Dinamalar

கோவை;நாட்டுக்கோழி வளர்ப்பு நிதி நிறுவனம் நடத்தி, 98 லட்சம் ரூபாய் மோசடி செய்த வழக்கில், கணவன், மனைவிக்கு 10 ஆண்டு சிறை தண்டனை விதிக்கப்பட்டது.திருப்பூர், முதலிபாளையத்தை சேர்ந்த மதியழகன்,51, இவரது மனைவி லட்சுமி,40 ஆகியோர், 'அங்காளம்மன் அக்ரோ பார்ம்ஸ்' என்ற பெயரில், 2012 வரை நாட்டுகோழி வளர்ப்பு நிதி நிறுவனம் நடத்தி வந்தனர்.
இந்நிறுவனத்தில் ஒரு லட்சம் ரூபாய் டெபாசிட் செய்வோருக்கு, மாதம் தோறும் 7,000 ரூபாய் வட்டி மற்றும் ஊக்கத் தொகையுடன், கோழி குஞ்சுகள் மற்றும் அவற்றை வளர்க்க செட் அமைத்து தருவதாக விளம்பரப்படுத்தினர்.இதை நம்பி, 81 பேர், 98 லட்சம் ரூபாய் டெபாசிட் செய்தனர். ஆனால், வட்டியும், டெபாசிட் தொகையும் திருப்பி தராமல் மோசடி செய்தனர். கோவை பொருளாதார குற்றப்பிரிவு போலீசில் புகார் அளிக்கப்பட்டதை தொடர்ந்து இருவரும் கைது செய்யப்பட்டனர்.
வழக்கு விசாரணையின் போது, 26 பேருக்கு, 40 லட்சத்தை திருப்பி கொடுத்தனர். மீதி பேருக்கு தராததால், கோவை தமிழ்நாடு முதலீட்டாளர் நலன் பாதுகாப்பு சிறப்பு கோர்ட்டில் (டான்பிட்) வழக்கு தாக்கல் செய்யப்பட்டது.இவ்வழக்கில் நேற்று தீர்ப்பு அளிக்கப்பட்டது. குற்றம் சாட்டப்பட்ட மதியழகன், லட்சுமி ஆகியோருக்கு, 10 ஆண்டு சிறை, 44 லட்சத்து 55 ஆயிரம் ரூபாய் அபராதம் விதித்து நீதிபதி ரவி தீர்ப்பளித்தார். இருவரும் கோர்ட்டில் ஆஜராகததால், 'பிடிவாரன்ட்'பிறப்பிக்கப்பட்டது.அரசு தரப்பில் வக்கீல் கண்ணன் ஆஜரானார்.

• 1.பந்தலூர் நீதிமன்றத்தில் லோக் அதாலத்
• 2.'லிங்க் எக்ஸ்பிரஸ்' ரத்து: துாத்துக்குடி பயணிகள் துாக்கம் 'கட்!'
• 3.'ஆன்லைனில்' விளையாட 52 சவரன் திருடிய மாணவர்
• 4.144 மாணவர்களுக்குரூ.2.13 கோடி ஊக்க தொகை
• 5.கண்புரை நோய் 5 மடங்கு அதிகரிப்பு; கொரோனாவுக்கு பின் முதியோர் பாதிப்பு
• 6.அரசு சேமிப்பு கிடங்குகள் மழைக்கு முன் சீரமைக்கப்படுமா?
• 7.மருத்துவமனை வளாகம் முதல்வர் திறப்பு
• 8.பிடித்தமான துறையை தேர்வு செய்யுங்கள்; மாணவர்களுக்கு முதல்வர் அறிவுரை
• 9.தாய் சேய் ஊட்டச்சத்து பெட்டகம் டெண்டருக்கு எதிரான மனு தள்ளுபடி
• 10.மருத்துவமனையில் தீ75 குழந்தைகள் மீட்பு