'லிங்க் எக்ஸ்பிரஸ்' ரத்து: துாத்துக்குடி பயணிகள் துாக்கம் 'கட்!'
Added : ஜூன் 26, 2022 | கருத்துகள் (2) | |
Advertisement
 
 
 
Advertisement
Advertisement
dinamalar advertisement tariff
 

கோவை - நாகர்கோவில் ரயிலில் துாத்துக்குடிக்கு செல்லும் பயணிகளுக்காக இயக்கப்பட்ட, 'லிங்க் எக்ஸ்பிரஸ்' ரத்து செய்யப்பட்டு, இணைப்பு ரயில் இயக்கப்படவுள்ளதால், நள்ளிரவில் மணியாச்சியில் பல நுாறு பயணிகள் ஏறி இறங்கிச் செல்ல வேண்டிய கட்டாயம் ஏற்பட்டுள்ளது.

துறைமுக நகரமான துாத்துக்குடிக்கும், தொழில் நகரமான கோவைக்கும் இடையே, பல்வேறு தொழில், வணிக, சமூகத் தொடர்புகள் உள்ளன. துாத்துக்குடியைச்சேர்ந்த பல ஆயிரம் மக்கள், கோவையில் வசித்து வருகின்றனர்.கோவையில் இருந்து துாத்துக்குடிக்கு ரயில் இயக்க வேண்டுமென்ற கோரிக்கையை ஏற்று, 2011 ஜூலை 1 முதல், கோவை - நாகர்கோவில் ரயிலில், துாத்துக்குடிக்கு 'லிங்க் எக்ஸ்பிரஸ்' இயக்கப்பட்டது.

ஒரு ஏ.சி., பெட்டி உட்பட ஆறு பெட்டிகளுடன் இயக்கப்பட்ட இந்த ரயிலில், பயணிகள் எண்ணிக்கை அதிகமிருந்ததால், ஓராண்டுக்குள் ஒரு பெட்டி கூடுதலாக இணைக்கப்பட்டது.நாகர்கோவில் செல்லும் வழியில் மணியாச்சி சந்திப்பில், இந்த பெட்டிகளை வேறு ஒரு இன்ஜின் வைத்து, துாத்துக்குடிக்கு இயக்கி வந்தனர். கோவையிலிருந்து தினமும் 600 பேர் வரை இதில் பயணம் செய்தனர். கொரோனா காலத்தில் நிறுத்தப்பட்ட அனைத்து ரயில்களும் மீண்டும் இயக்கப்படும் நிலையில், 'லிங்க் எக்ஸ்பிரஸ்' ரயில் ரத்து செய்யப்பட்டுள்ளது.

இதற்குப் பதிலாக, வாஞ்சி மணியாச்சி சந்திப்பிலிருந்து ஜூலை 2 முதல் துாத்துக்குடிக்கு இணைப்பு ரயில், இயக்கப்படவுள்ளது. அதாவது, கோவை - நாகர்கோவில் ரயிலில் செல்வோர், மணியாச்சி ரயில் நிலையத்தில் இறங்கி, இந்த ரயிலில் ஏறி மாறிச் செல்ல வேண்டும்.துாத்துக்குடியில் இருந்து கோவைக்கு வர, இணைப்பு ரயிலில் வந்து இறங்கி, இரவு 11:30 மணிக்கு மணியாச்சியில் ஏற வேண்டும்;

அதே போன்று, கோவையிலிருந்து போகும்போது, அதிகாலை 2:40 மணிக்கு மணியாச்சியில் இறங்கி, இணைப்பு ரயிலுக்கு மாற வேண்டும். இதனால் போகும்போதும், வரும்போதும் துாங்கவே முடியாது.துாத்துக்குடி இணைப்பு ரயிலில், முன் பதிவில்லாத பெட்டியில், 300 பேர் வரை டிக்கெட் எடுத்து ஏறி வந்து, கோவை ரயிலில் இடம் கிடைக்காமல் போகும் வாய்ப்பும் அதிகம். இதனால் 'லிங்க் எக்ஸ்பிரஸ்' ரயில் ரத்து மற்றும் இணைப்பு ரயில் பற்றிய அறிவிப்பு, கோவையிலுள்ள பல ஆயிரம் துாத்துக்குடி மக்களை கடும் அதிருப்திக்கு உள்ளாக்கியுள்ளது.கோவையில் இருந்து துாத்துக்குடிக்கு தனி ரயில் இயக்க வேண்டும்; அதுவரை, பயணிகளை துாத்துக்குடியில் ஏற்றி, இறக்கிச் செல்ல வேண்டும் என, துாத்துக்குடி பயணிகள் நலச்சங்கம், தெற்கு ரயில்வே பொது மேலாளருக்கு மனு அனுப்பியுள்ளது. இரண்டும் நடக்காவிட்டால், கோவை மற்றும் துாத்துக்குடியில் உள்ள பல்வேறு வணிக, சமூக அமைப்புகளும் களமிறங்கிப் போராடத் தயாராகி வருகின்றன.




தெற்கு ரயில்வே பாரபட்சம்

தமிழகத்துக்கு ஒரு மாதிரியாகவும், கேரளாவுக்கு ஒரு மாதிரியாகவும் பாரபட்சத்துடன் தெற்கு ரயில்வே நிர்வாகம் நடந்து கொள்வதாக குற்றச்சாட்டு எழுந்துள்ளது.திருவனந்தபுரம் - பாலக்காடு அமிர்தா எக்ஸ்பிரஸ் ரயில், திருவனந்தபுரம் - நிலம்பூர் ராஜாராணி எக்ஸ்பிரஸ் ரயில் ஒரே ரயிலாக இயக்கப்பட்டு, சொர்ணுாரில் இருந்து பெட்டிகளைப் பிரித்து, ஒரு ரயில் பாலக்காடுக்கும், மற்றொரு ரயில் நிலம்பூருக்கும் தனித்தனியாக இயக்கப்பட்டது.

இந்த ரயில்கள், கொரோனாவுக்கு முன்பே, தனித்தனி ரயில்களாக மாற்றி இயக்கப்படுகின்றன. அதிலும் அமிர்தா எக்ஸ்பிரஸ் ரயில், தற்போது மதுரை வரை நீட்டிக்கப்பட்டுள்ளது.அதேபோன்று, தெற்கு ரயில்வேயில் இருந்து பிரிந்த தென் மத்திய ரயில்வே, தென் மேற்கு ரயில்வே, வடகிழக்கு ரயில்வே, கிழக்கு ரயில்வே ஆகியவற்றில், இப்போதும் 'லிங்க்' ரயில்கள் இயக்கப்படுகின்றன. ஆனால் தமிழகத்தில் மட்டும் இந்த ரயில்களை இயக்க மறுப்பது, தெற்கு ரயில்வே அதிகாரிகளின் பாரபட்சமான போக்கை வெளிச்சம் போட்டுக் காட்டியுள்ளது.



 

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
26-ஜூன்-202212:48:48 IST Report Abuse
Saai Sundharamurthy A.V.K இது எல்லாமே தென்னிந்திய ரயில்வேயில் பணியாற்றும் கேரளத்துக்காரர்கள் செய்யும் அடாவடி வேலை! தனித்தனி ரயில் விடுவது ஒன்று தான் இதற்கு தீர்வு.
Rate this:
26-ஜூன்-202213:42:37 IST Report Abuse
Saai Sundharamurthy A.V.Kஇது போன்று தாம்பரத்திலிருந்து செங்கல்பட்டு, காஞ்சிபுரம், அரக்கோணம் மார்க்கமாக பெங்களூருக்கு தினசரி "இரவு எக்ஸ்பிரஸ் ரயில்" சேவை வேண்டும் என்கிற கோரிக்கையையும் தென்னிய ரயில்வே கண்டு கொள்வதேயில்லை....
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X