Dinamalar

கோவை:குமரகுரு கல்லுாரியில் நடந்த மாநில அளவிலான வாலிபால் போட்டியில், ஈஸ்வர் பொறியியல் கல்லுாரி முதலிடத்தை பிடித்தது.
குமரகுரு கல்லுாரி சார்பில், மாணவர்களுக்கான மாநில அளவிலான வாலிபால் போட்டி, கல்லுாரி மைதானத்தில் நடந்தது. இப்போட்டியில் தமிழ்நாட்டின் பல்வேறு பகுதிகளில் இருந்து, சிறந்த எட்டு அணிகள் பங்கேற்றன.முதல் சுற்றில் எட்டு அணிகளை இரு குழுக்களாக பிரித்து லீக் முறையில் போட்டி நடத்தப்பட்டது.

ஒவ்வொரு குழுவிலும்சிறப்பாக விளையாடி, அதிக புள்ளிகள் எடுத்த இரண்டு அணிகள் 'சூப்பர் லீக்' சுற்றுக்கு தேர்வு செய்யப்பட்டனர்.அதன்படி, ஈரோடு கொங்கு கல்லுாரி, ஈஸ்வர் கல்லுாரி, சக்தி பொறியியல் கல்லுாரி மற்றும் குமரகுரு தொழில்நுட்ப கல்லுாரி ஆகிய, நான்கு அணிகள் சூப்பர் லீக் சுற்றில் போட்டியிட்டன.
இப்போட்டியில், ஈஸ்வர் கல்லுாரி அணி, முதல் போட்டியில், கொங்கு கல்லுாரி அணியை 2 - 0 என்ற செட் கணக்கிலும்; இரண்டாவது போட்டியில் சக்தி கல்லுாரி அணியை 2 - 0 என்ற செட் கணக்கிலும்; மூன்றாவது போட்டியில் குமரகுரு கல்லுாரி அணியை 2 - 0 என்ற செட் கணக்கிலும் வீழ்த்தி, முதலிடத்தை பிடித்தது.வெற்றி பெற்ற வீரர்களை, கல்லுாரியின் சேர்மன் மோகன்ராம், இயக்குனர் ராஜாராம் மற்றும் முதல்வர் சுதா ஆகியோர் பாராட்டினர்.

• 1.மக்கள் நீதிமன்றம்
• 2.மீன் வரத்து அதிகரிப்பு
• 3.2,679 வழக்குகளில், ரூ.32.27 கோடிக்கு சமரசத்தீர்வு!
• 4.'லோக் அதாலத்' மூலம் பிரிந்த தம்பதி கைகோர்ப்பு
• 5.இன்று இனிதாக
• 6.பாலம் பணி; போக்குவரத்து மாற்றம்
• 7.வாலிபர் கொலை; மூவர் கைது
• 8.வாளி நீரில் மூழ்கி குழந்தை பலி
• 9.பிளஸ் 1 ரிசல்ட்; திருப்பூர் சாதிக்குமா?
• 10.பஸ் மோதி முதியவர் பலி