Dinamalar

சித்தாமூர் அருகே ஜமீன்பூதுார் கிராமத்தில், பெரிய ஏரியின் அருகே திரவுபதி அம்மன் கோவில் உள்ளது.இந்த கோவிலின் வசந்த திருவிழா, கொரானா தொற்று பரவல் தடுப்பு நடவடிக்கையால், இரு ஆண்டுகளாக சிறிய அளவிலேயே நடந்தது. அதனால் இந்தாண்டு, விமரிசையாக நடத்த கிராம மக்கள் முடிவு செய்தனர்.
அதன்படி திரவுபதி அம்மன் வசந்த திருவிழாவை முன்னிட்டு, இம்மாதம் 4ம் தேதி கொடியேற்றத்துடன் நிகழ்ச்சி துவங்கியது.தினமும் மாலை மகாபாரதம் சொற்பொழிவு, வில் வளைப்பு, சுபத்திரை திருமணம், திரவுபதி துகில், கிருஷ்ணன் துாது, பதினெ

நேற்று காலை, அர்ஜூனன் தபசு நிகழ்ச்சியில், பதினெட்டு படிகள் உடைய தபசு மரத்தின் மீது ஏறி, அர்ஜுனன் தவம் செய்யும் நிகழ்ச்சி நடந்தது.திருமணம் ஆகாத பெண்களுக்கு விரைவில் திருமணம் ஆகவும், திருமணம் ஆன பெண்களுக்கு புத்திர பாக்கியம் கிடைக்க வேண்டும் என வேண்டியும், தபசு மரத்திலிருந்து அர்ஜுனன் வீசிய எலுமிச்சம்பழத்தை, சேலையின் முந்தானையால் பெண்கள் பிடித்தனர்.வசந்த விழா, வரும் 28ம் தேதியுடன் நிறைவு பெறுகிறது. அன்று மதியம் துரியோதனன் படுகளம் நிகழ்ச்சியும், மாலை தீமிதி விழாவும் நடக்கிறது.