Dinamalar

ராஜிவ் கொலை வழக்கில் குற்றம் சாட்டப்பட்ட பேரறிவாளன் விடுதலை செய்யப்பட்டதை கண்டித்து, கள்ளக்குறிச்சி மாவட்ட காங்., சார்பில் வாயில் துணியை கட்டிக் கொண்டு அறிவழிப்போராட்டம் நடந்தது.கச்சேரி சாலையில் நடந்த போராட்டத்திற்கு, காங்., மாவட்ட தலைவர் ஜெய்கணேஷ் தலைமை தாங்கினார்.
வட்டார தலைவர் இளவரசன், கவுன்சிலர் தேவராஜ் முன்னிலை வகித்தனர். மாவட்ட துணைத் தலைவர் ஆறுமுகம் வரவேற்றார்.முன்னாள் மாவட்ட தலைவர்கள் தனபால், இளையராஜா, முன்னாள் ஒன்றிய சேர்மன் சீனுவாசன் போராட்டத்தைத் துவக்கி வைத்து பேசினர். சின்னசேலம் பேரூராட்சி சேர்மன் லாவண்யா ஜெய்கணேஷ், முத்தமிழ்ச்செல்வி கண்ணன் சிறப்புரையாற்றினர்.மாவட்ட இளைஞர் காங்., தலைவர் மாதேஸ்வரன், வட்டார தலைவர்கள் கிருபானந்தன், முனியப்பன், கணேசன், நகர தலைவர் ஏழுமலை, நிர்வாகிகள் உட்பட பலர் பங்கேற்றனர்.

சங்கராபுரம்
கடைவீதியில் நடந்த ஆர்ப்பாட்டத்திற்கு, மாநில பொதுக்குழு உறுப்பிணர் துரைராஜ் தலைமை தாங்கினார். கல்வராயன்மலை வட்டார தலைவர் ராஜேந்திரன், இதயதுல்லா, சங்கராபுரம் வட்டார தலைவர் அப்துல் கலாம், நகர தலைவர் மண்ணாங்கட்டி முன்னிலை வகித்தனர். ஆர்ப்பாட்டத்தில், செல்வராஜ், கலியன், ஜெகதீசன், பாண்டியன், நடேசன், துரைசாமி, காத்தவராயன் உட்பட பலர் வாயில் துணி கட்டி பங்கேற்றனர்.

உளுந்துார்பேட்டை
பஸ் நிலையத்தில் ராஜிவ் சிலை அருகே நடந்த அறவழிப் போராட்டத்திற்கு மாவட்ட தலைவர் ஜெய்கணேஷ் தலைமை தாங்கினார். இளைஞர் காங்., மாவட்ட தலைவர்கள் மோகன்தாஸ், மாதேஸ்வரன், வட்டார தலைவர்கள் சீனிவாசன், காளிராஜன், முன்னாள் மாவட்ட தலைவர் இளையராஜா.நகர தலைவர் நல்ல குழந்தைவேல், மாவட்ட செயலாளர்கள் கோவிந்தராஜ், ராஜகோபால், சேவாதளம் மாவட்ட தலைவர் முருகன், எஸ்.சி., அணி மாவட்ட தலைவர் பெரியசாமி, வட்டார அணி விமல், மகளிரணி தலைவி அமுதா, நிர்வாகிகள் உட்பட பலர் பங்கேற்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE