Dinamalar

தலைமுடி, நகம், பல் தவிர உடம்பின் அனைத்து பாகங்களையும் தாக்கக்கூடியது காசநோய்.இந்நோயால் பாதிக்கப்பட்டவர்களுக்கு தேவையான சிகிச்சைகள் மாவட்ட அரசு மருத்துவமனை, தாலுகா மருத்துவமனைகளில் அளிக்கப்பட்டு வருகிறது.சர்க்கரை நோய் உள்ளவர்களுக்கும் காசநோய் எளிதில் தொற்றிக்கொள்ளும் வாய்ப்புள்ளதால், நோயை முன்கூட்டியே கண்டறிந்து தடுக்க தேவையான முயற்சி மேற்கொள்ளப்பட்டு வருகிறது.அதன் ஒரு பகுதியாக, காசநோயாளிகளை தத்தெடுக்கும் புதிய திட்டம், திருப்பூர் மாவட்டத்திலும் அடுத்த மாதம் அறிமுகம் செய்யப்படவுள்ளது.சுகாதாரத்துறையினர் கூறியதாவது:காசநோய்க்கு, சரியான சிகிச்சை எடுத்துக்கொண்டால், முற்றிலும் குணப்படுத்த முடியும்.
'2025-ம் ஆண்டுக்குள் காசநோய் இல்லாத இந்தியா'வை உருவாக்க மத்திய அரசு இலக்கு நிர்ணயித்து, அதற்கேற்ப முன்னெச்சரிக்கை நடவடிக்கையை மேற்கொண்டு வருகிறது.அதன் ஒரு பகுதியாக, காசநோயாளிகளை தத்தெடுக்கும் புதிய திட்டம் செயல்படுத்தப்படவுள்ளது. இதில், நோயாளிகளுக்கு தேவையான ஊட்டச்சத்து, குறைந்தபட்சம் ஓராண்டுக்கு தேவையான மருத்துவ வசதி செய்து தரப்பட உள்ளது. அவ்வகையில், திருப்பூர் மாவட்டத்தில், மக்கள் பிரதிநிதிகள், தொண்டு நிறுவனங்கள், பொது மற்றும் தனியார் நிறுவனங்கள், தனி நபர்களுடன் இணைந்து காசநோயாளியை தத்தெடுக்க வழிமுறை வகுக்கப்பட உள்ளது.இவ்வாறு அவர்கள் கூறினர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE