும் எவ்வளவு நிலத்தில் இடம் கட்டுவது என முடிவு செய்யப்படும். 1.85 கோடி ரூபாயில் நுாலகம் கட்டுமானம் அமைக்கப்படுகிறது. 'டெண்டர்' விடப்பட்டு, இப்பணிகள் விரைவில் துவங்கி, அடுத்த ஆண்டுக்குள் பயன்பாட்டுக்கு வரும்.இவ்வாறு அவர் கூறினார்.

நந்திவரம் கூடுவாஞ்சேரி பிரம்மாண்ட நுாலகத்தில் அமைய உள்ள வசதிகள்

* நுாலகத்தை சுற்றி பூச்செடிகள்* இருக்கை வசதிகள்* 'வைபை' இணைய வசதியுடன் கூடிய கணினிகள்* 150 பேருக்கு மேல் அமர்ந்து படிக்கும் நுாலகம் * டி.என்.பி.எஸ்.சி., தேர்வு பயிற்சியாளர்களுக்கு அறை* பள்ளி, கல்லுாரி மாணவர்களுக்கான கலந்துரையாடல் அறை* ஒலி, ஒளி மூலம் திரையிடும் வசதி* தினசரி செய்தித்தாள்கள் படிக்கும் வசதி உட்பட பல வசதிகள் செய்யப்பட உள்ளன.



நகராட்சி அலுவலகத்திற்கும் புது கட்டடம்

பூங்கா தேர்ந்தெடுக்கப்பட்டுள்ள இடம், கால்நடை துறைக்கு சொந்தமானது. அங்குள்ள மருத்துவமனை வளாகத்தில் பூங்கா அமைக்கப்பட உள்ளது.மருத்துவமனை வளாகம் உபயோகத்திற்கு போக மீதியுள்ள இடத்தில், நந்திவரம்- - கூடுவாஞ்சேரி நகராட்சிக்கு புதிய கட்டடம் கட்டப்பட உள்ளது. அதற்கான நிதி இன்னும் ஒதுக்கப்படவில்லை. நகராட்சி கட்டடம் அமைவது குறித்து, விரைவில் அறிவிப்பு வெளியிடப்படும் என கூறப்படுகிறது.




 

Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X