Dinamalar

நாமக்கல்'கட்டாய கல்வி உரிமைச் சட்டத்தின், 25 சதவீத இடஒதுக்கீட்டில், அதிக விண்ணப்பங்கள் பெறப்பட்ட
பள்ளிகளில், நாளை குலுக்கல் முறையில் மாணவர் சேர்க்கை நடத்தப்படும்' என, நாமக்கல் கலெக்டர் ஸ்ரேயா சிங் தெரிவித்துள்ளார்.
இதுகுறித்து அவர் வெளியிட்ட அறிக்கை:
நாமக்கல் மாவட்டத்தில், குழந்தைகளுக்கான இலவச மற்றும் கட்டாயக் கல்வி உரிமைச் சட்டத்தின் கீழ், 25 சதவீத இட ஒதுக்கீட்டுக்கான சேர்க்கைக்கு, இணையம் வழியாக, கடந்த, ஏப்., 20ம் தேதி முதல் விண்ணப்பங்கள் பெறப்பட்டது.

இணைய வழியாக பெறப்பட்ட விண்ணப்பங்களில், தகுதியுள்ள மற்றும் தகுதியற்ற விண்ணப்பதாரர்களின் விபரங்கள், நேற்று மாலை, 5:00 மணிக்கு, சம்பந்தப்பட்ட பள்ளிகளின் தகவல் பலகையில் ஒட்டப்பட்டது. இப்பள்ளிகளில், நுழைவுநிலை வகுப்பில், 25 சதவீத இட ஒதுக்கீட்டில் நிர்ணயிக்கப்பட்ட இடங்களை விட, குறைவான அளவில் விண்ணப்பங்கள் பெறப்பட்ட பள்ளிகளில், தகுதியான அனைத்து விண்ணப்பங்களுக்கும் சேர்க்கை வழங்கப்படும்.நிர்ணயிக்கப்பட்ட இடங்களை விட, அதிகமான விண்ணப்பங்கள் பெறப்பட்ட பள்ளிகளில், தகுதியான விண்ணப்பங்களுக்கு, நாளை (மே 30), குலுக்கல் முறையில், துறை அலுவலர்கள் முன்னிலையில், சேர்க்கைக்கான மாணவர்கள் தேர்வு செய்யப்படுவர்.
மேலும், சிறப்பு பிரிவின் கீழ், வகைப்படுத்தப்பட்டுள்ள ஆதரவற்றோர், ெஹச்.ஐ.வி., நோய் பாதிக்கப்பட்டோர், மூன்றாம்
பாலினத்தவர், துப்புரவு தொழிலாளியின் குழந்தை மற்றும் மாற்றுதிறனாளிகள் போன்றோரிடம் இருந்து பெறப்பட்ட தகுதியான விண்ணப்பங்களுக்கு, குலுக்கல் நடத்துவதற்கு முன் சேர்க்கை வழங்கப்படும். இவ்வாறு அதில் கூறப்பட்டுள்ளது.
இதுதொடர்பான அதிகாரிகள் ஆலோசனைக்கூட்டம், நேற்று டி.இ.ஓ., ராமன் தலைமையில் நடந்தது.

• 1.நில தகராறில் அண்ணன் கொலை?தம்பியிடம் போலீசார் விசாரணை!
• 2. மல்லூருக்குள் பஸ்கள் சென்றுவர டிரைவருக்கு அறிவுறுத்த உத்தரவு
• 3. திருமணிமுத்தாறு 2 ஆண்டில் மீட்டெடுக்கப்படும்
• 4. கடை குத்தகைதாரர்கள் விதிமீறல் பொருளை பறிமுதல் செய்த நகராட்சி
• 5. தொழிற்பயிற்சி நிலையத்தில் சேர அழைப்பு
• 6. 2, 3ம் வகுப்பு குழந்தைகளின் கற்றல் நிலை அறிய மதிப்பீடு
• 7. பெரிய வெங்காயம் வரத்து 15 'லோடு' ஆக அதிகரிப்பு
• 8. பறித்த மொபைலை மீட்க மரத்தில் ஏறிய 'குடி'மகன்
• 9. தொழு நோயாளிகளுக்கு நலத்திட்ட உதவி வழங்கல்
• 10. மாவட்டத்தில் 166 அமிர்த்த குளம் ஆகஸ்டில் பயன்பாட்டுக்கு வரும்