ஏற்காட்டில் கோடை விழா இன்று தொடக்கம்
Added : மே 25, 2022 | |
Advertisement
 
 
 
Advertisement
Advertisement
dinamalar advertisement tariff
 


ஏற்காட்டில், 45வது கோடை விழா, மலர் கண்காட்சி, இன்று தொடங்கி, 8 நாள் நடக்கிறது. அமைச்சர்கள் நேரு, பன்னீர்செல்வம், மதிவேந்தன் ஆகியோர், கோடை விழா, மலர் கண்காட்சியை, மாலை, 4:00 மணிக்கு தொடங்கி வைக்கின்றனர். தொடர்ந்து, பல்வேறு நலத்திட்ட உதவிகள் வழங்கி பேசுகின்றனர்.
குழந்தைகள், சுற்றுலாப்பயணியர் என, அனைத்து தரப்பு மக்களையும் கவர, தோட்டக்கலை, மலைப்பயிர்கள் துறை சார்பில், அண்ணா பூங்காவில், 5 லட்சம் மலர்களால் கண்காட்சி, பழக்கண்காட்சி, காய்கறி கண்காட்சிகள் அமைக்கப்படுகின்றன. அனைத்து துறைகளையும் ஒருங்கிணைத்து, அரசின் திட்டங்கள், சாதனைகளை விளக்கும் பல்துறை பணிவிளக்க முகாம் நடக்கிறது. கால்நடை துறை சார்பில், செல்ல பிராணிகள் கண்காட்சி, பாரம்பரிய உணவு போட்டி, கோலப்போட்டி, படகுப்போட்டி உள்ளிட்டவை நடத்தப்

படுகின்றன.
சுற்றுலா பயணியரை மகிழ்விக்க சர்வதேச திரைப்படங்கள், இன்னிசை நிகழ்ச்சி, வண்ணமிகு கலை நிகழ்ச்சி, கோடை விழாவை அலங்கரிக்கின்றன. ஜூன், 1 வரை நடக்கும் கோடை விழாவை மக்கள் கண்டுகளிக்க, மாவட்ட நிர்வாகம் அழைப்பு விடுத்துள்ளது.
வனச்சரகர் இடமாற்றம்
ஏற்காடு வனச்சரகரை மாற்றம் செய்து, வனத்துறை கமிஷனர் சையது முகமது அப்பாஸ் உத்தரவிட்டுள்ளார்.
அதன்படி, ஏற்காடு வனச்சரகராக பணியாற்றிய உமாபதி, மதுரை மண்டலம், ஸ்ரீவில்லிபுத்துார் மேகமலை புலிகள் காப்பகத்துக்கு இடமாற்றப்பட்டுள்ளார். திருச்சி மண்டலம், அரியலுார் வனச்சரகர் பழனிவேல், ஏற்காடு வனச்சரகராக மாற்றப்பட்டுள்ளார். இன்று கோடை விழா தொடங்கும் நிலையில், அவர் காலையில் பொறுப்பேற்கிறார்.



விடிய, விடிய நடந்த பணி



ஏற்காட்டில் இன்று மாலை, 4:00 மணிக்கு, 45வது கோடை விழா, மலர் கண்காட்சி தொடங்க உள்ளது. நகராட்சி நிர்வாகத்துறை அமைச்சர் நேரு, வேளாண்,- உழவர் நலத்துறை அமைச்சர் பன்னீர்செல்வம், சுற்றுலாத்துறை அமைச்சர் மதிவேந்தன் தொடங்கி வைக்க உள்ளனர்.
ஆனால், மலர் கண்காட்சிக்கு மேட்டூர் அணை, மகளிர் இலவச பஸ், பட்டாம்பூச்சி, பழங்களுடன் கூடிய மாட்டு வண்டி, வள்ளுவர் கோட்டம் போன்ற வடிவங்கள் அமைக்கும் பணி, நேற்று வரை நிறைவடையவில்லை. இதனால், அப்பணியில் ஈடுபட்டுள்ளோர், நேற்று இரவு முழுதும், விடிய விடிய பணியில் ஈடுபட்டனர். இன்று காலை, பணி முடிந்து விடும் என, தெரிவித்தனர். மேலும் அண்ணா பூங்கா, ஏரி பூங்கா முழுதும், வண்ண விளக்குகளால் அலங்கரித்து வருகின்றனர்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் சேலம் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X