மண்ணரை குளத்தை ஆக்கிரமித்த ஆகாயத்தாமரை | திருப்பூர் செய்திகள் | Dinamalar
மண்ணரை குளத்தை ஆக்கிரமித்த ஆகாயத்தாமரை
Added : மே 22, 2022 | |
Advertisement
 
Latest district News

திருப்பூர்;ஆகாயத்தாமரை ஆக்கிரமித்ததால், மண்ணரை குளம், பசுமை நிறைந்த புல்வெளியை போல் மாறியுள்ளது.திருப்பூர், ஊத்துக்குளி ரோடு, மண்ணரை குளத்துக்கு, அணைக்காடு பகுதியில் உள்ள, நொய்யல் தடுப்பணையில் இருந்து தண்ணீர் செல்கிறது. நொய்யலில் வரும் ஆகாயத்தாமரை செடிகள் அடித்துசென்று, படிப்படியாக இன்று குளத்தையே ஆக்கிரமித்துள்ளன.


வேர்கள் அமைப்பின் முயற்சியால், மாவட்ட நிர்வாகத்தின் வழிகாட்டுதலுடன், பல்வேறு அமைப்புகள் பங்களிப்புடன் குளம் பராமரிக்கப்பட்டது. குளக்கரையில், மரக்கன்று நட்டு வளர்க்கப்படுகிறது. குளத்திற்குள் குப்பை கொட்டுவதை தடுக்க, கம்பிவேலி அமைக்கப்பட்டுள்ளது.கடந்த சில மாதங்களாக ஆகாயத்தாமரை படர்ந்து வளர்ந்துள்ளது; இதனால், குளத்தின் கிழக்கு பகுதியில், ஆகாயத்தாமரை பசுமை புல்வெளி போல் படர்ந்து காட்சியளிக்கிறது. மீன் பிடிக்க வருவோர், ஆங்காங்கே, அகற்றி மீன்பிடிக்கின்றனர்.ஆகாயத்தாமரையால், பல்வேறு பாதிப்பு ஏற்படும் என்பதால், தன்னார்வ அமைப்புகள் ஆகாயத்தாமரையை அகற்ற முன்வர வேண்டும் என, விவசாயிகள் கோரிக்கை வைத்துள்ளனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X