Dinamalar

அரவக்குறிச்சி தாலுகா அலுவலக வளாக பகுதியில், பொது பயன்பாட்டிற்காக கட்டப்பட்ட கழிப்பறைகள் பராமரிப்பின்றி உள்ளதால் அங்கு வரும் மக்கள் மிகுந்த இன்னலுக்கு உள்ளாகின்றனர்.
இ-சேவை மையம், அரசு கருவூலம், நெடுஞ்சாலைத்துறை மற்றும் சுகாதாரத்துறை அலுவலகங்கள் உள்ளிட்ட பல்வேறு அரசு அலுவலகங்கள் தாலுகா அலுவலக வளாகத்தில் செயல்பட்டு வருகிறது. தினமும் அரவக்குறிச்சி தாலுகா பகுதியை சேர்ந்த நுாற்றுக்கணக்கான மக்கள் அலுவலக வேலை நிமித்தமாக அப்பகுதிக்கு வந்து செல்கின்றனர்.
இந்நிலையில் அங்குள்ள கழிப்பறைக்கு தண்ணீர் வசதி மற்றும் மின்சார வசதி ஏதுமில்லை. கழிப்பறை பகுதி முழுவதும் சுகாதார கேடு நிலவுகிறது. அத்துடன் துர்நாற்றம் வீசுவதுடன் ஈ, கொசுக்கள் அதிக அளவில் உற்பத்தியாகி பரவி வருகின்றன. அரசு அலுவலகங்களுக்கு வரும் மக்கள் கழிப்பறைகளை பயன்படுத்த முடியாமல், வேறு வழியின்றி அங்குள்ள திறந்தவெளி பகுதியை பொது கழிப்பிடமாக பயன்படுத்தி வருகின்றனர். இதனால் அங்கு தொற்றுவியாதி பரவும் நிலை உருவாகியுள்ளது.
சம்பந்தப்பட்ட அதிகாரிகளிடம் புகார் தெரிவித்தும் பயனில்லை. எனவே தாலுகா அலுவலக வளாகத்தில் சுகாதாரமற்ற நிலையில் உள்ள கழிவறைகளை சீரமைத்து பொதுமக்கள் பயன்பாட்டிற்கு கொண்டு வர வேண்டும்.

• 1. வழிபாட்டு தலங்களில் மின் கட்டண சர்ச்சை
• 2. பிளாஸ்டிக் கழிவுகளை உண்ணும் கால்நடைகள்
• 3. காலியாக உள்ள தொழில்நுட்ப உதவியாளர் பதவி பட்டய பொறியாளரை கொண்டு நிரப்ப கோரிக்கை
• 4. தறி தொழிலாளி தீக்குளிக்க முயற்சி
• 5. நாமக்கல் நீதிமன்றத்தில் தேசிய லோக் அதாலத் 1,890 வழக்கில் ரூ.23.33 கோடி வழங்கி சமரசம்
• 6. ஜூலை 3ல் முதல்வர் வருகை: கண்துடைப்பு தூய்மைப்பணி
• 7. தீவன அரவை ஆலைகளுக்காக 2,600 டன் கோதுமை வரவழைப்பு
• 8.குடிநீர் பிரச்னை: மக்கள் அவதி
• 9. ராமகிருஷ்ணபுரம் சாலையில் சாக்கடை வாய்க்கால் மண்
• 10. பிரதோஷ சிறப்பு வழிபாடு