2 மோதிரங்களை விழுங்கிய மீன் வியாபாரி: திருப்பூரில் பரபரப்பு; போலீசார் அதிர்ச்சி
Added : மே 29, 2022 | |
Advertisement
 
 
 
Advertisement
Advertisement
dinamalar advertisement tariff
 

திருப்பூர்,:திருப்பூரில், மதுபோதையில் ஏற்பட்ட தகராறில், வாலிபரை நண்பர்கள் அரிவாளால் வெட்டினர். இதில் தொடர்புடைய ஒருவர், போலீஸ் விசாரணைக்கு பயந்து, இரண்டு மோதிரங்களை விழுங்கிய சம்பவம் பரபரப்பை ஏற்படுத்தியுள்ளது.திருப்பூர் சாமுண்டிபுரத்தை சேர்ந்தவர் சதாம் உசேன், 29; இவரது நண்பர், மங்கலத்தை சேர்ந்த அஜ்மீர் காஜா, 36. இவரும், அருகருகே மீன் வியாபாரம் செய்து வருகின்றனர்.
சில மாதங்கள் முன், சதாம் உசேன், நண்பர்களான அஜ்மீர் காஜா, முகமது ஹக்கீம் ஆகியோரிடம் தலா, 5,000ம் ரூபாய் வாங்கி இருந்தார். இப்பணத்தை பலமுறை கேட்டும், சதாம் உசேன் கொடுக்காமல் காலம் கடத்தி வந்தார்.நேற்று முன்தினம் மாலை, அஜ்மீர் காஜா, சதாம் உசேன் உட்பட ஆறு பேர், வஞ்சிபாளையம் அருகே மது அருந்தினர். பணம் தொடர்பாக இருவரிடையே தகராறு ஏற்பட்டதில், ஆத்திரமடைந்த அஜ்மீர் காஜா உட்பட ஐந்து பேரும், சதாம் உசேனை அரிவாளால் வெட்டி, உருட்டு கட்டையால் தாக்கி பைக்கில் தப்பினர். அருகில் இருந்தவர்கள் இவரை மீட்டு, திருப்பூர் அரசு மருத்துவமனைக்கு அனுப்பி வைத்து போலீசாருக்கு தகவல் தெரிவித்தனர். பின், பைக்கில் தப்பியவர்களை விரட்டி சென்று, ஐந்து பேரையும் பிடித்து திருமுருகன்பூண்டி போலீசிடம் ஒப்படைத்தனர்.

மூச்சு திணறல்
அப்போது, அஜ்மீர் காஜாவுக்கு திடீரென மூச்சு திணறல் ஏற்பட்டு உடல் நலம் பாதிக்கப்பட்டது. குடும்பத்தினருக்கு தகவல் அளித்த போலீசார், அவரை திருப்பூர் அரசு மருத்துவமனையில் சேர்த்தனர்.அஜ்மீர் காஜாவிடம் டாக்டர்கள் விசாரித்தில், 'பொதுமக்களிடம் சிக்கிய போது, போலீசார் விசாரணைக்கு பயந்து, விரலில் அணிந்திருந்த இரண்டு வெள்ளி மோதிரத்தை கழற்றி விழுங்கியதாக,' தெரிவித்தார். 'ஸ்கேன்' செய்து பார்த்த போது, இரு மோதிரங்கள் மூச்சுக்குழாயில் இருப்பது தெரிந்தது. தொடர்ந்து, அவருக்கு சிகிச்சை அளிக்கப்படுகிறது.படுகாயமடைந்த சதாம் உசேன் மேல் சிகிச்சைக்காக, கோவைக்கு அனுப்பி வைக்கப்பட்டார். வழக்கில், உதயகுமார், 21, முகமது ஹக்கீம், 39, ரியாஷ், 20 மற்றும் 17 வயது சிறுவன் ஆகியோரை கைது செய்து அவிநாசி ஜே.எம்., கோர்ட்டில் ஆஜர்படுத்தி சிறையில் அடைத்தனர். 2015ல் வேலம்பாளையத்தில் தி.மு.க., பிரமுகர் சுப்ரமணியம் கொலை வழக்கில் அஜ்மீர் காஜா, முகமது ஹக்கீம் ஆகியோருக்கு தொடர்பு இருப்பது குறிப்பிடத்தக்கது.


 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X