கந்தலாகி கிடக்கும் கிராம சாலைகளை சீரமைப்பது...எப்போது?:மத்திய அரசின் நிதியை பெற நடவடிக்கை தேவை
Updated : மே 25, 2022 | Added : மே 25, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

புதுச்சேரி:புதுச்சேரியில் கந்தலாகி கிடக்கும் கிராமப்புற சாலைகளை,மத்திய அரசின் கிராமப்புற சாலை மேம்பாட்டு திட்டத்தின் நிதியை பெற்று சீரமைத்திட அரசு நடவடிக்கை எடுக்க வேண்டும்.
கிராமங்களை, நகரங்களோடு இணைக்கும் வகையில் சாலை வசதிகளை ஏற்படுத்திட 'பிரதான் மந்திரி கிராமப்புற இணைப்பு சாலை' திட்டத்தை மத்திய அரசு செயல்படுத்தி வருகிறது. இதில், கிராமப்புறங்களில் சாலை அமைக்க கி.மீ., க்கு ரூ.5 லட்சம் என்ற அடிப்படையில் மாவட்ட ஊரக வளர்ச்சி முகமை மூலம் நிதி வழங்குகிறது.
இத்திட்டத்தின் கீழ், புதுச்சேரி மாநிலத்தில் கிராமப்புறங்களில் 500 கி.மீ., துாரத்திற்கு சாலை அமைக்க வேண்டியுள்ளதாக, மாவட்ட ஊரக வளர்ச்சி முகமை கணக்கீடு செய்துள்ளது. இந்த சாலைகளை, பிரதான் மந்திரி கிராமப்புற இணைப்பு சாலை திட்டத்தில் சீரமைத்திட, பொதுப்பணி, உள்ளாட்சி துறைகள் திட்ட அறிக்கையை மாவட்ட ஊரக வளர்ச்சி முகமை மூலமாக மத்திய அரசுக்கு அளித்தன.

அதன்பேரில், முதல்கட்டமாக, 2020-21 நிதி ஆண்டிற்கு, புதுச்சேரி மற்றும் காரைக்காலில் தலா 50 கி.மீ., துாரத்திற்கு சாலை அமைக்க ரூ.50 கோடி ஒதுக்கீடு செய்து ஒப்புதல் வழங்கியது. மேலும், இப்பணியை செய்து முடித்து அறிக்கை சமர்ப்பித்தால், 2021-22 நிதி ஆண்டில் 200 கி.மீ., துார சாலை அமைக்க ரூ.100 கோடி வழங்குவதாக மத்திய அரசு உறுதி அளித்தது.
இந்நிலையில், கடந்த 2020-21 நிதி ஆண்டிற்கு ஒதுக்கீடு பெற்ற நிதியை கொண்டு சாலை அமைக்கும் பணி, தொடர் மழை போன்ற இயற்கை சீற்றங்களாலும், கொரோனா தொற்று பரவல், தேர்தல் நன்னடத்தை விதிகள் அமலுக்கு வந்தது உள்ளிட்ட பல்வேறு காரணங்களால் தாமதமாகியது.
இதற்கிடையே, தார் உள்ளிட்ட கட்டுமானப் பொருட்களின் விலை உயர்வு காரணமாக, திட்ட மதிப்பீடு அதிகமானதால், கிராமப்புற சாலை அமைக்க ஒப்பந்ததாரர்கள் யாரும் முன்வர வில்லை. நீண்ட இழுபறிக்கு பின் தற்போது, புதுச்சேரி பிராந்தியத்தில் மட்டும் 14 இடங்களில் ரூ.25 கோடி மதிப்பில் 50 கி.மீ., துார கிராமப்புற சாலைகளை புதுப்பிக்கும் பணி ஆங்காங்கே துவங்கி நடந்து வருகிறது.

காரைக்காலுக்கு ஒதுக்கப்பட்ட நிதியில் இதுவரை பணிகள் துவக்கப்படவில்லை.கடந்த 2020-21 நிதி ஆண்டிற்கான வேலையே ஓராண்டிற்கு பிறகு தற்போது நடந்து வருவதால், 2021-22 நிதி ஆண்டிற்கு மத்திய அரசு தருவதாக உறுதியளித்த ரூ.100 கோடியை பெறுவதில் சிக்கல் ஏற்பட்டுள்ளது. எனவே, கிராமப்புற சாலைகளை சீரமைக்க மத்திய அரசு அளிக்க தயாராக உள்ள நிதியை பெற்றிட அரசு விரைந்து நடவடிக்கை எடுக்க வேண்டும்.


 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X