Dinamalar

சேலம், சேலம், ஜாகீர்ரெட்டிப்பட்டியில் ரயில்வேக்கு சொந்தமான இடத்தில், 51 வீடுகள் கட்டப்பட்டிருந்தன. இதனால், அந்த வீடுகளை அகற்றிக்கொள்ள, 2020ல், ரயில்வே கோட்ட கூடுதல் மேலாளர் சிவலிங்கம் தலைமையில் அதிகாரிகள், 'நோட்டீஸ்' அனுப்பியிருந்தனர். அதனால், 20க்கும் மேற்பட்டோர், அங்கிருந்து வெளியேறினர். அதில், 31 பேர் வெளியேறவில்லை.
இதனால், ரயில்வே அதிகாரி அருள்செல்வன், மேற்கு தாசில்தார் தமிழரசி தலைமையில், ரயில்வே டி.எஸ்.பி., குணசேகரன், சூரமங்கலம் போலீசார் பாதுகாப்புடன், நேற்று பொக்லைன் மூலம்,

51 வீடுகளும் இடித்து அகற்றப்பட்டன. அதேபோல் அரியாகவுண்டம்பட்டியில் புறம்போக்கு நிலத்தில், 10க்கும் மேற்பட்டோர் வீடுகள் கட்டி இருந்தனர். அவற்றை காலி செய்து வீடுகளை ஒப்படைக்க, மேற்கு தாசில்தார் தமிழரசு நோட்டீஸ் அனுப்பினார். ஆனால், காலி செய்யாததால், நேற்று, வருவாய்த்துறையினர், பொக்லைன் மூலம் ஆக்கிரமிப்புக்களை அகற்றினர்.
1.54 ஏக்கர் மீட்புகெங்கவல்லி தாசில்தார் வெங்கடேசன் தலைமையில் வருவாய்துறையினர், செந்தாரப்பட்டியில் நீர்நிலை ஆக்கிரமிப்பு குறித்து நேற்று ஆய்வு செய்தனர். அப்போது,
ஆக்கிரமிப்பில் இருந்த, 1.54 ஏக்கர் நிலத்தை மீட்டனர்.

அறிவுரை

கெங்கவல்லி அருகே, தெடாவூர் - தம்மம்பட்டி சாலையில், 6 கோடி ரூபாயில், சாலை விரிவாக்கப்பணி மேற்கொள்ளப்படுகிறது. அதையொட்டி சாலை இருபுறமும் உள்ள ஆக்கிரமிப்புகளை, மே, 30க்குள்(நாளை) அகற்றிக்கொள்ள, ஆத்துார், நெடுஞ்சாலைத்துறை அதிகாரிகள் அறிவுறுத்தியுள்ளனர்.

• 1. மல்லூருக்குள் பஸ்கள் சென்றுவர டிரைவருக்கு அறிவுறுத்த உத்தரவு
• 2. திருமணிமுத்தாறு 2 ஆண்டில் மீட்டெடுக்கப்படும்
• 3. கடை குத்தகைதாரர்கள் விதிமீறல் பொருளை பறிமுதல் செய்த நகராட்சி
• 4. தொழிற்பயிற்சி நிலையத்தில் சேர அழைப்பு
• 5. 2, 3ம் வகுப்பு குழந்தைகளின் கற்றல் நிலை அறிய மதிப்பீடு
• 6. பெரிய வெங்காயம் வரத்து 15 'லோடு' ஆக அதிகரிப்பு
• 7. பறித்த மொபைலை மீட்க மரத்தில் ஏறிய 'குடி'மகன்
• 8. தொழு நோயாளிகளுக்கு நலத்திட்ட உதவி வழங்கல்
• 9. மாவட்டத்தில் 166 அமிர்த்த குளம் ஆகஸ்டில் பயன்பாட்டுக்கு வரும்
• 10.சின்ன சின்ன செய்திகள்