Dinamalar

மதுரை ரயில்வே காலனி பகுதியில் நடந்த துாய்மைப் பணியை மேயர் பார்வையிட்டார். கழிவுநீர் தொட்டி அடைப்பை எடுக்க இயந்திரம் பயன்படுத்தப்பட்டது. ஆனால் அதை கையாளும் பணியாளர்களுக்கு பாதுகாப்பு உபகரணங்கள் வழங்கவில்லை.சமீபத்தில் பாதுகாப்பு உபகரணங்கள் இல்லாமல் கழிவுநீர் கிணற்றை சுத்தம் செய்த 3 பேர் விஷ வாயு தாக்கி இறந்தனர். பின் மேயர் அளித்த அறிக்கையில், 'பணியாளர்களின் பாதுகாப்பு உறுதி செய்யப்படும். முன்னெச்சரிக்கை நடவடிக்கை மேற்கொள்ளப்படும்' என தெரிவித்திருந்தார்.
மாநகராட்சி பட்ஜெட்டிலும் பணியாளர்களின் பாதுகாப்பு குறித்து அறிவிப்புகள் இடம்பெற்றன. ஆனால் மேயர் முன்னிலையிலேயே துாய்மை பணியாளர்களின் பாதுகாப்பு நடவடிக்கை காற்றில் பறக்கவிடப்பட்டுள்ளது.

இதுகுறித்து வழக்கறிஞர் முத்துக்குமார்தேசிய பிற்படுத்தப்பட்டோர் கமிஷனுக்கு புகார் மனு அனுப்பியுள்ளார்.இதுகுறித்து மேயர் தரப்பில் கூறியதாவது: பாதுகாப்பு உபகரணங்கள் இல்லாமல் ஏன் துாய்மைப் பணியை மேற்கொள்கிறீர்கள் என கேட்டோம். அதற்கு அவர்கள் இனி இதுபோல் நடக்காது என்றனர். இதுகுறித்து சம்பந்தப்பட்ட அதிகாரிகளிடம் விளக்கம் கேட்டுள்ளோம் என்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE