காலிங்கராயன் பாசனத்தில் காயும் 1,100 ஏக்கர் நெல்: 10 நாட்களுக்கு தண்ணீர் விட எதிர்பார்ப்பு
Added : மே 23, 2022 | |
Advertisement
 
 
 
Advertisement
Advertisement
dinamalar advertisement tariff
 


காலிங்கராயன் பாசனத்தில் காய்ந்து வரும், 1,100 ஏக்கர் நெற்பயிரை காக்க, 10 நாட்களுக்கு தண்ணீர் விட வேண்டும் என்று, விவசாயிகள் கோரிக்கை விடுத்துள்ளனர்.
ஈரோடு மாவட்டம் காலிங்கராயன் பாசன பகுதியில், ஆண்டுதோறும் ஏப்.,30ல் தண்ணீர் நிறுத்தப்படும். மே மாதத்தில் நெல் அறுவடை நடக்கும். நடப்பாடு, அறுவடை தாமதமாகி உள்ளது. வயல் வெளிகளில் தற்போது காய்ந்து வரும் நெற்பயிர்களை காப்பாற்ற, 10 நாட்கள் தண்ணீர் தேவைப்படுவதாக, விவசாயிகள் வலியுறுத்தியுள்ளனர்.
இதுகுறித்து காலிங்கராயன் பாசன விவசாயிகள் சங்க தலைவர் ரமேஷ் கூறியதாவது: வாய்க்காலை சுத்தப்படுத்தும் பணிக்காக, 10 நாட்கள் தண்ணீர் நிறுத்தப்பட்டது. இதனால் தாமதமாக விவசாயிகள் நடவு மேற்கொள்ள வேண்டியதாயிற்று. ஏப்.,24ல் வாய்க்காலில் தண்ணீரை நிறுத்தி இருக்க வேண்டும். ஆனால், விவசாயிகள் கேட்டு கொண்டதால், மே, 20 வரை தண்ணீர் விடப்பட்டது.
ஆனாலும், இது போதுமானதாக இல்லை. பருவம் தப்பிய மழையால் நெற்பயிர்களில் இன்னமும் பச்சையம் நீங்கவில்லை. காய்ந்த நிலைக்கு வந்தால் தான் முழுமையாக விளைச்சல் கிடைக்கும்.
தற்போது போதிய தண்ணீர் இல்லாததால் நெற்பயிர் வாடி வருகிறது. இதற்கு, 10 நாட்கள் மட்டும் தண்ணீர் வினியோகித்தால் போதும்.
தற்போது பவானி ஆற்றில் வெளியேற்றப்படும் தண்ணீரை, காலிங்கராயன் வாய்க்காலில் வெளியேற செய்தாலே போதுமானது. வாய்க்காலில் குறிப்பிட்ட பகுதி வரை மட்டுமே நெற்பயிர்களை பயிரிட்டுள்ளனர்.
எனவே அதுவரை உள்ள பகுதிக்கு மட்டுமே நீர் தேவை. பிற பகுதிகளில் பராமரிப்பு உள்ளிட்ட பல்வேறு பணிகளை அரசு மேற்கொள்ளலாம்.
வாய்க்கால் பராமரிப்பு என்ற பெயரில் பிப்.,20 முதல் மார்ச் முதல் வாரம் வரை, தண்ணீரை நிறுத்தியதே நெல் அறுவடை துவங்காமல் இருப்பதற்கு பிரதான காரணம்.
குறிப்பாக பி.பெ.அக்ரஹாரம், வைராபாளையம், கருங்கல்பாளையம் உள்ளிட்ட பகுதிகளில், 1,100 ஏக்கர் நெற்பயிர் போதிய நீரின்றி காய்ந்து வருகிறது. இதுவரை, 10 ஏக்கர் பரப்பில் மட்டுமே நெல் அறுவடை நடந்துள்ளது. காயும் பயிர்களுக்கு, 10 நாட்கள் மட்டுமே நீர் தேவை.
இதுகுறித்து ஏற்கனவே வீட்டு வசதி துறை அமைச்சர் முத்துசாமி, கலெக்டர், பொதுப்பணி துறை நீர் வள பிரிவு அதிகாரிகளிடம் மனு அளித்துள்ளோம். ஆனால், இதுவரை எவ்வித பதிலும் அளிக்கவில்லை.
இவ்வாறு அவர் கூறினார்.

 

Advertisement
மேலும் ஈரோடு கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X