காவலாளி கொலையில் இரு மாணவர்கள் கைது | மதுரை செய்திகள் | Dinamalar
காவலாளி கொலையில் இரு மாணவர்கள் கைது
Added : மே 18, 2022 | |
Advertisement
 
Latest district News



மதுரை : மதுரை கோச்சடையில் ஆம்னி பஸ் ஒர்க் ஷாப் காவலாளி முருகேசன் 65, கொலை வழக்கில் பாலிடெக்னிக் மாணவர்கள் இருவர் கைது செய்யப்பட்டனர்.



மதுரை மாவட்டம் வாடிப்பட்டியைச் சேர்ந்தவர் முருகேசன் 65; கோச்சடை தனியார் ஆம்னி பஸ் ஒர்க் ஷாப் காவலாளியாக இருந்தார். நேற்று முன்தினம் அதிகாலை அவர் அங்கு கொலை செய்யப்பட்டு கிடந்தார்.இது தொடர்பாக அங்கு பகுதி நேரமாக வேலை செய்யும் காரைக்குடி சேதுபதி 21, மதுரை மணிகண்டன் 19, ஆகியோரை எஸ்.எஸ்.காலனி போலீசார் கைது செய்தனர்.

போலீசார் கூறியதாவது:
பாலிடெக்னிக் மாணவர்களான இவர்கள், சில மாதங்களாக இங்கு வேலை செய்து வந்தனர். தங்கள் செலவுக்காக அலைபேசியை முருகேசனிடம் அடகு வைத்து பணம் பெற்றுள்ளனர். நேற்று முன்தினம் பணத்தை கொடுத்து அலைபேசியை கேட்டபோது, கூடுதல் பணம் கேட்டு ஆபாசமாக முருகேசன் பேசியுள்ளாராம்.இதனால் ஆத்திரமடைந்த இருவரும் இரும்பு கம்பியால் அவரை அடித்து கொலை செய்துள்ளனர்.இவர்களை போலீசார் தேடிய போது, அலைபேசியை 'சுவிட்ச் ஆப்' செய்து விட்டனர். டூவீலரில் தப்பிய போது, பழநி அருகே விபத்தில் சிக்கி சிகிச்சை பெற்றதை போலீசார் அறிந்து கைது செய்தனர்.
இவ்வாறு போலீசார் தெரிவித்தனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் மதுரை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X