15 ஆண்டுகளாக தீர்க்கப்படாமல் குடிநீர் பிரச்னை...தொடர்கிறது:அதிருப்தியில் கண்டாச்சிபுரம் ஊராட்சி மக்கள்
Added : மே 25, 2022 | |
Advertisement
 
 
 
Advertisement
Advertisement
dinamalar advertisement tariff
 

கண்டாச்சிபுரம்:கண்டாச்சிபுரம் ஊராட்சியில் தொடரும் குடிநீர் தட்டுப்பாட்டைத் தீர்க்க குடிநீர் வடிகால் வாரியமும், மாவட்ட நிர்வாகமும் நடவடிக்கை எடுக்க வேண்டும்.


கண்டாச்சிபுரம் ஊராட்சியில் நீண்டகாலமாக குடிநீர் தட்டுப்பாடு நிலவி வருகிறது. இங்குள்ள மண்ணின் தன்மை காரணமாக வீடு மற்றும் நிலங்களில் உள்ள கிணற்று நீரும் உப்பு நீராக உள்ளது.
கடந்த 1996ம் ஆண்டு அப்போதைய தி.மு.க அரசு செஞ்சி கூட்டுக் குடிநீர் திட்டத்தின் கீழ், செஞ்சிக்கு செல்லும் தென்பெண்ணை ஆற்றுக் குடிநீரின் ஒரு பகுதியை கண்டாச்சிபுரத்திற்கும் வழங்கி நடவடிக்கை எடுத்தது.இதனால் இப்பகுதியில் நிலவிய குடிநீர் பஞ்சம் தற்காலிகமாக முடிவுக்கு வந்தது.

27 ஆண்டுகளுக்கு முன் இருந்த மக்கள் தொகை அடிப்படையில் தற்போதும் ஆற்றுக் குடிநீர் வழங்கப்பட்டு வரும் நிலையில், கடந்த 15 ஆண்டுகளாக மீண்டும் கண்டாச்சிபுரம் ஊராட்சியில் குடிநீர் பஞ்சம் நிலவி வருகிறது.இதுகுறித்து அப்போதைய ஊராட்சி நிர்வாகத்தினர், ஆட்சியில் இருந்த அரசின் கவனத்திற்கு கொண்டு சென்றும் தீர்வு காணப்படவில்லை.
கண்டாச்சிபுரம் ஊராட்சியிலும், கண்டாச்சிபுரத்தைச் சுற்றியுள்ள 10க்கும் மேற்பட்ட கிராமங்களில் இருந்தும் ஏராளமானோர் புதிதாக வீடுகட்டி குடியேறியுள்ளனர். இதனால் நாளுக்கு நாள் கண்டாச்சிபுரம் ஊராட்சி விரிவடைந்து வருவதுடன், மக்கள் தொகையும் அதிகரித்து வருகிறது.ஆனால், தற்போது 20 நாட்களுக்கு ஒருமுறை மட்டும் ஆற்றுக் குடிநீர் வழங்கப்பட்டு வருகிறது. இதனால் கடும் குடிநீர் தட்டுப்பாடு உருவாகியுள்ளது.
குறிப்பாக கோடை காலத்தில் குடிநீருக்காக மக்கள் கடும் அவதியடைகின்றனர். கண்டாச்சிபுரம் ஊராட்சிக்கு தண்ணீர் வழங்கும் நீரேற்றம் அமைந்துள்ள ஊராட்சிகளான நெற்குணம், முகையூர் உள்ளிட்ட இடங்களில் மும்முனை மின்சாரம் வழங்கப்பட்டும், கண்டாச்சிபுரத்தில் உள்ள நீரேற்று நிலைய மின் மோட்டாரை அதிக மின் திறன் கொண்டதாக அமைக்க நடவடிக்கை எடுக்க வேண்டும்.
கடந்த சட்டசபை தேர்தலின் போது கண்டாச்சிபுரம், அங்குராயநத்தம், மடவிளாகம், இருளர்பாளையம், இந்திரா நகர் பகுதி மக்கள் தங்களுக்கு தினசரி ஆற்று குடிநீர் வழங்கும்படி அரசியல் கட்சியினரிடம் கோரிக்கை விடுத்தனர். தீர்த்து வைப்பதாக உறுதியளித்தனர்.
தற்போது, உயர் கல்வித் துறை அமைச்சராக உள்ள பொன்முடி குடிநீர் பிரச்னையைத் தீர்ப்பதாக அப்போது வாக்குறுதி கொடுத்தார். தி.மு.க., அரசு அமைந்து ஓராண்டாகியும் கண்டாச்சிபுரத்தில் குடிநீர் தட்டுப்பாட்டை நீக்கியபாடில்லை. இதனால், பொதுமக்கள் அதிருப்தி அடைந்துள்ளனர்.
கடந்த காலத்தைப்போல் அல்லாமல் தற்போது கண்டாச்சிபுரம் ஊராட்சிக்கு கலெக்டர் மற்றும் உயரதிகாரிகள் அடிக்கடி வந்து செல்லும் நிலையிலும் குடிநீர் பஞ்சம் தொடர்கிறது. குடிநீர் தட்டுப்பாட்டை கண்டித்து, அரசியல் கட்சிகள் போராட்டம் நடத்தி அரசின் கவனத்திற்கு கொண்டு செல்ல திட்டமிட்டுள்ளன.
எனவே, கண்டாச்சிபுரம் ஊராட்சியில் நிலவும் குடிநீர் பஞ்சத்தை போர்க்கால அடிப்படையில் தீர்க்க மாவட்ட நிர்வாகமும், குடிநீர் வடிகால் வாரியமும் நடவடிக்கை எடுக்க வேண்டும். குறிப்பாக கண்டாச்சிபுரம் ஊராட்சிக்கு தினசரி குடிநீர் வழங்கவும், அதற்கு தேவையான தடையற்ற மும்முனை மின்சாரம் வழங்கவும் அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X