Dinamalar

சென்னை: தமிழகத்தில் இருந்து ரேஷன் அரிசி கடத்தப்படுவதை தடுக்கக் கோரி, ஆந்திரா முன்னாள் முதல்வர் சந்திரபாபு நாயுடு, முதல்வர் ஸ்டாலினுக்கு கடிதம் எழுதியதைத் தொடர்ந்து, சிவில் சப்ளை சி.ஐ.டி., போலீசார், ஒருவரை கைது செய்தனர்.

ஆந்திரா முன்னாள் முதல்வரும், தற்போதைய எதிர்க்கட்சி தலைவருமான சந்திரபாபு நாயுடு, நேற்று முன்தினம், முதல்வர் ஸ்டாலினுக்கு அனுப்பியுள்ள கடிதம்:தமிழகத்தில் இருந்து, ரேஷன் அரிசியை ஆந்திராவுக்கு கடத்தி வந்து, அரிசி ஆலைகளுக்கு அனுப்புகின்றனர்.

அங்கு அரிசியை 'பாலிஷ்' செய்து, மீண்டும் கடத்தல் கும்பலுக்கு அனுப்புகின்றனர். அவர்கள் வெளிச்சந்தையில் விற்கின்றனர்; கர்நாடகாவுக்கும் அனுப்புகின்றனர். 'பாலிஷ்' செய்யப்பட்ட ரேஷன் அரிசி கிலோ 40 ரூபாய்க்கு விற்கப்படுகிறது. தமிழகத்தில் இருந்து சித்துார் மாவட்டம் வழியாக, ஆந்திராவுக்கு அரிசியை கடத்தி செல்கின்றனர்.

குறிப்பாக பேர்ணாம்பட்டு, வாணியம்பாடி, திம்மம்பேட்டை, கனக நாச்சியம்மன் கோவில், காந்தி நகர், நாட்ராம்பள்ளி, வேப்பனஹள்ளி போன்ற பகுதிகளின் வழியாக, அரிசி கடத்தி வருகின்றனர்.எனவே, தமிழகம் - ஆந்திரா எல்லையில் கண்காணிப்பை தீவிரப்படுத்தி, ரேஷன் அரிசி கடத்தப்படுவதை தடுக்க வேணடும்.இவ்வாறு அவர் கூறியுள்ளார்.கடிதத்துடன், ரேஷன் அரிசி கடத்தி வந்த வாகனம், அதில் வந்த நபர் குறித்த புகைப்படங்களையும் இணைத்திருந்தார்.

இது குறித்து, தமிழக சிவில் சப்ளை சி.ஐ.டி., போலீசார், அதிரடி விசாரணை மேற்கொண்டனர். கிருஷ்ணகிரி மாவட்டம், சின்ன பகர்கூரை சேர்ந்த சுப்பிரமணி, 41, என்பவரை கைது செய்தனர். அவர் வீட்டில் பதுக்கி வைத்திருந்த, 1,200 கிலோ ரேஷன் அரிசியும், கடத்தல் வாகனமும் பறிமுதல் செய்யப்பட்டன.

• 1.தக்காளி விலை எப்படி இருக்கும்; வேளாண் பல்கலை கணிப்பு
• 2.ஆபாச இணையதளத்தில் பரவிய விஷமம்:கோவை அபார்ட்மென்ட்வாசிகள் அலறல்
• 3.'டிஜிட்டல் வாழ்வு சான்று வழங்கும் திட்டம் அறிமுகம்'
• 4.ஈமு நிறுவனம் மோசடி வழக்கு: இருவருக்கு 10 ஆண்டு சிறை
• 5.தொழிலகங்களில் பெண்கள் 'பாதுகாப்பு பெட்டி':திட்டத்தை துவக்கினார் அமைச்சர் கீதாஜீவன்
• 6.கேரளாவுக்கு கடத்த முயன்ற புகையிலை, லாரி பறிமுதல்
• 7.ராணுவ கல்லுாரியில் புதிய நினைவு துாண்
• 8.செய்முறை தேர்வுக்கு மாணவியரிடம் வசூல்: அரசு நர்சிங் பள்ளி முதல்வர் 'சஸ்பெண்ட்'
• 9.திருப்பூரில் பள்ளிவாசல் 'சீல்' வைக்க எதிர்ப்பு: பல மணி நேரம் மறியல்; போக்குவரத்து ஸ்தம்பித்தது
• 10.நடுவழியில் நின்ற பஸ்: பயணிகள் திண்டாட்டம்