சிறப்பு கிராம சபைக் கூட்டத்தில் அதிகாரிகள்...அதிர்ச்சி: 100 நாள் வேலை திட்டத்தில் முறைகேடு புகார்
Added : மே 18, 2022 | |
Advertisement
 
 
 
Advertisement
Advertisement
dinamalar advertisement tariff
 

உளுந்துார்பேட்டை:உளுந்துார்பேட்டை அருகே சிறப்பு கிராம சபைக் கூட்டத்திற்கு வீடு வீடாகச் சென்று அழைத்தும் மக்கள் வராததும், 100 நாள் வேலை திட்டத்தில் ஊதியம் வழங்குவதில் முறைகேடு குறித்து வார்டு உறுப்பினர் புகார் தெரிவித்ததாலும் அதிகாரிகள் அதிர்ச்சியடைந்தனர்.உளுந்துார்பேட்டை அடுத்த நாச்சியார்பேட்டை கிராமத்தில் மகாத்மா காந்தி தேசிய ஊரக வேலை உறுதி திட்ட சமூக தணிக்கை சிறப்பு கிராம சபைக் கூட்டம் நடந்தது.
கூட்டத்திற்கு, தற்காலிக தலைவர் கொடிமணி தலைமை தாங்கினார். துணை பி.டி.ஓ., ராதாகிருஷ்ணன், வி.ஏ.ஓ., ஷாலினி, ஊராட்சி தலைவர் சந்தானம் சக்திவேல் முன்னிலை வகித்தனர்.வார்டு உறுப்பினர்கள் நிஷாந்தனி, கணேசன், அரங்கசாமி, வட்டார தணிக்கையாளர் பவானி, ஊராட்சி செயலாளர்கள் செல்வராஜ், ரமேஷ் மற்றும் கிராம மக்கள் பங்கேற்றனர்.கூட்டத்தில் மக்கள் தொகையில் 3ல் ஒரு பங்கு பெண்களும், அந்த ஊராட்சியின் மக்கள் தொகையில் தாழ்த்தப்பட்ட வகுப்பினர் மற்றும் பழங்குடியின மக்களும் கலந்து கொள்ள ஏற்பாடு செய்ய வேண்டும் என அறிவுறுத்தப்பட்டிருந்தது.ஆனால், காலை 10:00 மணிக்கு துவங்குவதாக இருந்த கூட்டம் பொதுமக்கள் யாரும் வராததால் கூட்டம் துவங்குவதில் தாமதம் ஏற்பட்டது.இதனால், ஊராட்சி செயலாளர்கள் ரமேஷ், செல்வராஜ் ஆகியோர் வீடு வீடாகச் சென்று கிராம மக்களை கிராம சபைக் கூட்டத்திற்கு அழைத்தனர். 11:30 மணியளவில் ஒரு சிலர் மட்டுமே கூட்டத்திற்கு வந்திருந்தனர்.இறுதியாக கிராம மக்கள் தொகையில் 1200க்கும் மேற்பட்டவர்களில் 29 பேர் மட்டுமே பங்கேற்றனர்.
கூட்டத்தில், பங்கேற்றவர்கள் மகாத்மா காந்தி தேசிய ஊரக வேலை திட்டத்தில் வேலைக்குச் செல்லாதவர்கள் வருகை புரிந்ததாக பதிவேட்டில் பதிவிடுகின்றனர் என குற்றம் சாட்டினர். வார்டு உறுப்பினரான நிஷாந்தினி கூறுகையில், ஒரு வாரம் வேலை செய்கின்றனர், ஆனால் 2, 3 நாட்களுக்கான கூலி மட்டுமே வழங்கப்படுகிறது. அதே நேரத்தில் வேலைக்கு வராமல் வீட்டிலேயே இருப்பவர்களுக்கு வேலைக்கான கூலி சென்று விடுகிறது என கூறியதால் அதிகாரிகள் அதிர்ச்சியடைந்தனர். கூட்டம் 12:10 மணியளவில் முடிவடைந்தது.இந்த கூட்டத்திற்காக சப் இன்ஸ்பெக்டர் அருள்செல்வன் தலைமையில் 25க்கும் மேற்பட்ட போலீசார் பாதுகாப்பு பணியில் ஈடுபட்டனர்.

25ம் தேதி துணைத் தலைவர் தேர்தல்

நாச்சியார்பேட்டை ஊராட்சி தலைவராக சந்தானம் சக்திவேல் மற்றும் 6 வார்டு உறுப்பினர்கள் உள்ளனர். இதில், நாச்சியார்பேட்டையில் வார்டு உறுப்பினர்கள் கணேசன், அரங்கநாதன், நிஷாந்தினி ஆகியோர் ஊராட்சி தலைவர் தலைமையில் ஒரு அணியாகவும், வார்டு உறுப்பினர்கள் ராஜேந்திரன், ரதியா, வள்ளி ஆகியோர் மற்றொரு அணியாகவும் உள்ளனர்.வார்டு உறுப்பினர்கள் இரு பிரிவாக இருப்பதால் துணைத் தலைவர் தேர்வு செய்வதில் பிரச்னை ஏற்பட்டு தற்போது வரை ஊராட்சி துணைத் தலைவர் தேர்ந்தெடுக்கப்படவில்லை.இந்நிலையில், வரும் 25ம் தேதி துணைத் தலைவரை தேர்வு செய்யவேண்டும் என உத்தரவிடப்பட்டுள்ளது. இதனால் துணைத் தலைவர் தேர்தல் அன்று பரபரப்பாக இருக்கும் என எதிர்பார்க்கப்படுகிறது.




 

Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X