Dinamalar

திருப்பூர் மாவட்டம், பல்லடத்தில் ஒருங்கிணைந்த கோர்ட் வளாகம், நீதிபதிகள் குடியிருப்பு திறப்பு விழா நேற்று நடந்தது. ஐகோர்ட் நீதிபதிகள் கிருஷ்ணகுமார், சுந்தர், ஆஷா முன்னிலை வகித்தனர்.கோர்ட் வளாகத்தை, ஐகோர்ட் தலைமை நீதிபதி முனீஸ்வர் நாத் பண்டாரி திறந்து வைத்து பேசியதாவது: பின்னலாடை தொழில் மூலம் பிரசித்தி பெற்ற திருப்பூரில் ஆங்கிலேயர் காலத்திலேயே ஜவுளி தொழிலில் முன்னோடியாக இருந்துள்ளது.

வாடகை கட்டடத்தில் இயங்கி வரும் பெரும்பாலான நீதிமன்றங்கள் அரசு கட்டடங்களில் இயங்க நடவடிக்கை எடுக்க வேண்டும். பிரதமர் மோடியும், நீதிமன்ற அடிப்படை கட்டமைப்பு வசதிகளுக்கு கூடுதல் கவனம் செலுத்தி வருகிறார்.

நீதித்துறையில், 80 சதவீத பணியிடம் மட்டுமே நிரப்பப்பட்டுள்ளன. இருப்பினும், சென்னை ஐகோர்ட், 109 சதவீத வழக்குகளுக்கு தீர்வு கண்டுள்ளது. 20 சதவீதம் பணியிடங்கள் காலியாக உள்ள போதும், வழக்குகள் விரைந்து முடிக்கப்பட்டு வருவதற்கு இதுவே சான்று. வழக்குகளை விரைந்து முடிப்பதில் தமிழகம் முதலிடத்தில் உள்ளது. இவ்வாறு அவர் பேசினார்.

அமைச்சர்கள் ரகுபதி, கயல்விழி, கலெக்டர் வினீத், மாவட்ட நீதிபதி சொர்ணம் நடராஜன், எஸ்.பி., செஷாங் சாய் மற்றும் ஓய்வு பெற்ற ஐகோர்ட் நீதிபதி கல்யாணசுந்தரம், வழக்கறிஞர் சங்க தலைவர் பாலசுப்ரமணியம் பங்கேற்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE