Dinamalar

வால்பாறை:வால்பாறையில் உள்ள வீடுகளில் குப்பையை தரம் பிரித்து சேகரிக்க, பக்கெட் வழங்காததால், மக்கள் அதிருப்தியடைந்துள்ளனர்.
வால்பாறையை பிளாஸ்டிக் இல்லாத நகரமாக மாற்ற, நகராட்சி நிர்வாகம் பல்வேறு நடவடிக்கைகளை மேற்கொண்டு வருகிறது. இதன் ஒரு பகுதியாக, குப்பையை வீடு தோறும் சேகரித்து, தரம்பிரிக்கும் பணியில் துாய்மை பணியாளர்கள் ஈடுபட்டுள்ளனர்.வால்பாறை நகரில் துாய்மை இந்தியா திட்டத்தின் கீழ், வீடு மற்றும் கடைகளில் நாள் தோறும் குப்பை சேகரிக்கப்பட்டு ஸ்டேன்மோர் சந்திப்பில் உள்ள, திறந்தவெளிக் குப்பைக்கிடங்கில் கொட்டப்படுகிறது.
திடக்கழிவு மேலாண் மை திட்டத்தில் குப்பையை தரம் பிரித்து, துாய்மை பணியாளர்கள் பெற்று செல்கின்றனர். ஆனால், வீடுகளுக்கு நகராட்சி சார்பில் பிளாஸ்டிக் பக்கெட் வழங்காததால், சிலர் குப்பையை தெருவில் வீசிச் செல்கின்றனர்.மக்கள் கூறியதாவது:வால்பாறை நகராட்சியில் திடக்கழிவு மேலாண்மை திட்டப்பணிக்காக பல கோடி ரூபாய் செலவு செய்யப்பட்டும், இதுவரை இந்த திட்டம் முழுமையடைய வில்லை. இதனால், மக்களின் வரிப்பணம் வீணடிக்கப்படுகிறது.இதனிடையே, திடக்கழிவு மேலாண்மை திட்டப்பணிக்காக, துாய்மை பணியாளர்கள் குப்பையை வீடுகள் தோறும் தரம் பிரித்து பெற்று செல்கின்றனர். இதற்காக, வால்பாறை நகராட்சியில் பிளாஸ்டிக் பக்கெட் வழங்கவில்லை.அனைத்து வீடுகளுக்கும், மக்கும் குப்பை, மக்காத குப்பையை தரம் பிரிக்கும் வகையில் நகராட்சி சார்பில், இரண்டு பிளாஸ்டிக் பக்கெட்கள் வழங்க வேண்டும்.இவ்வாறு, தெரிவித்தனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE