Dinamalar

கோவை:''தி.மு.க.,வின் தேர்தல் வாங்குறுதியில் கூறியபடி, புதிய ஓய்வூதிய திட்டத்தை ரத்து செய்து, பழைய ஓய்வூதிய திட்டத்தை அமுல்படுத்த வேண்டும் என்பது உள்ளிட்ட நான்கு அம்ச கோரிக்கையை வலியுறுத்தி, தமிழ்நாடு அரசு ஊழியர்கள் சங்கம் சார்பில், தர்ணா போராட்டம் நேற்று நடந்தது.
கோவை பாலசுந்தரம் ரோட்டில் உள்ள வணிக வரித்துறை அலுவலகம் முன், நேற்று நடந்த இந்த போராட்டத்துக்கு, அரசு ஊழியர்கள் சங்க மாவட்ட தலைவர் வெங்கடேஷ் தலைமை வகித்தார்.அவர் கூறியதாவது:இந்த ஆண்டு ஜனவரி 1ம் தேதி முதல், வழங்க வேண்டிய மூன்று சதவீத அகவிலைப்படி உயர்வை ரொக்கமாக வழங்க வேண்டும். மறு உத்தரவு வரும்வரை வைத்துள்ள ஈடு செய்யும் விடுப்பினை ஒப்படைத்து, பணப்பலன் பெறும் உரிமையை மீண்டும் வழங்கிட வேண்டும்.தி.மு.க.,வின் தேர்தல் வாங்குறுதியில் கூறியபடி, புதிய ஓய்வூதிய திட்டத்தை ரத்து செய்து பழைய ஓய்வூதிய திட்டத்தை அமல்படுத்த வேண்டும்.இவ்வாறு, அவர் கூறினார்.வணிக வரித்துறை பணியாளர் சங்க மாவட்ட செயலாளர் கல்யாண சுந்தரம், அரசு ஊழியர் சங்க நிர்வாகி சாந்தகுமாரி மற்றும் 200க்கும் மேற்பட்ட அரசு ஊழியர்கள் பங்கேற்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE