கடை வாடகை பாக்கி வசூல்: தாம்பரம் மாநகராட்சி 'கறார்'
Added : மே 19, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

தாம்பரம்,:தாம்பரம் மாநகராட்சிக்கு செலுத்த வேண்டிய, 8.16 கோடி ரூபாய் கடை வாடகை பாக்கியை வசூலிக்கும் பணி, துவங்கியது. அதிகாரிகளின் அதிரடி நடவடிக்கையால், ஒரே நாளில், 1.16 கோடி ரூபாய் வசூலானது. மீதமுள்ள தொகையை வசூலிக்கும் நடவடிக்கை தொடரும் என, மாநகராட்சி அதிகாரிகள் தெரிவித்துள்ளனர்.


தாம்பரம் மாநகராட்சிக்கு உட்பட்ட மேற்கு தாம்பரம், துரைசாமி மார்க்கெட் மிகவும் பிரபலமானது. இங்குள்ள, 132 கடைகளில் இருந்து, 8.16 கோடி ரூபாய் வரையிலான, கடை வாடகை பாக்கி, மாநகராட்சிக்கு வர வேண்டி இருந்தது.கடந்த ஐந்து ஆண்டுகளாக வசூலிக்கப்படாமல் இருந்த, இந்த கடை வாடைகையை செலுத்துமாறு, 15 நாட்களுக்கு முன், மாநகராட்சி நிர்வாகம், வியாபாரிகளுக்கு நோட்டீஸ் அனுப்பியது.
இதை எதிர்த்து, சென்னை உயர்நீதிமன்றத்தில், வியாபாரிகள் சார்பில் வழக்கு தொடரப்பட்டது. விசாரித்த நீதிமன்றம், மனுவை தள்ளுபடி செய்து, வாடகையை வசூலிக்க மாநகராட்சிக்கு உத்தரவிட்டது.

அவகாசம்
இதையடுத்து, நேற்று காலை, தாம்பரம் மாநகராட்சியின் வருவாய் பிரிவு அதிகாரிகள் தலைமையில், கடைகளில் வாடகை வசூலிக்கவும், வாடகை தர மறுக்கும் கடைகளுக்கு சீல் வைக்கவும் ஏற்பாடு செய்யப்பட்டது.பாதுகாப்பிற்காக, தாம்பரம் மற்றும் அதன் அருகில் உள்ள, காவல் நிலையங்களில் இருந்து, போலீசாரும், தீயணைப்பு வீரர்களும் குவிக்கப்பட்டனர். வாடகை கொடுக்காத கடைகளின், மின் இணைப்பை துண்டிக்க, மின்வாரிய அதிகாரிகளும் வரவழைக்கப்பட்டுஇருந்தனர்.நேற்று காலை 9:00 மணிக்கு வாடகை வசூலிக்க சென்ற அதிகாரிகளுடன், வியாபாரிகள் சிலர் வாக்குவாதத்தில் ஈடுபட்டனர். பின், 10:00 மணி வரை, வியாபாரிகள் தரப்பில் வாடகை செலுத்த அவகாசம் கோரப்பட்டது.

காசோலை
அதனால், ஐந்து கடைகளுக்கு சீல் வைக்கப்பட்டிருந்த நிலையில், பணிகள் நிறுத்தப்பட்டன. தொடர்ந்து, காலை 10:30 மணிக்கு மேல், வியாபாரிகள் ஒவ்வொருவராக, மாநகராட்சியின் வங்கி கணக்கு பெயரில் காசோலை கொடுத்தனர்.ஒட்டுமொத்தமாக, 1.16 கோடி ரூபாய் வரை, வாடகை பாக்கி, நேற்று, ஒரே நாளில் வசூலானது.
இதுகுறித்து, மாநகராட்சி அதிகாரிகள் கூறியதாவது:கமிட்டி அமைத்து, வியாபாரிகளுடன் ஆலோசிக்க நோட்டீஸ் வழங்கினோம். ஆனால், ஒருவர் கூட வராததால், அவர்களுக்கு வாடகை உயர்வு பற்றிவிபரம் தெரியவில்லை.தற்போது, 1.16 கோடி ரூபாய் வரையிலான, காசோலை பெறப்பட்டுள்ளது; மீதி தொகையை, ஒரு மாதத்திற்குள் செலுத்துவதாக வியாபாரிகள் உறுதியளித்துள்ளனர்.ஒரு மாதத்திற்குள் செலுத்தாதவர்களின், கடைகள் கண்டிப்பாக சீல் வைக்கப்படும். தற்போது, கொடுக்கப்பட்டுள்ள காசோலைகளில், பணமின்றி திரும்பி வந்தால், அவற்றை கொடுத்தவர்கள் மீது, கிரிமினல் நடவடிக்கையும் பாயும்.இவ்வாறு, அவர்கள் கூறினர்.

 

Advertisement
மேலும் சென்னை கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X