Dinamalar

சென்னையை தலைமையிடமாக கொண்டு, அரசுக்கு ஆலோசனை வழங்கும் நிரந்தர குழுவாக இயங்கும். இரண்டு மாதங்களுக்கு ஒருமுறை அல்லது தேவைக்கு ஏற்ப குழு கூடும். நுாற்பாலை, ஆயத்த ஆடை, பின்னலாடை, தொழில்நுட்ப ஜவுளி என ஜவுளித்துறையின் பல்வேறு பிரிவுகள் குறித்து தொடர்ந்து ஆராய்ந்து, பிரச்னைக்குரிய தீர்வுகள்; தொழில்நுட்ப ஆலோசனைகளை அரசுக்கு பரிந்துரைக்கும்.

'பியோ' தலைவர் சக்திவேல்:ஜவுளித்துறை வளர்ச்சிக்கு தொழில்நுட்ப மேம்பாடு முக்கியமானதாக உள்ளது. தற்போது கூட, சுத்திகரிப்பு மைய கழிவு உப்புகளை அகற்றுவதற்கான தொழில்நுட்பம் தேவைப்படுவது குறிப்பிடத்தக்கது.ஆலோசனை குழு மூலம், ஜவுளித்துறையின் தொழில்நுட்ப தேவைகளை, விரைவாகவும், நேரடியாகவும் அரசின் கவனத்துக்கு எடுத்துச்செல்லமுடியும். குழுவின் ஆலோசனைகள், பரிந்துரைகளுக்கு அரசு செயல்வடிவம் கொடுக்கும். இதன்மூலம், நுாற்பாலை முதல் ஆயத்த ஆடை தயாரிப்பு வரையிலான தமிழக ஜவுளித்தொழில் சிறப்பான வளர்ச்சி பெறும்.

'சைமா' தலைவர் ஈஸ்வரன்:அமைச்சர் அறிவித்தபடி, துரிதமாக, ஜவுளித்துறைக்கான ஆலோசனை குழு அமைப்பது வரவேற்கத்தக்கது. ஜவுளி தொழிலின் கஷ்ட, நஷ்டங்களை அன்றாடம் எதிர்கொண்டிருக்கும், ஜவுளி தொழிலில் ஈடுபட்டுள்ளோர், உறுப்பினராக சேர்க்கப்பட்டுள்ளனர். இந்த குழுவுக்கு, தமிழக அரசு அதிக முக்கியத்துவம் அளிக்கவேண்டும்; பரிந்துரைகளை விரைந்து நிறைவேற்றி வைப்பதிலேயே, குழுவின் வெற்றி அடங்கியிருக்கிறது.

ஏற்றுமதியாளர் சங்க தலைவர் ராஜாசண்முகம்:தமிழக அரசு முதல் முறையாக, தொழில்நுட்ப ஆலோசனைக்குழுவை அமைப்பது பாராட்டத்தக்கது. இந்த குழு மூலம், திருப்பூர் மீதான அரசின் கவனத்தை ஈர்க்கமுடியும். தொழில்நுட்பம் மட்டுமின்றி, உள்கட்டமைப்பு மேம்பாடு, தொழிலாளர் குடியிருப்பு, ஆய்வுக்கூடம் என எல்லா தேவைகளையும் படிப்படியாக நிறைவேற்ற முடியும்.துறை சார்ந்த அமைச்சர் மற்றும் அதிகாரிகள் மத்தியில், ஜவுளித்துறை குறித்த புரிதல் மேலோங்கும். பட்ஜெட்டில், ஜவுளித்துறை வளர்ச்சிக்கான தொலைநோக்கு திட்டங்களை அறிவிப்பதற்கான வாய்ப்பு உருவாகும். ஜவுளி தொழில் வளர்ச்சிக்கு இது முதல் படி. இதே போல், மத்திய அரசும், ஜவுளித்துறைக்கான குழுவை அமைக்கவேண்டும்.

 

• 1.சூலுாரில் மகளிர் போலீஸ் பெண்கள் கோரிக்கை
• 2.அன்னூரில் சாலை அகலப்படுத்தினால் விவசாயம் பாதிக்கும்!டெல்லி செல்ல விவசாயிகள் திட்டம்
• 3.போதையில் லாரியில் பயணம்: பாதியில் மரணத்தில் முடிந்தது
• 4.வனத்துறையினர் மரம் ஏலம் நடத்த தி.மு.க.,வினர் எதிர்ப்பு
• 5. நீர்வழி பாதையில் குப்பைகள் அகற்றம்
• 6.கிராம வேளாண் வளர்ச்சி திட்டம்:தரிசு நிலம் தேர்வு பணி துவக்கம்
• 7.தமிழ் சங்க முதலாம் ஆண்டு விழா
• 8.ரயில்வே தண்டவாளத்தில் கற்கள்: போலீசார் எச்சரிக்கை
• 9.இன்றைய மின்தடை (29ம் தேதி)
• 10.இடைநிலை ஆசிரியர்கள் அரசுக்கு கோரிக்கை