Dinamalar

'ஓசூரில் இன்று நடக்கும் பல்வேறு நிகழ்ச்சிகளில் பங்கேற்க, உதயநிதி எம்.எல்.ஏ., வருகை தருகிறார்' என, தி.மு.க., மேற்கு மாவட்ட செயலாளர் பிரகாஷ் எம்.எல்.ஏ., தெரிவித்துள்ளார்.
இது தொடர்பாக அவர் வெளியிட்டுள்ள அறிக்கை:
கிருஷ்ணகிரி மேற்கு மாவட்டத்தில் நடக்கும் பல்வேறு நிகழ்ச்சிகளில் பங்கேற்க, உதயநிதி எம்.எல்.ஏ., இன்று காலை ஓசூர் வருகை தருகிறார்.

ஓசூர் சீத்தாராம் மேட்டில் காலை, 9:00 மணிக்கு, கட்சி கொடியை ஏற்றி வைக்கும் அவர், 9:30 மணிக்கு, ஓசூர் பவானி பேலஸ் திருமண மண்டபத்தில், 600 முதியவர்களுக்கு பொற்கிழி வழங்கி கவுரவிக்கிறார். காலை, 10:00 மணிக்கு, ஓசூர் மீரா மகால் திருமண மண்டபத்தில், மாற்று கட்சியினர் இணையும் விழாவில் பங்கேற்கும் அவர், 10:30 மணிக்கு, தேன்கனிக்கோட்டை சாலையில் உள்ள வரம் மருத்துவமனையை திறந்து வைக்கிறார்.
காலை, 11:00 மணிக்கு, ஓசூர் அரசு கலை மற்றும் அறிவியல் கல்லுாரியில் நடக்கும் தனியார் வேலைவாய்ப்பு முகாமில், இளைஞர்களுக்கு பணி நியமன ஆணைகளை வழங்குகிறார். மதியம், 1:30 மணிக்கு, ஓசூர் மாநகராட்சி பொது சுகாதார குழு தலைவர் மாதேஸ்வரன் இல்ல திருமண வரவேற்பு நிகழ்ச்சியில் பங்கேற்று, மணமக்களை வாழ்த்துகிறார்.
மதியம், 2:30 மணிக்கு, சூளகிரியில் கட்சி கொடியை ஏற்றி வைக்கிறார். இந்த நிகழ்ச்சிகளில், தி.மு.க., மாவட்ட, மாநகர, ஒன்றிய, பேரூர் கழக நிர்வாகிகள், அணிகளின் அமைப்பாளர்கள் பங்கேற்க வேண்டும்.
இவ்வாறு அறிக்கையில் கூறியுள்ளார்.

• 1.ரூ.1.15 கோடிக்கு மஞ்சள் வர்த்தகம்
• 2.கம்ப்யூட்டர் சயின்ஸ் படிக்க அதிக ஆர்வம்
• 3.நில தகராறில் அண்ணன் கொலை?தம்பியிடம் போலீசார் விசாரணை!
• 4. மல்லூருக்குள் பஸ்கள் சென்றுவர டிரைவருக்கு அறிவுறுத்த உத்தரவு
• 5. திருமணிமுத்தாறு 2 ஆண்டில் மீட்டெடுக்கப்படும்
• 6. கடை குத்தகைதாரர்கள் விதிமீறல் பொருளை பறிமுதல் செய்த நகராட்சி
• 7. தொழிற்பயிற்சி நிலையத்தில் சேர அழைப்பு
• 8. 2, 3ம் வகுப்பு குழந்தைகளின் கற்றல் நிலை அறிய மதிப்பீடு
• 9. பெரிய வெங்காயம் வரத்து 15 'லோடு' ஆக அதிகரிப்பு
• 10. பறித்த மொபைலை மீட்க மரத்தில் ஏறிய 'குடி'மகன்