Dinamalar

சென்னை: அதிநவீன 'ரேடார்' தயாரிப்பு பணியில், ராணுவ ஆராய்ச்சி விஞ்ஞானிகள் தீவிரமாக ஈடுபட்டுள்ளனர். இந்த ரேடார் 1,500 கி.மீ., சுற்றளவில் இருந்து வரும் தாக்குதல்களையும் கண்டறியும் என, டி.ஆர்.டி.ஓ., எனும் ராணுவ ஆராய்ச்சி மற்றும் மேம்பாட்டு நிறுவன விஞ்ஞானிகள் தெரிவித்தனர்.

சென்னை, நந்தம்பாக்கத்தில் உள்ள, சென்னை வர்த்தக மையத்தில், மூன்று நாள் தனியார் ராணுவ கண்காட்சி நடக்கிறது. இதில், 200 சிறு, குறு, நடுத்தர நிறுவனங்கள், பெரிய தனியார் நிறுவனங்கள், ராணுவ பொதுத் துறை தளவாடங்கள் தயாரிக்கும் நிறுவனங்கள் இடம்பெற்றுள்ளன.குறிப்பாக, ஆவடியில் உள்ள கனரக வாகன தொழிற்சாலை, இன்ஜின் தொழிற்சாலை, இந்திய கடற்படை கொள்முதல் பிரிவு, இஸ்ரோ, டி.ஆர்.டி.ஓ., உட்பட, பல்வேறு நிறுவனங்கள் மற்றும் அமைப்புகள் இடம் பெற்றுள்ளன.

டி.ஆர்.டி.ஓ., அமைப்பு கண்காட்சி நுழைவு வாயில் அருகே அரங்கு அமைத்துள்ளது. அதில், 'ஆருத்ரா' என்ற 'மீடியம் பவர் ரேடார்' மாதிரி காட்சிக்கு வைக்கப்பட்டுள்ளது. 300 கி.மீ., சுற்றளவில், பல்வகை தாக்குதலையும் கண்காணிக்கும் வகையில் இந்த ரேடார் வடிவமைக்கப்பட்டுள்ளது.
குறிப்பாக, விமானப்படைக்காக தயாரிக்கப்பட்டுள்ளது.இதே போல், 'ஏசர்' எனும் எலக்ட்ரானிக் வடிவிலான, விமானப் படையின் அனைத்து வகை விமானத்திலும் பொருந்தக் கூடிய ரேடார் தயாரிக்கப்பட்டுள்ளது. 120 கி.மீ., சுற்றளவிலான தாக்குதல்களை கண்காணிக்க முடியும்.

இதற்கு முன், 80 கி.மீ., சுற்றளவு ரேடார் மட்டுமே பயன்படுத்தப்பட்டு வருகிறது.மேலும், நிலத்தில் பயன்படுத்தக் கூடிய, 'அதுல்யா' எனும் 'ஏர் டிபன்ஸ் பையர் கன்ட்ரோல் ரேடார்' புதிதாக வடிவமைக்கப்பட்டுள்ளது. இந்த ரேடாரின் சிறப்பு, 20 கி.மீ., சுற்றளவில், எந்த முனையிலிருந்து வரும் தாக்குதல்களையும், துப்பாக்கியால் ஒரே முறையில் தகர்க்கும் திறன் உடையது.இதே போல, ஏர்போர்ன் சர்வைலன்ஸ் சிஸ்டம், அர்ஜூன் எம்.பி.டி., பீரங்கி உட்பட, பல்வேறு புதிய தயாரிப்புகள் பார்வைக்கு வைக்கப்பட்டுள்ளன.இது குறித்து, டி.ஆர்.டி.ஓ., விஞ்ஞானி ஒருவர் கூறியதாவது:'ஆருத்ரா' என்ற 'மீடியம் பவர் ரேடார்' மாதிரி, காட்சிக்கு வைக்கப்பட்டுள்ளது.

300 கி.மீ., சுற்றளவில், பல்வகை தாக்குதலையும் கண்காணிக்கும் வகையில், இந்த ரேடார் வடிவமைக்கப்பட்டுள்ளது. இதன் சோதனைகள் முடிந்து, தயாரிப்பு ஆணைகள் பெற உள்ளோம்.இதே போல, 1,500 கி.மீ., சுற்றளவில் இருந்து வரும் தாக்குதல்களையும் கண்டறியும், அதி நவீன ரேடார் தயாரிக்கும் பணி நடந்து வருகிறது. அடுத்த ஆண்டுக்குள் தயாரிப்பு பணிகள் முடிந்து, சோதனை ஓட்டம் நடைபெறும். அரங்கில் வைக்கப்பட்டுள்ள அனைத்து வகை தளவாட மாதிரிகளும், உள்நாட்டிலேயே தயாரிக்கப்பட்டவை.இவ்வாறு அவர் கூறினார்.

• 1.100 மின்சார பஸ்கள் வாங்க டெண்டர்
• 2.கார் மீது மரம் விழுந்து வங்கி பெண் மேலாளர் பலி
• 3. அபாயகரமான குப்பையை கையாள்வதில் மாநகராட்சி தோல்வி
• 4. மனைப்பிரிவுகளில் ஒதுக்கிய திறந்தவெளி நிலம் கபளீகரம்: தனியாருக்கு தாரைவார்க்கப்படுவதால் அதிர்ச்சி
• 5.வீட்டிற்குள் பாய்ந்த பேருந்துமூதாட்டி உட்பட பலர் காயம்
• 6.முட்டை மீது பத்மாசனம் ஆயுர்வேத மருத்துவர் சாகசம்
• 7.இன்றைய மின் தடை
• 8.இன்று இனிதாக (25.06.22 - சனி)
• 9.உபரி நீர் வெளியேற்றம் 150 கன அடியாக குறைப்பு
• 10. மனைப்பிரிவுகளில் ஒதுக்கிய திறந்தவெளி நிலம்.. கபளீகரம்! தனியாருக்கு தாரைவார்க்கப்படுவதால் அதிர்ச்சி