Dinamalar

திண்டுக்கல் : திண்டுக்கல்லில் மாநகராட்சி சார்பில் நகரங்களின் துாய்மைக்கான மக்கள் இயக்கம் விழிப்புணர்வு நிகழ்ச்சி நடந்தது. திண்டுக்கல் காமராஜ் பஸ் ஸ்டாண்டில் நடந்த இந் நிகழ்ச்சியில் கலெக்டர் விசாகன் தலைமை வகித்தார். மாநகராட்சி கமிஷ்னர் சிவசுப்பிரமணியன், மேயர் இளமதி, துணை மேயர் ராஜப்பா முன்னிலை வகித்தனர்.அரசால் தடை செய்யப்பட்ட பிளாஸ்டிக் பொருட்களை பயன்படுத்த மாட்டேன், அதற்கு பதிலாக மஞ்சப்பையை பயன்படுத்துவேன் என உறுதிமொழி ஏற்றுக்கொள்ளப்பட்டது.

தொடர்ந்து பஸ் ஸ்டாண்டில் உள்ள கடைகள், இலவச கழிப்பறைகளை கலெக்டர் ஆய்வு செய்தார். மாநகராட்சி நகர்நல அலுவலர் இந்திரா, மகளிர் திட்ட உதவி அலுவலர் கங்கா கவுரி, மண்டலத் தலைவர்கள் ஜான்பீட்டர், கார்த்திக், ஆனந்த் பங்கேற்றனர்.பழநி: பழநி நகராட்சி சார்பில் துாய்மைக்கான மக்கள் இயக்க விழிப்புணர்வு முகாம் சார்பில் கண்காட்சி, பேச்சு , கட்டுரை , ஓவியப்போட்டி நடந்தது. கண்காட்சியை நகராட்சி ஆணையர் கமலா திறந்துவைத்தார். டெங்கு பரவலை தடுக்க அறிவுறுத்தப்பட்டது. போட்டிகளில் வென்ற மாணவர்களுக்கு பரிசுகள் வழங்கப்பட்டன.