Dinamalar

நாமக்கல் மாவட்டம், பள்ளிபாளையம் அருகே, கொக்கராயன்பேட்டை பகுதியில், ஹிந்து அறநிலையத்துறையின் கீழ், பிரம்மலிங்கேஸ்வரர் கோவில் உள்ளது. இக்கோவிலில் கடந்த, 15ல், அம்மாசிபாளையத்தை சேர்ந்த புதுமண தம்பதியர் வழிபாடு செய்வதற்காக கோவிலின் உள்ளே சென்றபோது, அப்பகுதியை சேர்ந்த ஒருவர், கோவிலுக்குள் செல்ல அனுமதியில்லை' என, தடுத்து நிறுத்தியுள்ளார்.
இதுகுறித்து, அறநிலையத்துறை, வருவாய்த்துறை அதிகாரிகள், போலீசார் ஆகியோர் இரண்டு நாட்களாக விசாரணை நடத்தி வந்தனர். ஆனால், இதுவரை சம்பந்தப்பட்டவர் மீது நடவடிக்கை எடுக்கவில்லை.

இந்நிலையில், நேற்று இந்திய கம்யூனிஸ்ட் கட்சி சார்பில் பள்ளிபாளையம் பஸ் ஸ்டாண்ட் அருகே, ஒன்றிய செயலாளர் ரவி தலைமையில் கண்டன ஆர்ப்பாட்டம் நடந்தது. மாவட்ட செயற்குழு உறுப்பினர் பெருமாள் சிறப்புரைஆற்றினார். கூட்டத்தில், கோவிலில் அனைத்து சமூக மக்களும் நுழைய, வழிபட பாதுகாப்பு நடவடிக்கை எடுக்க வேண்டும். தடுத்து நிறுத்திய நபர்கள் மீது வன்கொடுமை சட்டத்தின் கீழ் வழக்குப்பதிவு செய்ய வேண்டும் என, வலியுறுத்தி, போலீசாரின் தடையை மீறி கண்டன ஆர்ப்பாட்டம் நடந்தது. இந்த ஆர்ப்பாட்டத்தில் போலீசாருக்கும், ஆர்ப்பாட்டத்தில் ஈடுபட்டோருக்கும் இடையே தள்ளுமுள்ளு ஏற்பட்டது. அப்போது, போலீசாருடன் வாக்குவாதத்தில் ஈடுபட்ட கட்சி நிர்வாகிகளை போலீசார் குண்டுக்கட்டாக துாக்கி சென்று கைது செய்தனர்.
இதையடுத்து, தடையை மீறி ஆர்ப்பாட்டத்தில் ஈடுபட்ட ஒன்றிய செயலாளர் ரவி உள்பட 50க்கும் மேற்பட்டவர்களை போலீசார் கைது செய்தனர்.

• 1. தம்மம்பட்டியில் 'மரச்சிற்ப கலை கிராமம்' அமைக்க முடிவு : தமிழக அரசின் முதன்மை செயலர் ஆய்வு
• 2. ஆத்தூரில் ரூ.44.50 லட்சத்துக்கு பருத்தி வர்த்தகம்
• 3. வர்த்தக காஸ் சிலிண்டருக்கான வைப்புத்தொகை உயர்வு
• 4.டாக்டர்கள் சம்பள உயர்வு கோரி நாளை சாகும் வரை உண்ணாவிரத போராட்டம் துவக்கம்
• 5. கட்டுப்பாட்டை இழந்த 'புல்லட்' மலைப்பாதையில் புதுப்பெண், தந்தை பலி
• 6. மருந்து கடைகளில் ஆய்வாளர்கள் தொந்தரவு
• 7. இன்ஸ்பெக்டருக்கு சைபர் க்ரைம் குற்றங்களை தடுக்க பயிற்சி
• 8. ஜி.ஹெச்.,ல் பெற்றோர் விட்டுச்சென்ற 2 சிசுக்கள் குழந்தைகள் பாதுகாப்பு அலுவலகத்தில் ஒப்படைப்பு
• 9. பச்சிளம் குழந்தையை கடத்த முயற்சி; வாலிபருக்கு பொதுமக்கள் தர்ம அடி
• 10. மேட்டூர் அணை நீர் மட்டம் 106 அடியாக சரிவு