மதுரையில் 'பிக்சல்' போட்டோ, வீடியோ கண்காட்சி துவக்கம் | மதுரை செய்திகள் | Dinamalar
மதுரையில் 'பிக்சல்' போட்டோ, வீடியோ கண்காட்சி துவக்கம்
Added : மே 28, 2022 | |
Advertisement
 
Latest district News

மதுரை: மதுரை வேலம்மாள் மருத்துவமனை வளாக ஐடா ஸ்கட்டர் வர்த்தக மையத்தில் மடீட்சியாவின் 'பிக்சல் போட்டோ, வீடியோ கண்காட்சியை' கலெக்டர் அனீஷ்சேகர் துவக்கினார். கண்காட்சி இன்றும், நாளையும் (மே 28, 29) நடக்கிறது.

கலெக்டர் பேசுகையில், ''அருமையான போட்டோ கண்காட்சி ஏற்பாடு செய்திருக்கிறார்கள். மதுரையின் தொழில் வளர்ச்சிக்கு உதவும் 'சிப்காட்' அமைக்க இடம் அடையாளம் காணப்பட்டுள்ளது. தொடர்ந்து மேம்பாட்டு திட்டங்கள் கொண்டுவர முயற்சிப்போம்,'' என்றார்.

கண்காட்சி தலைவர் பாரதி பேசியதாவது: புகைப்பட கலைஞர்கள், ஆர்வமுள்ளோருக்கு இக்காண்காட்சி பாலமாக இருக்கும். 80 ஸ்டால்களில் சோனி, நிக்கான், கேனன், பானாசோனிக், கோடெக்ஸ் உள்பட பல முன்னணி நிறுவனங்கள் ஸ்டால்கள் அமைத்துள்ளன.போட்டோ, வீடியோகிராபிக், பிரின்டிங் உபகரணங்கள், ஆல்பம், வீடியோ எடிட்டிங் மென்பொருள், பயன்படுத்திய கேமரா வாங்க, விற்க என பல்வேறு நிறுவனங்கள் பங்கேற்றுள்ளன.

பழங்கால கேமரா, போட்டோ கண்காட்சி, ஆடை அலங்கார அணிவகுப்புகளும் நடக்கிறது.போட்டோ கருத்தரங்கில் பிரபல போட்டோகிராபர்கள் பயிற்சி தருகின்றனர். சிறந்த படம் எடுப்போருக்கு மதுரை ராஜ்மகால், சங்கீத் வெட்டிங் வில்லேஜ், சவுபாக்கியா ஜூவல்லர்ஸ் நிறுவனங்கள் தலா ரூ.10 ஆயிரம் பரிசு வழங்கவுள்ளன.இலவச மருத்துவ, கண் பரிசோதனை, கொரோனா தடுப்பூசி, பேசிக் கேமரா சர்வீஸ் முகாமும் நடக்கிறது.

கண்காட்சி இன்றும், நாளையும் (மே 28,29) நடக்கிறது. காலை 10:00 மணி -இரவு 7:00 மணி வரை பார்வையிடலாம். அனுமதி இலவசம் என்றார்.மடீட்சியா தலைவர் சம்பத், துணைத் தலைவர் கார்த்திக் பாபு, கண்காட்சி உறுப்பினர் தனபால், ஐநெட் பேஷன் டிசைனர்ஸ் நிர்வாகி குபேந்திர ராஜா பங்கேற்றனர். இணைச் செயலாளர் பன்சிதர் நன்றி கூறினார்.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் மதுரை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X