Dinamalar

உளுந்துார்பேட்டை:உளுந்துார்பேட்டை அருகே சிறப்பு கிராம சபைக் கூட்டத்திற்கு வீடு வீடாகச் சென்று அழைத்தும் மக்கள் வராததும், 100 நாள் வேலை திட்டத்தில் ஊதியம் வழங்குவதில் முறைகேடு குறித்து வார்டு உறுப்பினர் புகார் தெரிவித்ததாலும் அதிகாரிகள் அதிர்ச்சியடைந்தனர்.உளுந்துார்பேட்டை அடுத்த நாச்சியார்பேட்டை கிராமத்தில் மகாத்மா காந்தி தேசிய ஊரக வேலை உறுதி திட்ட சமூக தணிக்கை சிறப்பு கிராம சபைக் கூட்டம் நடந்தது.
கூட்டத்திற்கு, தற்காலிக தலைவர் கொடிமணி தலைமை தாங்கினார். துணை பி.டி.ஓ., ராதாகிருஷ்ணன், வி.ஏ.ஓ., ஷாலினி, ஊராட்சி தலைவர் சந்தானம் சக்திவேல் முன்னிலை வகித்தனர்.வார்டு உறுப்பினர்கள் நிஷாந்தனி, கணேசன், அரங்கசாமி, வட்டார தணிக்கையாளர் பவானி, ஊராட்சி செயலாளர்கள் செல்வராஜ், ரமேஷ் மற்றும் கிராம மக்கள் பங்கேற்றனர்.கூட்டத்தில் மக்கள் தொகையில் 3ல் ஒரு பங்கு பெண்களும், அந்த ஊராட்சியின் மக்கள் தொகையில் தாழ்த்தப்பட்ட வகுப்பினர் மற்றும் பழங்குடியின மக்களும் கலந்து கொள்ள ஏற்பாடு செய்ய வேண்டும் என அறிவுறுத்தப்பட்டிருந்தது.ஆனால், காலை 10:00 மணிக்கு துவங்குவதாக இருந்த கூட்டம் பொதுமக்கள் யாரும் வராததால் கூட்டம் துவங்குவதில் தாமதம் ஏற்பட்டது.இதனால், ஊராட்சி செயலாளர்கள் ரமேஷ், செல்வராஜ் ஆகியோர் வீடு வீடாகச் சென்று கிராம மக்களை கிராம சபைக் கூட்டத்திற்கு அழைத்தனர். 11:30 மணியளவில் ஒரு சிலர் மட்டுமே கூட்டத்திற்கு வந்திருந்தனர்.இறுதியாக கிராம மக்கள் தொகையில் 1200க்கும் மேற்பட்டவர்களில் 29 பேர் மட்டுமே பங்கேற்றனர்.
கூட்டத்தில், பங்கேற்றவர்கள் மகாத்மா காந்தி தேசிய ஊரக வேலை திட்டத்தில் வேலைக்குச் செல்லாதவர்கள் வருகை புரிந்ததாக பதிவேட்டில் பதிவிடுகின்றனர் என குற்றம் சாட்டினர். வார்டு உறுப்பினரான நிஷாந்தினி கூறுகையில், ஒரு வாரம் வேலை செய்கின்றனர், ஆனால் 2, 3 நாட்களுக்கான கூலி மட்டுமே வழங்கப்படுகிறது. அதே நேரத்தில் வேலைக்கு வராமல் வீட்டிலேயே இருப்பவர்களுக்கு வேலைக்கான கூலி சென்று விடுகிறது என கூறியதால் அதிகாரிகள் அதிர்ச்சியடைந்தனர். கூட்டம் 12:10 மணியளவில் முடிவடைந்தது.இந்த கூட்டத்திற்காக சப் இன்ஸ்பெக்டர் அருள்செல்வன் தலைமையில் 25க்கும் மேற்பட்ட போலீசார் பாதுகாப்பு பணியில் ஈடுபட்டனர்.

• 1.நர்ஸ் மாயம்
• 2.கருவூலம் மூலம் ஓய்வூதியம் பெறுவோருக்கு ஜூலை மாதம் முதல் நேர்காணல் துவக்கம்
• 3.கோவிலில் திருட்டு
• 4.உளுந்துார்பேட்டையில் பாதாள சாக்கடை இணைப்பு நகராட்சி மண்டல நிர்வாக பொறியாளர் அறிவுறுத்தல்
• 5.மினி பஸ் மோதி மாணவர் பலி
• 6.வீரட்டானேஸ்வரர் கோவிலில் பிரதோஷ வழிபாடு
• 7.குப்பைகள் தரம் பிரிப்பு விழிப்புணர்வு நிகழ்ச்சி
• 8.குறைதீர் கூட்டம்
• 9.கள்ளக்குறிச்சியில் லோக் அதாலத்; 438 வழக்குகளுக்கு ரூ. 5.59 கோடி தீர்வு
• 10.தீ விபத்து