ஆந்திராவுக்கு ரேஷன் அரிசி கடத்தல்: முதல்வருக்கு சந்திரபாபு கடிதம்
Added : மே 25, 2022 | |
Advertisement
 
 
 
Advertisement
Advertisement
dinamalar advertisement tariff
 

சென்னை: தமிழகத்தில் இருந்து ரேஷன் அரிசி கடத்தப்படுவதை தடுக்கக் கோரி, ஆந்திரா முன்னாள் முதல்வர் சந்திரபாபு நாயுடு, முதல்வர் ஸ்டாலினுக்கு கடிதம் எழுதியதைத் தொடர்ந்து, சிவில் சப்ளை சி.ஐ.டி., போலீசார், ஒருவரை கைது செய்தனர்.

ஆந்திரா முன்னாள் முதல்வரும், தற்போதைய எதிர்க்கட்சி தலைவருமான சந்திரபாபு நாயுடு, நேற்று முன்தினம், முதல்வர் ஸ்டாலினுக்கு அனுப்பியுள்ள கடிதம்:தமிழகத்தில் இருந்து, ரேஷன் அரிசியை ஆந்திராவுக்கு கடத்தி வந்து, அரிசி ஆலைகளுக்கு அனுப்புகின்றனர்.

அங்கு அரிசியை 'பாலிஷ்' செய்து, மீண்டும் கடத்தல் கும்பலுக்கு அனுப்புகின்றனர். அவர்கள் வெளிச்சந்தையில் விற்கின்றனர்; கர்நாடகாவுக்கும் அனுப்புகின்றனர். 'பாலிஷ்' செய்யப்பட்ட ரேஷன் அரிசி கிலோ 40 ரூபாய்க்கு விற்கப்படுகிறது. தமிழகத்தில் இருந்து சித்துார் மாவட்டம் வழியாக, ஆந்திராவுக்கு அரிசியை கடத்தி செல்கின்றனர்.

குறிப்பாக பேர்ணாம்பட்டு, வாணியம்பாடி, திம்மம்பேட்டை, கனக நாச்சியம்மன் கோவில், காந்தி நகர், நாட்ராம்பள்ளி, வேப்பனஹள்ளி போன்ற பகுதிகளின் வழியாக, அரிசி கடத்தி வருகின்றனர்.எனவே, தமிழகம் - ஆந்திரா எல்லையில் கண்காணிப்பை தீவிரப்படுத்தி, ரேஷன் அரிசி கடத்தப்படுவதை தடுக்க வேணடும்.இவ்வாறு அவர் கூறியுள்ளார்.கடிதத்துடன், ரேஷன் அரிசி கடத்தி வந்த வாகனம், அதில் வந்த நபர் குறித்த புகைப்படங்களையும் இணைத்திருந்தார்.

இது குறித்து, தமிழக சிவில் சப்ளை சி.ஐ.டி., போலீசார், அதிரடி விசாரணை மேற்கொண்டனர். கிருஷ்ணகிரி மாவட்டம், சின்ன பகர்கூரை சேர்ந்த சுப்பிரமணி, 41, என்பவரை கைது செய்தனர். அவர் வீட்டில் பதுக்கி வைத்திருந்த, 1,200 கிலோ ரேஷன் அரிசியும், கடத்தல் வாகனமும் பறிமுதல் செய்யப்பட்டன.

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X