Dinamalar

திருப்பூர் அரசு மருத்துவக்கல்லுாரி மருத்துவமனை வளாகத்தில், சர்வதேச தரத்துடன், 60 கோடி ரூபாய் மதிப்பீட்டில் புற்றுநோய் சிகிச்சை மையம் அமைக்க, ரோட்டரி அமைப்புகள் கரம் கோர்த்துள்ளன. சுகாதாரத்துறை வழிகாட்டுதலுடன், 'நமக்கு நாமே' திட்டத்தில் சிகிச்சை மையம் அமைய உள்ளது.திருப்பூர் கலெக்டர் அலுவலகத்தில் நேற்று, இத்திட்டம் தொடர்பான ஆய்வு கூட்டம் நடந்தது.

கலெக்டர் வினீத் தலைமையில் நடந்த கூட்டத்தில், அமைச்சர் கயல்விழி, மாநகாரட்சி மேயர் தினேஷ்குமார், கமிஷனர் கிராந்திகுமார், எம்.எல்.ஏ., செல்வராஜ் ஆகியோரிடம் ரோட்டரி அமைப்பு நிர்வாகிகள், இத்திட்டம் குறித்து விளக்கினர்.மருத்துவக்கல்லுாரி 'டீன்'முருகேசன், ரோட்டரி அறக்கட்டளை தலைவர் டாக்டர் முருகநாதன், புற்றுநோய் சிகிச்சை மையம் அமைப்பது குறித்து விளக்கினர்.
திருப்பூர், ஈரோடு மாவட்ட மக்கள் பயன்பெறும் வகையில், இரு கட்டங்களாக இம்மையம் அமைக்கப்படும் என, சுகாதாரத்துறை அதிகாரிகள் தெரிவித்தனர்.