Dinamalar

கோவை:மாணவர்கள் புகாரை தொடர்ந்து, கோவை அரசு கலைக் கல்லுாரியின் இரு உதவிப் பேராசிரியர்கள் பணியிட மாற்றம் செய்யப்பட்டனர்.கோவை அரசு கலைக் கல்லுாரியில் படிக்கும் மாணவர்கள் சிலர், கடந்த 24ம் தேதி கோவை கலெக்டர் அலுவலகத்தில் அளித்த மனுவில், 'கல்லுாரியில் புவியியல் துறை பேராசிரியர் ஒருவர் கடந்த ஆறு மாதங்களாக கல்லுாரிக்கு வராமலும், முறையாக வகுப்புகள் எடுக்காமல் உள்ளார். அவர் மீது உரிய நடவடிக்கை எடுக்க வேண்டும்' என தெரிவிக்கப்பட்டிருந்தது.
இதேபோல், பேராசிரியை ஒருவர், கல்லூரியில் பணிபுரியும் சக பேராசிரியர் சரியாக பாடம் எடுக்கவிடாமல் இடையூறு செய்வதாக புகார் அளித்தார். இவ்விரு புகார்கள் குறித்து விசாரிக்க, கல்லுாரி கல்வி இயக்குனர் உத்தரவிட்டார்.இதனடிப்படையில், மண்டல கல்லுாரி கல்வி இணை இயக்குனர் உலகி விசாரணை நடத்தினார். புகாருக்குள்ளான அரசு கலைக் கல்லுாரியில் பணிபுரியும் இரு உதவி பேராசிரியர்களும் நேற்று பணியிட மாற்றம் செய்யப்பட்டனர்.கோவை அரசு கலைக் கல்லூரி முதல்வர் கலைச்செல்வி கூறுகையில், ''நிர்வாக காரணங்களுக்காக உதவி பேராசிரியர் பாத்திமா மரியம், திருச்சி அரசு கலைக் கல்லுாரிக்கும், உதவி பேராசிரியர் ரமேஷ், சிவகாசி அரசு கலைக் கல்லுாரிக்கும் பணியிட மாற்றம் செய்யப்பட்டு உள்ளனர்,'' என்றார்.

• 1.மக்கள் நீதிமன்றம்
• 2.மீன் வரத்து அதிகரிப்பு
• 3.2,679 வழக்குகளில், ரூ.32.27 கோடிக்கு சமரசத்தீர்வு!
• 4.'லோக் அதாலத்' மூலம் பிரிந்த தம்பதி கைகோர்ப்பு
• 5.இன்று இனிதாக
• 6.பாலம் பணி; போக்குவரத்து மாற்றம்
• 7.வாலிபர் கொலை; மூவர் கைது
• 8.வாளி நீரில் மூழ்கி குழந்தை பலி
• 9.பிளஸ் 1 ரிசல்ட்; திருப்பூர் சாதிக்குமா?
• 10.பஸ் மோதி முதியவர் பலி