ஐந்து இடங்களில் சுரங்க நடைபாதை! அவிநாசி ரோட்டில் 266 தூண்கள் கட்டுமானம் 'ஓவர்'
Added : மே 27, 2022 | |
Advertisement
 
 
 
Advertisement
Advertisement
dinamalar advertisement tariff
 

கோவை:கோவை அவிநாசி ரோட்டில் பாதசாரிகள் ரோட்டை கடக்கும் வகையில் மொத்தம், 5 இடங்களில் சுரங்க நடைபாதை அமைக்கப்பட உள்ளது; மேம்பால பணியில் தற்போது வரை, 266 துாண்கள் கட்டி முடிக்கப்பட்டுள்ளன.
கோவை அவிநாசி ரோட்டில், கோல்டுவின்ஸ் முதல் உப்பிலிபாளையம் வரை மொத்தம், 10.10 கி.மீ., துாரத்துக்கு உயர்மட்ட மேம்பாலம் கட்டுமான பணி நடந்து வருகிறது. தமிழகத்திலேயே மிக நீளமான இந்த உயர்மட்ட மேம்பாலம், நான்கு வழி சாலையாக அமைக்கப்படுகிறது. இதன் அகலம், 17.25 மீ., மொத்தம் சமதளத்தில், 6 வழிப்பாதை, உயர்மட்டத்தில், 4 வழிச்சாலை என, 10 வழிப்பாதையாக அவிநாசி ரோடு உருமாற உள்ளது.

இந்த உயர்மட்ட மேம்பாலத்தில் விமானநிலையம், ஹோப்காலேஜ், நவஇந்தியா, அண்ணாசிலை சந்திப்புகளுக்கு அருகே, 7 மீ., அகலம் கொண்ட ஏறுதளங்கள் மற்றும் இறங்கு தளங்கள் அமைய உள்ளன.தற்போது விமான நிலைய சந்திப்பில் இருந்து, புதிய தொழில்நுட்பத்தின் மூலம் உயர்மட்ட மேம்பாலத்தின் மேல்தளங்கள் அமைக்கப்பட்டு வருகின்றன.அதேபோன்று, விமானநிலைய சந்திப்பில் இருந்து கோல்டுவின்ஸ் பகுதியை நோக்கியும் மேம்பால மேல்தளங்கள் அமைக்கப்பட்டு வருகின்றன.

இதுகுறித்து, நெடுஞ்சாலை துறை அதிகாரிகள் கூறியதாவது:அவிநாசி ரோடு மேம்பாலத்தில் மொத்தமுள்ள, 10.10 கி.மீ., துாரத்துக்கு, 306 துாண்கள் அமைக்கப்படுகின்றன. இதில் தற்போது வரை, 266 துாண்கள் கட்டி முடிக்கப்பட்டுள்ளன. கட்டப்பட வேண்டிய, 305 மேல்தளங்களில், 20 தளங்கள் மேம்பாலத்தில் வைத்து முடிக்கப்பட்டுள்ளன. விமானநிலைய ஏறுதளம் அமைக்கும் பணியில், 6 துாண்கள் கட்டி முடிக்கப்பட்டுள்ளன. இப்பணியில், 6 சிறுபாலங்கள் மற்றும் பாலங்கள் அகலப்படுத்தப்பட்டும் மறுகட்டுமானமும் செய்யப்பட உள்ளன.
கே.எம்.சி.எச்., ஜி.ஆர்.ஜி.,பள்ளி, கிருஷ்ணம்மாள் கல்லுாரி, பி.எஸ்.ஜி., தொழில்நுட்ப கல்லுாரி மற்றும் லட்சுமிமில்ஸ் பகுதிகளில், பாதசாரிகள் ரோட்டை கடக்க வசதியாக, சுரங்க நடைபாதைகள் அமைக்கப்பட உள்ளன. பணிகள் வேகமாக நடந்து வருவதால், குறிப்பிட்ட காலக்கெடுவுக்குள் கட்டுமான பணிகள் நிறைவடையும். புதிய தொழில்நுட்பத்தின் மூலம், காரிடார்கள் மேல்தளங்களில் வைக்கப்பட்டு வருவதால், போக்குவரத்து இடையூறு ஏற்படுவது குறைந்துள்ளது.இவ்வாறு, அவர்கள் தெரிவித்தனர்.




சுரங்க பாதை வேண்டும்

சிட்ரா அருகே உள்ள பி.எஸ்.ஜி., கலை அறிவியல் கல்லுாரியில், 13 ஆயிரம் மாணவர்கள் படிக்கின்றனர். இதன் எதிரே உள்ள கண் மருத்துவமனைக்கு, தினமும் பல்வேறு பகுதிகளை சேர்ந்த, 500க்கும் மேற்பட்டோர் வந்து செல்கின்றனர். இதனால் இந்த இடத்தில் சுரங்க பாதை கட்டாயம் தேவை. நான்கு ஆண்டுகளுக்கு முன்பே, இங்கு சுரங்க பாதை அமைக்க பூமி பூஜை போடப்பட்டு நிறுத்தப்பட்டது. இப்போது உயர்மட்ட மேம்பால கட்டுமான பணியிலும், இந்த இடத்தில் சுரங்கநடைபாதை இல்லாதது ஏமாற்றமாக உள்ளது.




 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X