Dinamalar

சிவகங்கை: வர்த்தக நிறுவனங்களில் தடை செய்த பாலிதீன் பை விற்றால் லைசென்ஸ் ரத்து செய்யப்படும் என சிவகங்கை நகராட்சி கமிஷனர் வி.பாஸ்கரன் தெரிவித்தார்.

சிவகங்கை காந்தி வீதியில் உள்ள வர்த்தக நிறுவனங்களில் தடையை மீறி பாலிதீன் பை விற்பதாக நகராட்சிக்கு புகார் சென்றது. கமிஷனர் பாஸ்கரன் தலைமையில் சுகாதார அலுவலர் முத்துகணேஷ், சுகாதார ஆய்வாளர் தங்கபாண்டியன், மேற்பார்வையாளர் வெங்கடேசன் உள்ளிட்டோர் கடைகளில் ஆய்வு செய்தனர்.

இதில் 595 கிலோ எடையுள்ள பாலிதீன் பைகளை பறிமுதல் செய்தனர். மேலும் கடைக்காரர்களுக்கு முதற்கட்டமாக குறைந்த பட்ச அபராதமாக ரூ.15,000 விதித்தனர்.
'லைசென்ஸ்' ரத்தாகும்
கமிஷனர் பாஸ்கரன் கூறியதாவது, நகரில் பல்வேறு வர்த்தக நிறுவனங்களில் நடத்திய ரெய்டில் பாலிதீன் பைகளை பறிமுதல் செய்தோம். அனைத்து கடைகளுக்கும் சேர்த்து ரூ.15,000 அபராதம் விதித்துள்ளோம்.தொடர்ந்து பாலிதீன் பைகளுக்கு தடை விதிக்கும் பொருட்டு ரெய்டு நடத்துவோம்.

இனியும் கடைகளில் பாலிதீன் பையில் பொருட்களை போட்டு வழங்கினால் அக்கடையின் 'லைசென்ஸ்' ரத்து செய்யப்படும், என்றார்.

• 1.மீண்டும் தலை துாக்கும் பிளக்ஸ் பேனர்விபத்து அச்சத்தில் வாகன ஓட்டிகள்
• 2.போலீஸ் செய்திகள்; மாற்றுத்திறனாளி பெண்ணை ஏமாற்றியவர் மீது வழக்கு
• 3.இருக்கன்குடியில் நிழற்குடையின்றி அல்லல்படும் பக்தர்கள்
• 4.சாத்தூரில் திருட்டுக்கள் அதிகரிப்பு; இரவு நேர ரோந்து அவசியம்
• 5.பணி நியமன ஆணை வழங்கல்
• 6.நரிக்குடி கடைகளில் சுகாதார துறை சோதனை
• 7.காட்சிப்பொருளாக நிற்கும் மின்சார வாகனங்கள்
• 8.டூவீலர்கள் மோதல் ஒருவர் பலி
• 9.பராமரிப்பின்றி பாழாகும் பறிமுதல் செய்த வாகனங்கள்; அருப்புக்கோட்டை நாகலிங்க நகர் மக்கள் குமுறல்
• 10.மதுபாட்டில் பறிமுதல்