Dinamalar

காஞ்சிபுரம் மாவட் டத்தில் நீர்நிலைகளில் கோடையிலும் தண்ணீர் இருப்பதால் பள்ளி விடுமுறையில் இருக்கும் மாணவர்கள் அந்தந்த பகுதி நீர் நிலைகளுக்கு சென்று ஆனந்த குளியல் போடுகின்றனர். இந்த மாதம் அவ்வப்போது மழை பெய்ததால் ஆறு, கால்வாய் போன்ற பகுதிகளிலும் தண்ணீர் செல்கிறது. அந்த இடங்களுக்கு சென்று மாணவர்கள் குளித்து விளையாடுவதை பார்க்க முடிகிறது. நகர் பகுதியில் உள்ள மாணவர்கள், விடுமுறை நாட்களில் நண்பர்களுடன் சேர்ந்து அருகில் உள்ள கிராமங்களுக்கு சென்று குளிக்கின்றனர்.காஞ்சிபுரம் அடுத்த கீழ்பேரமநல்லுார் - ஆற்பாக்கம் சாலை குறுக்கே செல்லும் மாமண்டூர் ஏரி கலங்கல் நீர் செல்லும் கால்வாயில் தற்போது தண்ணீர் செல்வதால் அப்பகுதியை சேர்ந்த பள்ளி மாணவர்கள் குளித்து மகிழ்ந்தனர்.

காஞ்சிபுரம், ஓரிக்கை நான்கு முனை சந்திப்பு அருகே வழிகாட்டி பெயர் பலகையை மறைக்கும் சாலையோர மரக்கிளையை அகற்ற வேண்டும் என, வாகன ஓட்டிகளிடம் கோரிக்கை எழுந்துள்ளது.

காஞ்சிபுரம் செவிலிமேட்டில் இருந்து மிலிட்டரி சாலை வழியாக ஓரிக்கை நான்கு முனை சந்திப்பு பகுதிக்கு செல்லும் வழியில், வெளியூரில் இருந்து வரும் வாகன ஓட்டிகளின் வசதிக்காக நெடுஞ்சாலைத்துறை சார்பில் வழிகாட்டி பலகை ஒன்று அமைக்கப்பட்டுள்ளது.

சாலையோரம் உள்ள மரத்தின் கிளை நீண்டு வளர்ந்து, வழிகாட்டி பலகையை மறைத்துள்ளது.இதனால், வெளியூரில் இருந்து வரும் வாகன ஓட்டிகள் தாங்கள் செல்ல வேண்டிய திசையில் திரும்பாமல், மாற்று ஊருக்கு செல்லும் நிலை உள்ளது. வழிகாட்டி பலகை இருந்தும் வாகன ஓட்டிகளுக்கு பயன் இல்லாமல் உள்ளது. எனவே, வழிகாட்டி பலகையை மறைக்கும் சாலையோர மரக்கிளையை அகற்ற வேண்டும் அல்லது மரத்திற்கு பின் பக்கம் வைக்கப்பட்டுள்ள வழிகாட்டி பலகையை மரத்திற்கு முன் பக்கத்தில் வைக்க வேண்டும் என வாகன ஓட்டிகளிடம் கோரிக்கை எழுந்துள்ளது.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE