தன் மனைவி என நினைத்து அடுத்தவர் மனைவியை வெட்டி கொன்றவர் கைது
Added : மே 21, 2022 | கருத்துகள் (8) | |
Advertisement
 
 
 
Advertisement
Advertisement
dinamalar advertisement tariff
 
Latest district News

ஆம்பூர்: ஆம்பூரில் பிளாட்பாரத்தில் படுத்து துாங்கியவர் தன் மனைவி என நினைத்து அடுத்தவர் மனைவியை வெட்டி கொலை செய்தவரை போலீசார் கைது செய்தனர்.

திருவண்ணாமலை இந்திராநகரை சேர்ந்தவர் தேவேந்திரன், 50. மாடு வியாபாரி. இவர் மனைவி ரேணுகாம்பாள் இரண்டு ஆண்டுகளுக்கு முன் இறந்து விட்டார். இதனால் திருப்பத்துார் மாவட்டம், ஆம்பூரை சேர்ந்த தனலட்சுமி, 35, என்ற விதவையை இரண்டாவது திருமணம் செய்து கொண்டார். தேவேந்திரன் தினமும் குடித்து விட்டு வந்ததால் கோபித்துக் கொண்டு தனலட்சுமி ஆம்பூருக்கு வந்து நேதாஜி சாலை பிளாட்பாரத்தில் தங்கினார்.

இங்கு இவரைப் போல நிறைய அனாதைகள் தங்கியிருந்தனர். நேற்று மாலை 3:00 மணிக்கு ஆம்பூருக்கு வந்த தேவேந்திரன் மனைவியை தேடி கண்டுபிடித்து, தன்னுடன் குடும்பம் நடத்த வரும்படி அழைத்துள்ளார். தனலட்சுமி வர மறுத்து தேவேந்திரனை அடித்து விரட்டிவிட்டார்.ஆத்திரமடைந்த தேவேந்திரன் மனைவியை கொலை செய்யும் நோக்கத்தில் மாடு அறுக்கும் கத்தியை வாங்கிக் கொண்டு ஆம்பூரில் சுற்றிக் கொண்டிருந்தார்.

நேதாஜி சாலை பிளாட்பாரத்தில் சக பெண்களுடன் தனலட்சுமி இரவு 10:00 மணிக்கு படுத்து துாங்கினார். இன்று அதிகாலை 1:00 மணிக்கு கத்தியுடன் தேவேந்திரன் அங்கு வந்தார். துாங்கிக் கொண்டிருந்த பெண்களில் தன் மனைவி இருக்கிறாரா என பார்த்தார். பெண்கள் அனைவரும் கொசு கடிக்கு பயந்து முகத்தை மூடி துாங்கிக் கொண்டிருந்தனர்.

இதனால் துாங்கிக் கொண்டிருந்த பெண்களில் ஒருவரை தன் மனைவி என நினைத்து கத்தியால் குத்தினார். அந்த பெண் அலறிக்கொண்டு ஓட முயன்ற போது மீண்டும், மீண்டும் கத்தியால் குத்தியதில், சம்பவம் நடந்த இடத்திலேயே அவர் இறந்தார்.

அலறல் சத்தம் கேட்டதும் அந்த பெண்ணுக்கு பக்கத்தில் படுத்திருந்த தனலட்சுமி எழுந்தார். தன் மனைவியை பார்த்த தேவேந்திரன் கத்தியால் அவரை சரமாறியாக குத்தினார். படுகாயமடைந்த அவர் மயங்கி விழுந்தார். சத்தம் கேட்டு அங்கிருந்தவர்கள் தேவேந்திரனை பிடித்து தர்ம அடி கொடுத்து ஆம்பூர் டவுன் போலீஸ் ஸ்டேஷனில் ஒப்படைத்தனர்.




விசாரணையில், கொலை செய்யப்பட்டவர் ஆம்பூர் கம்பிக்கொல்லையை சேர்ந்தவர் நவீத், 30, என்பவர் மனைவி கவுசர், 27. ஒரு திருட்டு வழக்கில் கைதான நவீத் வேலுார் சிறையில் அடைக்கப்பட்டார். இதனால் கவுசரை அங்கிருந்தவர்கள் விரட்டிய விட்டதால், ஆம்பூர் நேதாஜி சாலை பிளாட்பாரத்தில் அவர் தங்கியிருந்தார். நள்ளிரவு கத்தியுடன் தேவேந்திரன் அங்கு வந்து மனைவியை தேடினார். அங்கிருந்தவர்கள் முகத்தை துணியால் மூடியபடி துாங்கினர். தனலட்சுமி எப்போதும் குறட்டை விட்டு துாங்குவார். அங்கிருந்த பெண் ஒருவர் குறட்டை விட்டு துாங்கினார். அவர் தான் தன் மனைவி தனலட்சுமி என நினைத்து கவுசரை தேவேந்திரன் வெட்டி கொலை செய்தது தெரியவந்தது.போலீசார் தேவேந்திரனை கைது செய்தனர். படுகாயமடைந்த தனலட்சுமி வேலுார் அரசு மருத்துவமனையில் அனுமதிக்கப்பட்டார்.

 

Advertisement
மேலும் வேலூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (8)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Natchimuthu Chithiraisamy - TIRUPUR,இந்தியா
23-மே-202214:28:43 IST Report Abuse
Natchimuthu Chithiraisamy கல்யாண மண்டபம் காலியாக உள்ளது. தி மு க அரசு கேட்டு பெற்று தரும்
Rate this:
Cancel
N Annamalai - PUDUKKOTTAI,இந்தியா
22-மே-202207:53:05 IST Report Abuse
N Annamalai கொடுமை கொடுமை .உயிர் பிழைத்த அம்மையாருக்கு வாழ்த்துக்கள் .இறந்த குடும்பத்தாருக்கு அனுதாபங்கள் .எப்படியோ டாஸ்மாக் வருமானம் வந்தபடியே உள்ளது .தெருவில் தூங்குவதற்கு மாற்று ஏதாவது செய்யலாம் .
Rate this:
Cancel
RAMESH - chennai,இந்தியா
21-மே-202221:21:08 IST Report Abuse
RAMESH பிளாட்பாரத்தில் படுப்பவர்களுக்கு குடிசையாவது கட்டி குடுக்க கூடாதா இந்த விடியல் அரசு .இவங்க தலீவரே நம்பி ஒட்டு போட்டவங்க , பிளாட்பாரத்தில் வசிக்கும் நிலைமை . கடைசி வரை இவர்கள் வாழ்க்கை விடியாது போல இருக்கு
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X