Dinamalar

கள்ளக்குறிச்சி:குழந்தை திருமணம் செய்து வைப்பவர்கள் மட்டுமின்றி திருமணத்தில் பங்கேற்பவர்கள் மீதும் நடவடிக்கை எடுக்கப்படும் என கலெக்டர் தெரிவித்துள்ளார்.
கள்ளக்குறிச்சியில் சமூக நலன் மற்றும் மகளிர் உரிமை துறை சார்பில் குழந்தை திருமணம் தடுத்தல் விழிப்புணர்வு, முன்னெச்சரிக்கை நடவடிக்கை தொடர்பாக ஊராட்சி அளவிலான குழுக் கூட்டம் நடந்தது.கூட்டத்திற்கு கலெக்டர் ஸ்ரீதர் தலைமை தாங்கினார்.

ஏ.டி.எஸ்.பி., விஜயகார்த்திக் ராஜ், சமூக நல அலுவலர் தீபிகா, ஒருங்கிணைந்த குழந்தைகள் வளர்ச்சி பணிகள் திட்ட அலுவலர் செல்வி, குழந்தைகள் பாதுகாப்பு நல அலுவலர் இளையராஜா முன்னிலை வகித்தனர்.

கூட்டத்தில், கலெக்டர் பேசுகையில், 'குழந்தை திருமணம் செய்வது சட்டத்திற்கு புறம்பானதாகும். மாவட்டத்தில் குழந்தை திருமணம் தடுப்பது தொடர்பாக பல்வேறு நடவடிக்கை மேற்கொள்ளப்படுகிறது.குழந்தை திருமணம் செய்து வைப்பவர்கள் மட்டுமல்லாமல், திருமணத்தில் பங்கேற்பவர்கள் மீதும் சட்டரீதியான நடவடிக்கை மேற்கொள்ளப்படும்.
குழந்தை திருமணம் குறித்த தகவலை 1098 என்ற குழந்தைகள் உதவி எண் மற்றும் 181 என்ற மகளிர் உதவி எண் அல்லது மாவட்ட சமூக நலத்துறையினருக்கு தெரியப்படுத்த வேண்டும். மேலும், மக்களிடம் நேரடி தொடர்பில் உள்ள கிராம ஊராட்சி தலைவர்கள், தங்களுடைய கிராமங்களில் குழந்தை திருமணம் நடக்கிறதா என்பதை தினமும் ஆய்வு செய்வதுடன், குழந்தை திருமணம் தொடர்பான விழிப்புணர்வுகளை பொதுமக்களிடம் ஏற்படுத்த வேண்டும்' என்றார்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE