பிடித்தமான துறையை தேர்வு செய்யுங்கள்; மாணவர்களுக்கு முதல்வர் அறிவுரை
Added : ஜூன் 26, 2022 | |
Advertisement
 
 
 
Advertisement
Advertisement
dinamalar advertisement tariff
 
Latest district News

சென்னை: ''உங்களுக்கு பிடித்தமான துறையை தேர்வு செய்யுங்கள். அதில் அதிகமான உழைப்பை கொடுங்கள். உங்களுடைய வெற்றி நிச்சயம்,'' என, முதல்வர் ஸ்டாலின் அறிவுரை வழங்கினார்.

'நான் முதல்வன்' திட்டத்தின் கீழ், பிளஸ் 2 படித்த மாணவர்கள், உயர் கல்வி கற்க வழிகாட்டும், 'கல்லுாரிக் கனவு' நிகழ்ச்சி துவக்க விழா, நேற்று சென்னை நேரு உள் விளையாட்டரங்கில் நடந்தது.நிகழ்ச்சியை துவக்கி வைத்து, மாணவ - மாணவியருக்கு 'கல்லுாரி கனவு' புத்தகத்தை, முதல்வர் வழங்கினார்.முதல்வர் பேசியதாவது:பட்டம் வாங்கினோம்; வேலையில் சேர்ந்தோம்; கை நிறைய சம்பளம் வாங்கினோம் என்பதோடு, உங்கள் கடமை முடிந்து விடுவது இல்லை.

எத்தகைய ஆற்றல் படைத்தவர்களாக நீங்கள் உயர்ந்தீர்கள்; அத்தகைய ஆற்றலை வைத்து, இந்த சமூகத்தை எப்படி மேம்படுத்த முயன்றீர்கள் என்பது தான் முக்கியம்.இது தான் 'நான் முதல்வன்' திட்டத்தின் உண்மையான நோக்கம். பள்ளிக் கல்வியாக இருந்தாலும், உயர் கல்வியாக இருந்தாலும், திறமை மற்றும் அறிவுசார் கல்வியாக, அதை அரசு மாற்றிக் காட்டி வருகிறது.கல்லுாரியையும், படிப்பையும் கவனமாக தேர்வு செய்வது எவ்வளவு முக்கியமோ, அதை விட முக்கியம், கல்லுாரி காலத்தில் கவனத்தை சிதற விடாமல் இருப்பது தான்.பொறியியல், மருத்துவம் என்பது மிகச்சிறந்த படிப்புகள்.

ஆனால், அந்த இரண்டு கனவுகளோடு மட்டும் நின்று விட வேண்டாம்.இன்று வாய்ப்புகள், எல்லாத் துறைகளிலும், ஏராளமான கொட்டிக் கிடக்கின்றன. ஒவ்வொரு துறையிலும் படித்து முன்னேறி, உழைப்பை கொடுத்து வெற்றி பெறுவதற்கான வாய்ப்புகள் மிக அதிகம்.உலக அளவில் ஒவ்வொரு துறையிலும் வெற்றி பெற்றவர்களை, உற்றுப் பாருங்கள். அவர்கள் அனைவருமே, தங்களுக்கு பிடித்தமான துறையை தேர்ந்தெடுத்திருப்பர்.

அந்தத் துறையில் கடுமையாக உழைத்திருப்பர்.பிடித்த துறையை தேர்வு செய்வதும், கடும் உழைப்புமே, ஒவ்வொருவரின் வெற்றிக்கு, மிக முக்கியக் காரணமாக அமைந்துள்ளது.'நான் முதல்வன் - கல்லுாரிக் கனவு' நிகழ்ச்சி, அனைத்து மாவட்டங்களிலும், வரும் 29, 30, ஜூலை 1, 2 ஆகிய தேதிகளில் நடக்க உள்ளது.கல்லுாரி பட்டம் என்பதை எளிதாக அனைவரும் பெறுவதற்கான வாய்ப்புகள் நிறைய இருக்கின்றன. அந்த பட்டத்தை தாண்டிய தனித்திறமை இருந்தால் தான், நீங்கள் தனித்து ஜொலிக்க முடியும்.தாய் மொழியான தமிழிலும், உலக மொழியாக இருக்கக்கூடிய ஆங்கிலத்திலும் எழுத, பேச, படிக்க தெரிந்திருக்க வேண்டும். அதே நேரத்தில், அது பகுத்தறிவாக இருக்க வேண்டும்.இவ்வாறு முதல்வர் பேசினார்.




ஒப்பந்தம்

எச்.சி.எல்., நிறுவனத்துக்கும், தமிழ்நாடு திறன் மேம்பாட்டுக் கழகத்திற்கும் இடையே, நேற்று முதல்வர் முன்னிலையில் புரிந்துணர்வு ஒப்பந்தம் மேற்கொள்ளப்பட்டது.எச்.சி.எல்., நிறுவனம், அரசுப் பள்ளிகளில் படித்த மாணவ - மாணவியர் ௨,௫௦௦ பேரை, தகுதி அடிப்படையில் தேர்வு செய்து, பயிற்சி மற்றும் பணி ஆணை வழங்குவது என்றும், அப்பயிற்சிக்கான முழு செலவை அரசு ஏற்பது என்றும், முடிவு செய்யப்பட்டுள்ளது. அம்மாணவர்கள், பட்ட மேற்படிப்பு படிக்கவும் வாய்ப்பு வழங்கப்படும்.




 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X