புதுச்சேரியில் துறைமுக முகத்துவாரம் தூர் வாரும் பணி ஜரூர்
Updated : மே 29, 2022 | Added : மே 29, 2022 | கருத்துகள் (1) | |
Advertisement
 
 
 
Advertisement
Advertisement
dinamalar advertisement tariff
 

புதுச்சேரி-புதுச்சேரி துறைமுக முகத்துவாரத்தை, 'சாகர்மாலா' திட்டத்தின் கீழ் துார் வாரும் பணி இறுதி கட்டத்தை எட்டியுள்ளது.



latest tamil news

இதுவரை5.80 லட்சம் கியூபிக் மீட்டர் மணல் துார் வாரப்பட்டு உள்ளது.எஞ்சிய பணிகளை ஜூன் மாதத்திற்குள் முடிக்க உத்தரவிட்டுள்ளதால், இடைஞ்சலாக உள்ள மீன்பிடி படகுகளை இன்று30ம் தேதிக்குள் அகற்ற உத்தரவிடப்பட்டுள்ளது.புதுச்சேரியில் 1994 முதல் 2006 வரை செயல்பட்டு வந்த சரக்கு துறைமுகம், அதன்பிறகு பல்வேறு காரணங்களால் செயல்படவில்லை.

துறைமுகத்தை மீண்டும் செயல்பாட்டுக்கு கொண்டுவர அரசு நடவடிக்கை எடுத்து வருகிறது. புதுச்சேரி துறைமுகம் மீண்டும் பயன்பாட்டிற்கு வர வேண்டுமெனில் கழிமுக ஆற்றுப்பகுதியில் போதுமான ஆழம் இருக்க வேண்டும். 5 மீட்டர் ஆழம் இருந்தால் மீண்டும் துறைமுகத்தை பயன்பாட்டிற்கு கொண்டு வந்து விடலாம்.ஆனால் கழிமுக பகுதியில் குவியும் கடற்கரை மணல் எப்போதுமே சிக்கலாகவே இருந்து வருகிறது.'சாகர்மாலா' திட்டத்தின் கீழ், புதுச்சேரி துறைமுகத்தை மீண்டும் பயன்பாட்டிற்கு கொண்டுவர திட்டமிட்டு, துறைமுகத் துறை, கழிவுமுக பகுதியில் கடந்தாண்டு ஆழம் அளவிடும் பணியை முடுக்கி விட்டது.

கண்டெய்னர்கள் இறக்கும் இடத்தில் சரக்கு கப்பல் திரும்புவதற்கு போதுமான ஆழம் உள்ளதா என தனியார் நிறுவனம் மூலம் ஆய்வு நடத்தப்பட்டது. இதில் 7 லட்சம் கியூபிக் மீட்டர் அளவிற்கு மணல் துார்ந்துள்ளது தெரிய வந்தது.இதனை தொடர்ந்து, கடந்தாண்டு பிப்ரவரி மாதம் கே.எஸ்.ஆர். மரைன் சர்வீஸ் நிறுவனம் மூலம் துார் வாரும் பணி துவங்கியது. இதுவரை 5.80 லட்சம் கியூபிக் மீட்டர் மணல் துார்வாரப்பட்டு உள்ளது.இப் பணி இறுதி கட்டத்தை எட்டியுள்ளது. துார் வாரப்படும் மணல், ராட்சத குழாய் மூலம் கொண்டு செல்லப்பட்டு, டூப்ளக்ஸ் சிலை அருகே செயற்கை மணற்பரப்பு உருவாக்கப்பட்டுள்ளது.முகத்துவாரத்தில் இருந்து துறைமுக ஜெட்டி வரை 2 கி.மீ., முகத்துவார கால்வாய் உள்ளது. இதில் கப்பல்கள் சென்றுவர குறைந்தபட்சம் 5 மீட்டர் ஆழம் இருக்க வேண்டும்.தற்போது 6 மீட்டர் ஆழத்திற்கு துார் வாரப்பட்டுள்ளதால் இனி கப்பல்கள் சென்றுவர சிக்கல் இருக்காது.இதேபோல் கற்கள் நிறைந்த 'சேண்ட்ராப்' பகுதியில் 8 மீட்டர் ஆழம் இருக்க வேண்டும் என துார்வாரும்போது நிபந்தனை விதிக்கப்பட்டது.இந்த பகுதியில் தற்போது 9 மீட்டர் ஆழத்திற்கு துார் வாரப்பட்டுள்ளதால் கப்பல்கள் எளிதாக முகத்துவார கால்வாய் பகுதியாக துறைமுகத்திற்கு சென்றுவர முடியும்.ஜூன் மாதத்திற்குள் எஞ்சியுள்ள பணிகளை முடிக்க உத்தரவிடப்பட்டுள்ளது.

எனவே முகத்துவார பகுதியில் தினசரி 3,500 கியூபிக் மீட்டர் மணல் 'டிரஜ்ஜர்' இயந்திரம் மூலம் அகற்றும் பணி முழு வீச்சில் நடந்து வருகிறது.அகற்ற கெடுபுதிய துறைமுககத்தின் கால்வாய் பகுதியில் கரையோரத்தில் தற்போது மீன்பிடி படகுகள் நிறுத்தி வைக்கப்பட்டுள்ளன. இவை, துார்வாரும் பணிக்கு இடைஞ்சலாக உள்ளன. ,எனவே, துார் வாரும் பணியை விரைந்து முடிக்கும் வகையில் இன்று 30ம் தேதிக்குள் அனைத்து விசைப்படகுகளையும் அகற்ற வேண்டும் என கெடு விதிக்கப் பட்டுள்ளது.இது தொடர்பாக அப்பகுதியில் துறைமுகத் துறை அறிவிப்பு பலகை வைத்துள்ளதோடு, மீன்பிடி படகுகளிலும் அறிவிப்பு நோட்டீஸ் ஒட்டப் பட்டுள்ளது.துார் வாரும் பணி முழுவதும் முடிந்ததும், அடுத்த கட்டமாக கப்பல் போக்குவரத்து துவக்க அனைத்து முயற்சிகளையும் புதுச்சேரி அரசு எடுக்க திட்டமிட்டுள்ளது.







புதுச்சேரி துறைமுகத்தினை மேம்படுத்த 'சாகர்மாலா' திட்டம் மூன்று கட்டமாக செயல்படுத்தப்படுகிறது. முதல் கட்டமாக துறைமுகத்தினை துார்வார ரூ. 44 கோடிக்கு மத்திய அரசு ஒப்புதல் தந்து, அதில் 18 கோடியை விடுவித்தது.

இதில் 17.10 கோடி ரூபாய் துறைமுகம் துார்வார செலவிடப்பட்டுள்ளது. மீதி 90 லட்சம் ரூபாய் புதுச்சேரி அரசு கையிருப்பில் உள்ளது.80 சதவீதம் துார் வாரும் பணி முடிந்துள்ளதால் மீதமுள்ள தொகையை விடுவிக்க வேண்டும் என புதுச்சேரி அரசு மத்திய அரசிடம் வலியுறுத்தியுள்ளது.



 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் புதுச்சேரி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Kasimani Baskaran - Singapore,சிங்கப்பூர்
30-மே-202205:25:06 IST Report Abuse
Kasimani Baskaran தமிழகத்தில் என்றால் தூர் வாரியதாக கணக்குக்காட்டி திராவிட மாடலில் பணத்தை ஏப்பம் விட்டிருப்பார்கள்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X